Iguẹdjọ 16:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Aye na da riẹriẹ phihọ ọvwerhẹ vwẹ awọ rọye; o de se ọshare ọvo rhe re waren osunsun ighwrẹn rẹ ẹto rẹ uyovwi rọye ejobi no. Aye na de muohọ elaghọ, ogangan rọye de vrẹn no oma.

Iguẹdjọ 16:19 Referans Kwoze

Aghwoghwo 7:26

Me da rhe mrẹ obo rọ yare nọ ughwu aye rẹ udu rọye ọvo dia ufi vẹ obriki rẹ abọ rọye ọvọ je hẹ igoni, ohwo ro ru obo ri jẹ Ọghẹnẹ kọ djẹ vabọ ẹkẹvuọvọ aye na ko reyọ oruimwemwu vwọ boma.

Iguẹdjọ 16:18

Ọke ri Dẹlila vwọ mrẹ vughe nẹ ọ vwẹ iroro rọye ejobi phia kẹ nure, etiyin o de ji re se ihwo ride ri Filistia tanẹ Ovwan yanrhe obọvo nana, fikiridie ọ vwẹ iroro rọye ejobi phia kẹ vwẹ nure. Etiyin ihwo ride ri Filistia de bru aye na rhe, ayen da ghwẹ igho phihọ abọ rayen rhe.

Iguẹdjọ 16:20

Aye na da ta kẹ nẹ, Samsin, ihwo ri Filistia na rhere rhi mu we! Ọ da rhọvwọ nẹ ovwerhẹ rhe, ọ da ta nẹ, Mi kpo otafe kirobo mi ruẹ jovwo, rere Me ra sasa oma mẹ. Ọ gbe riẹn nẹ Ọrovwohwo yan jẹn ọye vwo-o.