Iguẹdjọ 18:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọke rẹ ovwan da yanran na, ovwan che te asan rẹ ihwo re riẹn ọnana-a. Otọ na pha hẹhẹre; o muerọ nẹ, Ọghẹnẹ phi otọ na phihọ obọ rẹ ovwan nure, asan ri kemu kemu epha vwẹ evun rẹ akpọ na.

Iguẹdjọ 18:10 Referans Kwoze

Iguẹdjọ 18:27

Ayen vwo mu ekuakua rẹ Mika, kugbe orherẹn rọye reyọ nu, etiyin ihwo ri Dan na da rhe Laish, ayen de bru ihwo na ri yerẹ akpọ ofuefu vwẹ orere rayen, ayen da vwẹ ọlọkọ guọghọ ihwo na, ayen da vwẹ erhanre torhẹ orere na

Iguẹdjọ 18:7

Etiyin eshare iyori na da yanran, ayen da rhe Laish, ayen da mrẹ ihwo re dia oboyi na, kirobo rẹ ẹdia rayen mudia ga te, uruemu rayen da họhọ ihwo ri Sidọn, vẹ eyere fuefu ro vwo iroro ivẹ-ẹ, ọkanrovwen herọ vwẹ evun rẹ otọ yena-a, efe ọye herọ, ayen vẹ ihwo ri Sidọn yeri kugbe-e, ayen sherabọ ke ọhwohwo.

1 Timoti 6:17

Nabo yono ayen otu ri feri vwẹ akpọ na nẹ, ayen bru ọrho-o, eyẹ ayen vwẹ ẹro so efe rọ muẹro-o ẹkẹvnọvo ayen vwẹ ẹro so Ọghẹnẹ rọ kẹ avwanre efe ro muẹ avwanre geie na.

Izikiẹl 20:6

Vwẹ ẹdẹ yena mi de duvwu iyori kẹ ayen nẹ, Me reyọ ayen nẹ otọ rẹ Ijipt rhe otọ re me guọnọ vwọ kẹ ayẹn, otọ rọ djẹ ọkẹre vẹ ame rẹ ivie kugbe ọnyọn, otọ ro me yovwi ejobi.

Joshua 6:16

Vwẹ obọ righwrẹn na, re irherẹn na vwo hworo owanre na re, Joshua da ta kẹ ihwo na, We kuvwie; kidie Ọrovwohwo phi orere na phihọ owẹ obọ nure.

Urhi Rivẹ 4:1

Asakiephana, E Izrẹl, wa kerhọ rẹ irhi vẹ iji, ri mi yono ovwan, rere we ru ayen; re wa mrasan rhọ, rere wa ra dia otọ rẹ Ọrovwohwo Ọghẹnẹ rẹ esẹ rẹ ovwan vwọ kẹ ovwan na.

Urhi Rivẹ 2:29

kirobo rẹ emọ rẹ Isọ re dia Sia kugbe ihwo ri Moab rẹ Ai, ru kẹ vwẹ; bẹsiẹ Me vwọ wan Jọdan vrẹn kpo evun rẹ otọ rẹ Ọrovwohwo Ọghẹnẹ rẹ avwanre na vwọ kẹ avwanre.

Ẹyano 3:8

Ọtiọye na ke me rhere rhi si ayen nẹ obọ rẹ ihwo rẹ Ijipt, re mi si ayen nẹ otọ yena vwo kpo otọ rọ yoma rọ rhoro, otọ rọ djẹ ọkẹre rẹ ame rẹ ivie vẹ ọnyọn. Otọ rẹ ihwo rẹ Kenan, ihwo rẹ Hit, ihwo rẹ Amọr, ihwo rẹ Periz, ihwo rẹ Hiv kugbe ihwo rẹ Jebu.

Iguẹdjọ 18:9

Ayen da ta nẹ, Vrẹn, rere avwanre ra họnre ayen; kidie avwanre mrẹ otọ na nure, nighe, otọ na yovwi emu gangan. O vwo emuọvo we se ru-u? Ovwan jọphẹre, rere a ra reyọ otọ na.

Iguẹdjọ 18:11

Etiyin eshare uriọrha rẹ orua ri Dan, da ghwa ekuakua rẹ ofovwi phihọ, ayen de nẹ obi Zọra kugbe Eshtaọl,

Joshua 2:23

Etiyin eshare ivẹ na de wotọ nẹ enu rẹ igbenu na rhe, ayen da wanvrẹn rhi te asan ri Joshua rẹ ọmọ ri Nọn epha; ayen de gbe ikun rẹ obo re phia kẹ ayen ejobi kẹ

Joshua 2:24

Ayen da ta kẹ Joshua, Uyota Ọrovwohwo phi otọ na ejobi phihọ obọ rẹ avwanre nure; ọ rọ marho udu re bru ihwo na gangan fiki rẹ avwanre.