Iguẹdjọ 16:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Samsin da ta kẹ aye na nẹ, ọ da dianẹ ayen vwẹ irihrẹ ighwrẹn ekpokpọ rẹ umurhabọ re je ya-a vwọ gba vwẹ, oma kọ cha ghwọro ovwẹ, ke me cha dia kerẹ ohwo ghevweghe.

Iguẹdjọ 16:7 Referans Kwoze

Kolose 3:9

Wa vwọnrọn efian kẹ ohwohwo-o, kidie ovwan siobọ nẹ ohwo rẹ awanre na vẹ uruemu rọye ejobi nure.

Galesha 6:7

Wo ja phiẹn wẹ-ẹ, a vwẹ Ọghẹnẹ jehwẹ-ẹ, kidie okankọn kẹ okankọn rẹ ohwo kọnre, ọye o ji che vun rhe.

Ọbe ri Pọl si rhe Ihwo ri Rom 3:8

Kidie sorọ e gbi ruẹ imwemwu rere erhuvwu rhe-e?–kirobo rẹ ihwo evo barẹ avwanre ota nẹ avwanre tare. Obruhwe rayen gbare.

Isẹ 17:7

Ota esiri fi emuọvo kẹ ẹkpa-a; ọtiọye na ọfian ji se fi emuọvo kẹ osu-un.

Isẹ 12:19

Ugbunu rọ ta uyota cha dia bẹdẹ, ẹkẹvuọvo ẹrẹnvwe rọ vwọrọn efian ọmọke krẹn ọye ọ dia.

1 Samuẹl 27:10

ọke rẹ Akish vwo nọ nẹ, Tivọ wọ de kpo ugborho nonẹ? Devid de genu tanẹ, obo Nẹgẹb ri Juda, eyẹ obo Nẹgẹb ri Jẹrahmeel, eyẹ Nẹgẹb ri Ken.

1 Samuẹl 19:17

Sọl da ta kẹ Mikal, Die wọ vwọ phiẹn vwẹ ọtiọna, rẹ ọvweghrẹ mẹ vwọ mrasan djẹ, rọ vwọ va vwẹ abọ? Mikal da kpahe kẹ Sọl, ọ ta kẹ vwẹ nẹ, Ju vwe kpo; die soro mi vwo hwe we?

Iguẹdjọ 16:10

Dẹlila da ta kẹ Samsin nẹ, Nighe, wọ vwo vwẹ jehwẹ, wọ je phiẹn vwẹ; biko ta kẹ vwẹ obo ra sa vwọ gba wẹ.

Iguẹdjọ 16:6

Etiyin Dẹlila da ra ta kẹ Samsin nẹ, Biko ta kẹ vwẹ asan rẹ ogangan wẹn rode na epha, kugbe emu ra sa vwọ gba wẹ, kugbe ọ ra vwọ nyẹ wẹ muotọ.

Iguẹdjọ 16:8

Etiyin ihwo ride ri Filistia da reyọ irihrẹ ighwrẹn ekpokpọ rẹ umurhabọ re je ya-a vwo rhe aye na, ọ da reyọ vwọ gba ọshare na.

Iguẹdjọ 16:9

Ọke nana o de phi eshare phihọ evun ri sioma nu vwọ hẹrhẹ Aye na da ta kẹ nẹ Ihwo ri Filistia na rhere, Samsin! Ẹkẹvuọvo o de vwrẹn irihrẹ na kerẹ oruru rẹ erhanre torhẹre. Ọtiọye na a gbe riẹn odjahọ rẹ ogangan rọye-e.