Iguẹdjọ 17:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọtiọye ọke rọ vwo phi idọnọ na phihọ otọ kẹ oni rọye nu, oni rọye da reyọ ibrọ rẹ igho ẹko uri rẹ idọnọ na vwọ kẹ ọdjọgu, rere ọ vwọ kare oma kugbe oma re duvwuru; e de muo phihọ uwevwi ri Mika.

Iguẹdjọ 17:4 Referans Kwoze

Iguẹdjọ 17:3

O de phi ibro rẹ idọnọ ujori uhwọvo na phihọ otọ kẹ oni rọye; oni rọye da tanẹ, Me reyọ idọnọ na nẹ obọ mẹ vwọ kẹ ọmọ mẹ rere e ruọ fon kẹ Ọrovwohwo, rere a vwọ kare oma kugbe oma re duvwuru; eriyin na mi phi rọ phihọ otọ kẹ wẹ

Iguẹdjọ 17:5

Ọshare na re se Mika na de vwo ẹshẹ, o de ko ibuluku kugbe terafim, ọ da sanọ ọvo vwẹ usun rẹ emọ rọye rẹ eshare na vwo mu, vwo ru orherẹn rode rọye

Aizaya 30:22

vwe ọke yena ku wọ che gbe ema wẹn ra vwe idọnọ efuanfon kugbe e ra vwe iro ma ẹgua Ku wọ hra ayen kerẹ imu igbegbe, ku wo ta ke ayen ne, Wa yanran!

Aizaya 44:13

Oruona da vwẹ ufi ma, ọ da vwẹ ubi sio, ọ da vwẹ ughugha phia ọ da vwi kompas vwọ ma, ọ da rhe karọ phihọ ohwo, vẹ erhuvwu rẹ ohwo, rọ dia uwevwi.

Urhi Rivẹ 27:15

Ekan dia kẹ ohwo rọ kare oma eyẹ ohwo rọ ma oma ọye ẹgua kẹ Ọrovwohwo na, emu rẹ ọwena kare, re mu phihọ odjahọ, Ihwo na ejobi Me kpahe tanẹ, Isẹ.

Iguẹdjọ 18:17

Etiyin eshare iyori re ke ji ra dorhẹn rẹ otọ rẹ orere na, da ro evun rẹ uwevwi na, ayen de mu oma na, kugbe ibuluku na, kugbe terafim na, kugbe oma re duvwuru na; yẹ orherẹn na mudia phihọ akakọ rẹ unu rẹ anurhoro na kugbe eshare uriorha na re ghwa ekuakua rẹ ofovwi na.

Habakọk 2:18

Didi erere ọye oma vwori ọke rẹ ọwena na da kparọ, oma rẹ utehru, oyono rẹ efian? Kidie ọwena na vwẹ ẹro so obo rẹ ọye ọvo kare ọke rọ da kare oma ro diunu!