Iguẹdjọ 17:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Mika da vwẹ ohwo ri Livae na vwo mu, emeghene na de rhi hirhe phihọ orherẹn rọye, ọ dia evun rẹ uwevwi rẹ Mika.

Iguẹdjọ 17:12 Referans Kwoze

Iguẹdjọ 18:30

Ihwo ri Dan na da vwẹ oma ọvo vwo mu kẹ oma rayen; Jonatan ọmọ ri Gẹshọn, ọmọ ri Mosis, kugbe emọ rọye kẹ irherẹn kẹ orua rẹ ihwo ri Dan rhi te ọke re vwo mu ayen kpo otọ rẹ ọviẹn.

1 Ivie 12:31

Ọ da je bọn iwevwi phihọ asan ro kpenu, ọ da vwẹ irherẹn mu vwẹ ohri rẹ ihwo na ejobi, rọ dia ihwo rẹ orua ri Livae-e.

Ukeri 16:5

etiyin ọ da ta kẹ Korah vẹ ukoko rọye ejobi, Vwẹ irhiọke Ọrovwohwo na che dje ohwo rọ dia ọrọye kugbe ohwo rọ fonro, ko che si ohwo yena kẹrẹ oma; ohwo rọ jẹreyọ, kọye o si kẹrẹ oma.

Ukeri 18:1

Ọtiọye Ọrovwohwo ta kẹ Erọn, Wẹ vẹ emọ wẹn kugbe uwevwi rẹ ọsẹ wẹn vẹ owẹ re cha ghwa oghwa rẹ orukuruku vwẹ oma rẹ ẹshẹ na; te owẹ vẹ emeshare wẹn kugbe uwevwi rẹ ọsẹ vẹ owẹ re cha ghwa oghwa rẹ orukuruku vwẹ oma rẹ iruo rẹ orherẹn na.

Iguẹdjọ 17:11

Ohwo ri Livae na da rhọvwe nẹ ọye nene ọshare na dia, emeghene na vẹ ọshare na da dia kerẹ ọvo vwẹ usun rẹ emọ rọye rẹ eshare na.

Iguẹdjọ 17:13

Etiyin Mika da tanẹ, Ọke nana me ke riẹn nẹ Ọrovwohwo na che fe vwe, fikiridie me vwẹ ohwo ri Livae vwo ru orherẹn mẹ.

Iguẹdjọ 18:4

Ọ da ta kẹ ayen nẹ, Mika reyọ vwẹ phihọ iruo ọtiọna; ọ reyọ ovwẹ vwo ru orherẹn rọye.