Iguẹdjọ 16:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² A da ta kẹ ihwo ri Gaza nẹ, Samsin rhe etinẹ, ayen da ra gba hẹrhẹ vwẹ anurhoro rẹ orere na vwẹ evun rẹ ason na ejobi. Ayen de fotovwi gbiei vwẹ ason na ejobi, tanẹ Jẹn avwanre hẹrhẹ bẹsiẹ ro vwo te irhiọke ride; etiyin avwanre ki hwe.

Iguẹdjọ 16:2 Referans Kwoze

1 Samuẹl 23:26

Sọl da yanran kpo abọvo rẹ ugbenu na, Devid vẹ ihwo rọye de rhe kpo abọ rivẹ rẹ ugbẹnu na; Devid ko bru okpakpa rere ọ vwọ mrasan djẹ va Sọl abọ, yi Sọl vẹ ihwo rọye ghwa vwọ kpahe Devid vẹ ihwo rọye chachacha rẹ ayen muo vẹ ihwo rọye,

Iruo rẹ Iyinkọn na 9:24

Ẹkẹvuọvo Pọl da riẹn iroro rayen. Ayen ke rhẹrẹ anurhoro na te ason te uvo, rere ayen hwe;

Iruo rẹ Iyinkọn na 23:15

Ovwan, vẹ otu rẹ ẹguare na, gba vuẹ rhe onotu na rọ reyọ rhe ovwan, kerẹsiẹ ra da mrẹ nẹ ovwan cha nabọ guọnọ otọ rẹ ota na gbagba. Bẹsiẹ ro vwo te etinẹ yẹ avwanre reyerọ hwe nure.

Matiu 27:1

Rẹ ọke rhi vwo rhie, ilori rẹ irherẹn na ejobi kugbe ekpako ri Ju na ejobi, da ra ro ẹguare kpahe Jesu obo rẹ ayen ru hwe.

Matiu 21:38

Ẹkẹvuọvo, eghwẹrẹ na vwọ mrẹ ọmọ na ayen da ta kẹ omoma rẹ ayen nẹ, Ọnana re cha reuku na; yanrhe re avwanre hwe, re avwanre reyọ uku rọye na.

1 Samuẹl 19:11

Ason yena Sọl de ji ohwo kpo uwevwi ri Devid ra rhẹrẹ, rere ọ vwọ mrasan hwe vwẹ irhiọke. Ẹkẹvuọvo Mikal, aye ri Devid, da vuẹ, wọ rha kẹnọma wẹn vwẹ ason na-a, odẹ rọ cha ke hwe we.

Iguẹdjọ 15:18

Urhuru rẹ ame de rhi hwe gangan, o de kperi se Ọrovwohwo tanẹ, Wẹ ri phi ogangan rode re esivwo phihọ obọ rẹ odibo wẹn, urhuru rẹ ame gbe hwe vwe ghwu, rere mi she phihọ abọ rẹ ihwo ri jeyanvwọ na?

Iyẹnrẹ Esiri ri Luk 21:20

Ẹkẹvuọvo ọke wọ da mrẹ Jerusalẹm rẹ otuofovwi gba riariẹ phihọ, etiyin gba ghwa riẹn nẹ ọke rẹ ẹkua fiotọ rọye si kẹre re.

Iguẹdjọ 16:3

Ẹkẹvuọvo Samsin de shevwerhẹ re te uherevie ason ọke rọ vwọ te uherevie ason re o de vrẹn ọ da yọnrọn ẹchẹ kugbe ichivwo ivẹ rẹ anurhoro rẹ orere na, o de yoro ayen, te ogba te ichivwo rẹ ayen ejobi, o de mu ayen phihọ igabọ rọye ọ da ghwẹ ayen phihọ enu rẹ ugbenu rọ obaro ri Hebrọn.