Iguẹdjọ 16:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ọke rẹ oma vwọ vwerha ayen re, ayen da tanẹ, se Samsin na rhe, rere o gbeha kẹ avwanre. Eriyin ayen de se Samsin nẹ evun rẹ uwodi na rhe, o de gbeha ke ayen. Ayen de mu Samsin mudia uherevie rẹ ichivwo rẹ uwevwi na

Iguẹdjọ 16:25 Referans Kwoze

2 Samuẹl 13:28

Etiyin Absalọm da ta kẹ idibo rọye nẹ, Wa rhẹrẹ vwẹ ọke rẹ udi de mu Amnọn, me da ta kẹ ovwan nẹ, ghwiẹ Amnọn; we mi hwe, wo jẹn oshọ mu ovwa-an. ọ dia omẹvwẹ ri ji ovwa-an? Yivwaro, goma.

Iguẹdjọ 19:6

Ọtiọye na ayen eshare ivẹ na de tidia ayen da re ayen da da, ọsẹ rẹ ọmọtẹ na da ta kẹ ọshare na nẹ, Joma vwerhe owẹ rere wọ dia etinẹ ason na, jẹn evun vwẹrhe owẹ.

Iguẹdjọ 9:27

Ayen da yanran kpo aghwa, ayen da ra kọrọ grep vwẹ ogba ri vain rayen koko, ayen de chiyi ayen, ayen da re orẹ, ayen da yanran kpo uwevwi rẹ ẹdjọ rayen, ayen da re, ayen da da idi, ayen de duvwu iyori kẹ Abimẹlẹk.

Hibru 11:36

A vwẹ evo jehwẹ a vwẹ ugbudia fa evo, a vwẹ igoni kanre evọ e mu evo phihọ uwodi.

Matiu 27:29

Ayen da wọn erhu rẹ odjigbẹ vwo tughẹ, ayen da vwẹ ugbẹn rẹ ọghọrọghọdẹ vwọ hẹ obọ; ayen de diguẹ kẹ, vwọ jehwẹ tanẹ, Do, Ovie ri Ju!

Aizaya 22:13

gbe nighere, aghọghọ vẹ omavwerhe, e hwe irhuẹn e hwe igodẹ, e ria uvwo rẹ eranvwe ayen da idi. Jẹn avwanre re ra da, kidie odẹ rọ cha ki me ghwu.

Une rẹ Ejiro 69:26

Kidie ayen kpokpo ohwo ro wọ ghwiẹ nure, ohwo ru wọ woma nure, kọye ayen kpokpo phihọ.

Une rẹ Ejiro 69:12

Mẹvwẹ kọye otidia ohwarha vwo gbe ikun, e rẹ idi muẹ ke omẹvwẹ ayen vwọ so ine.

Ẹsta 3:15

Ikọn na da yanran kpata kpata kirobo rẹ urhi rẹ ovie na epha, e de ji urhi na vwi Susa rẹ otorere na. Etiyin ovie na vi Haman de tidia ke da udi, ẹkẹvuọvo orere ri Susa de rhi tighi ku.

1 Ivie 20:12

Ọke ri Bẹnhadad vwo nyo ovuẹ na rọ vẹ ivie na vwọ da udi vwẹ ọgarivi na, ọ da ta kẹ ihwo rọye, Wa ghare oma phihọ. Ayen da ghare oma phihọ riariẹ orere na.

Iguẹdjọ 19:9

Ọke rẹ ọshare na kugbe ọnse rọye kugbe odibo rọye vwo vrẹn rere ayen yanran kpo, etiyin ọgọ rọye, ọsẹ rẹ ọmọtẹ na da ta kẹ nẹ, Nighe, ọke na kpo ovwọnvwọn re; biko da oma ji vwẹ ason nana. Nighe, ọke na kpo re, vwerhẹ etinẹ rere wo jẹn oma vwerhẹ owẹ; rere irhiọke ride rẹ odẹ rọ cha, wọ ke yanran kpo.

Iguẹdjọ 18:20

Ivun da vwerhe orherẹn na; o de ku ibuluku na, kugbe terafim na, kugbe oma na, ọ da ro uherevie nene ayen yanran.

Iguẹdjọ 16:24

Ọke rẹ ihwo na vwọ mrẹ nure, ayen de jiri ẹdjọ rayen; kidiẹ ayen tare nẹ, Ẹdjọ rẹ avwanre phi ọvweghrẹ rẹ avwanre phihọ obọ rẹ avwanre, igbulegbu ro kpokpo orere rẹ avwanre, rọ guọghọ ihwo rẹ avwanre buebu.

Iguẹdjọ 16:26

Samsin da ta kẹ ọmọshare rọ yọnrọn obọ vwọ yan na nẹ, Ji uvwe yọnrọn ichivwo rẹ uwevwi na ghwoma nyẹ na, rere me vwẹ oma rẹrẹ ayen.

Ẹsta 1:10

Vwẹ ẹdẹ righwrẹn, rẹ oma vwọ vwerhọ ovie na fiki rẹ idi rọ dare, ọ da ta kẹ Mehuman, Bizta, Habona, Bizta kugbe Abagta, Zethar, kugbe Kakas, eghwara ighwrẹn ri muẹ idi kẹ Ahasuerus rẹ ovie na,