Iguẹdjọ 18:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ayen da ta nẹ, Vrẹn, rere avwanre ra họnre ayen; kidie avwanre mrẹ otọ na nure, nighe, otọ na yovwi emu gangan. O vwo emuọvo we se ru-u? Ovwan jọphẹre, rere a ra reyọ otọ na.

Iguẹdjọ 18:9 Referans Kwoze

Ukeri 13:30

Ẹkẹvuọvo Kaleb de gbe ota phihọ ihwo na unu vwẹ irharo ri Mosis, ọ da ta, Jẹn avwanre vrẹn siẹvuọvo, rere a ra reyọ otọ na, fikiridie avwanre se phio kparobọ.

Joshua 18:3

Etiyin Joshua da ta ke ihwọ re Izrẹl, mavọ ovwan mudia krite wa ke ra reyọ otọ na, rẹ Ọrovwohwo, Ọghẹnẹ rẹ esẹ rẹ ovwan na, vwọ kẹ ovwan?

Iyẹnrẹ Esiri ri Jọn 6:27

Ovwan wian owian fiki rẹ emuọre rọ ghwọrọ-ọ; ẹkẹvuọvo fiki rẹ emuọre rọ tọn re te arhọ ri bẹdẹ, rẹ Ọmọ rẹ ohwo cha vwọ kẹ ovwan; kidie enu rọye ọye Ọghẹnẹ Ọsẹ na ka oka rọye phihọ.

1 Ivie 22:23

Asakiephana gbe nighe, Ọrovwohwo phi erhi rẹ efian phihọ unu rẹ emraro wẹn nana; Ọrovwohwo ta ota omiomiovwi kpahe owẹ nure.

1 Ivie 22:3

Ovie rẹ Izrẹl da ta kẹ idibo rọye, Wa riẹn Ramot-gilead ọ rẹ avwanre, yẹ avwanre rha je reyọ mie ovie ri Siria?

2 Samuẹl 10:12

Yivwaro, je ru oma kerẹ eshare vwọ kẹ ihwo rẹ avwanre; kugbe irere rẹ Ọghẹnẹ rẹ avwanre; e gbe jẹn Ọrovwohwo ru obo ri jere.

1 Samuẹl 4:9

We yivwaro, we ru oma kerẹ eshare E Filistia, ovwan da rhe dia eviẹn rẹ ihwo ri Hibru kirobo rẹ ayen epha kẹ ovwan; we dje oma kerẹ eshare rere wa họnre.

Iguẹdjọ 18:8

Ọke rẹ ayen vwo rhivwi bru iniọvo rayen rhe obi Zora kugbe Eshtaol, iniọvo rayen na da ta kẹ ayen nẹ, Didi iyẹnrẹn ovwan vwọ rhe?

Iguẹdjọ 18:10

Ọke rẹ ovwan da yanran na, ovwan che te asan rẹ ihwo re riẹn ọnana-a. Otọ na pha hẹhẹre; o muerọ nẹ, Ọghẹnẹ phi otọ na phihọ obọ rẹ ovwan nure, asan ri kemu kemu epha vwẹ evun rẹ akpọ na.