Iguẹdjọ 18:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ayen da ta kẹ nẹ, Avwanre rẹ wẹ, rere wọ ra guọnọ otọ re ọyan rẹ avwanre na vwẹ obọ rẹ Ọghẹnẹ, rere wo ji avwanre riẹn sẹ oyan na shephihọ. Etiyin orherẹn na da ta kẹ ayen nẹ,

Iguẹdjọ 18:5 Referans Kwoze

1 Ivie 22:5

Jehoshafat da ta kẹ ovie rẹ Izrẹl duoto rọye vwẹ obọ rẹ Ọrovwohwo

Iruo rẹ Iyinkọn na 8:10

Ayen ejobi ke kerhọn rọye, te ohwo otete te ohwo rode, tanẹ, ohwo nana hẹ ogangan rẹ Ọghẹnẹ yena re se ọrode.

Hosia 4:12

Ihwo mẹ re duotọ rẹ akpọ vwẹ obọ rẹ ubrurhe, ọkpọ rayen kọye ayen vwọ bọ epha. Kidie urhuru sivwe rẹ ọfarhiẹ sun ayen ghwru, ayen da yan jẹn Ọghẹnẹ rayen vwo re gbe igberadja.

Izikiẹl 21:21

Kidie ovie ri Babilọn mudia vwẹ aderha, vwẹ obo oba rẹ idjerhe ive na, ọ rọ bọ epha; o ro kpogho edada rọye, ọ ra vwẹ utẹ rọye nẹ, o ro nẹ irhue rẹ eravwe.

Aizaya 30:1

Ekan kẹ emọ ri gbe ozighi, eriyin Ọrovwohwo tare, ri ruẹ obo rẹ ayen ta phihọ otọ, yẹ ẹkẹvuọvo ọ dia ọmẹ-ẹ; re gba oma koko, ẹkẹvuọvo yọ dia ọ rẹ erhi mẹ-ẹ, rere ayen mrasan vwẹ umwemwu ba umwemwu,

Ivie rẹ Ivẹ 16:15

Ovie Ehaz da vwẹ urhi kẹ Uraya orherẹn na, tanẹ, Dia enu rẹ agbada nana torhẹ izobo rẹ ẹtorhẹ rẹ urhiọke, vẹ izobo rẹ oka vwẹ ovwọnvwọn, vẹ izobo rẹ ẹtorhẹ rẹ ovie, vẹ izobo rẹ ọka rọye, vẹ izobo rẹ ẹtorhẹ rẹ ihwo rẹ otọ na ejobi, vẹ izobo rẹ ọka, vẹ izobo rẹ udi rayen; vwọ fẹrẹ ọbara rẹ eranwe ra vwo rhe izobo rẹ ẹtorhẹ na kuo, vẹ ọbara rẹ eranvwe ejobi rẹ ayen vwọ rhe ẹga; ẹkẹvuọvo kẹ a yan jẹ agbada rẹ izobo rẹ ẹrovwo na vwo kẹ vwẹ rere mia dia etiyin da nọ ekpẹ rẹ ọdavwẹ mẹ.

Iguẹdjọ 18:14

Etiyin eshare iyori re ke ji re dorhẹn rẹ otọ rẹ orere ri Laish, da ta kẹ imoni rayen nẹ, ovwan riẹnre nẹ ibuluku ọvo kugbe terafim, kugbe oma, kugbe oma re duvwuru herọ vwẹ uwevwi rọ oboyi na? Asakiephana gba jẹ iroro rẹ obe rẹ ovwan che ru

Iguẹdjọ 17:13

Etiyin Mika da tanẹ, Ọke nana me ke riẹn nẹ Ọrovwohwo na che fe vwe, fikiridie me vwẹ ohwo ri Livae vwo ru orherẹn mẹ.

Iguẹdjọ 17:5

Ọshare na re se Mika na de vwo ẹshẹ, o de ko ibuluku kugbe terafim, ọ da sanọ ọvo vwẹ usun rẹ emọ rọye rẹ eshare na vwo mu, vwo ru orherẹn rode rọye

Iguẹdjọ 18:4

Ọ da ta kẹ ayen nẹ, Mika reyọ vwẹ phihọ iruo ọtiọna; ọ reyọ ovwẹ vwo ru orherẹn rọye.

Iguẹdjọ 18:6

yanran egberhẹnẹdẹ. Ọrovwohwo vwẹ ẹro te oyan rẹ ovwan na.

1 Samuẹl 9:9

(Jovwo vwẹ Izrẹl, ọke rẹ ohwo de re duotọ rẹ emu vwẹ obọ rẹ Ọghẹnẹ, ọ me ta, Yanrhe, re kpo obo rẹ ọmrorẹ; kidie ohwo re se ọmraro asakiephana ọmrorẹ e se jovwo.)