Iguẹdjọ 17:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Mika da ta kẹ nẹ, Nene uvwe dia rere me vwẹ owẹ ru ọsẹ kugbe orherẹn mẹ, me kẹ wẹ ibro rẹ idọnọ ihwe, kugbe iwun kugbe emu ra ria rẹ ẹgbukpe. Etiyin ohwo ri Livae na da ro uwevwi.

Iguẹdjọ 17:10 Referans Kwoze

1 Pita 5:2

Ghẹrẹ uchuru rẹ Ọghẹnẹ ra vwọ kẹ wẹ yọnre na, ọ dia ọ rẹ ẹgbahọ-ọ ẹkẹvuọvo ọ ro nẹ udu rhe, ọ dianẹ ra vwọ mrẹ erere rẹ omaẹvuọ-ọ ẹkẹvuọvo re ruo vẹ evun phephẹn,

1 Timoti 6:10

Kidie uhinpho rẹ igho ọye ghwa okpetu na ejobi cha; urhuru sivwe nana ọye sorọ rẹ ihwo buebu vwo ghwru nẹ esegbuyota na re da vwẹ edada vẹ obi vwọ sa udu rayen.

Iyẹnrẹ Esiri ri Jọn 12:6

Ọnana ọ tare, ọ dianẹ kọ davwerhọn rẹ ivwiogbere na-a, ẹkẹvuọvo oji o ruẹ, ekpeti rẹ igho na vwo rhe na kọ wanvwiẹ obo re hẹ evun rọye.

Matiu 26:15

Ọ da ta nẹ, Die ovwan sa kẹ vwẹ, ri mi de muo kẹ ovwan? Ayen de kere idọnọ efuanfon ọgban vwọ kẹ.

Izikiẹl 13:19

Wo gbe vwe ẹgua vwẹ ohri rẹ ihwo mẹ fiki rẹ ẹkuobọ rẹ ọka kugbe ubro rẹ ikara, we mi hwe ihwo ri fo ughwu-u, ihwo ri fo ughwu we mi je ayen vwo, vwẹ oma rẹ efian re wa vwọrọ kẹ ihwo mẹ, re kerhọn rẹ efian.

Aizaya 22:21

ki mi che ku adagba wẹn phihọ oma, ke me vwẹ umuamwa wẹn vwo muo, ki mi phi ogangan wẹn phihọ obọ, kọ cha dia ọsẹ kẹ ihwo ri Jerusalẹm kugbe uwevwi rẹ Juda.

ỌBE RẸ JOB 29:16

Mẹvwẹ kẹ ọsẹ kẹ ovwiogbere na, me da guọnọ otọ rẹ ohwo re me riẹnre-e.

Ivie rẹ Ivẹ 13:14

Asakiephana ọke rẹ Ilaesha vwọ họnvwan ọga ro che vwo ghwẹ, Joash ovie rẹ Izrẹl de bro ra, ọ da viẹ vwẹ obaro rọye, tanẹ, Ọsẹ mẹ, ọsẹ mẹ ekpẹrẹ rẹ Izrẹl kugbe ituofovwi rọye.

Ivie rẹ Ivẹ 6:21

Ọke rẹ ovie rẹ Izrẹl vwọ mrẹ ayen re ọ da ta kẹ Ilaesha, Ọsẹ me, mi hwe ayen? Mi hwe ayen?

1 Samuẹl 2:36

Kohwo kohwo ro chekọ vwẹ uwevwi wẹn kọ cha rhe rhi momo idọnọ mie eyẹ ọ me rhe yarọ ukori rẹ ikara, kọ ta, me rẹ wẹ, biko phi vwe phihọ asan ọvo vwẹ ẹdia rẹ irherẹn na, rere me vwọ mrẹ ememu rẹ.

Iguẹdjọ 17:11

Ohwo ri Livae na da rhọvwe nẹ ọye nene ọshare na dia, emeghene na vẹ ọshare na da dia kerẹ ọvo vwẹ usun rẹ emọ rọye rẹ eshare na.

Jẹnẹsis 45:8

Ọtiọye na ọ gbe dianẹ ovwan ri ji vwe rhe obonẹ-ẹ, ẹkẹvuọvo Ọghẹnẹ; ọ da vwẹ ovwẹ ru ọsẹ ki Fero, kugbe olori rẹ uwevwi rọye ejobi vẹ osun rẹ otọ rẹ Ijipt ejobi.

Iguẹdjọ 17:9

Mika da ta kẹ nẹ, Tivọ wo nurhe? Ọ da ta kẹ nẹ, Mẹvwẹ ohwo ri Livae ri Bẹtlẹhẹm ri Juda, me kpare oyan kpo asan re me cha dia.

Iguẹdjọ 18:4

Ọ da ta kẹ ayen nẹ, Mika reyọ vwẹ phihọ iruo ọtiọna; ọ reyọ ovwẹ vwo ru orherẹn rọye.

Ivie rẹ Ivẹ 2:12

Ilaesha da mrẹ, o de kperi phia, Ọsẹ mẹ, Ọsẹ mẹ! akpẹrẹ rẹ Izrẹl vẹ ẹdjẹ-iyesi rọye! Ọ gbe mrẹ ọfa-a. Etiyin ọ da reyọ emwa rọye ọ da bẹrẹ ayen ẹbẹbẹre.