Iguẹdjọ 16:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ọke ri Dẹlila vwọ mrẹ vughe nẹ ọ vwẹ iroro rọye ejobi phia kẹ nure, etiyin o de ji re se ihwo ride ri Filistia tanẹ Ovwan yanrhe obọvo nana, fikiridie ọ vwẹ iroro rọye ejobi phia kẹ vwẹ nure. Etiyin ihwo ride ri Filistia de bru aye na rhe, ayen da ghwẹ igho phihọ abọ rayen rhe.

Iguẹdjọ 16:18 Referans Kwoze

1 Timoti 6:10

Kidie uhinpho rẹ igho ọye ghwa okpetu na ejobi cha; urhuru sivwe nana ọye sorọ rẹ ihwo buebu vwo ghwru nẹ esegbuyota na re da vwẹ edada vẹ obi vwọ sa udu rayen.

Matiu 26:15

Ọ da ta nẹ, Die ovwan sa kẹ vwẹ, ri mi de muo kẹ ovwan? Ayen de kere idọnọ efuanfon ọgban vwọ kẹ.

Iguẹdjọ 16:5

Etiyin ihwo ride ri Filistia da rhe ta kẹ aye na nẹ, Gha riẹriẹ, rere wọ riẹn asan rẹ ogangan rọye rode na epha, kugbe ogangan rẹ avwanre vwo muo, rere avwanre mrẹ asan rhe nyẹ muotọ gba; avwanre ọhwo ọvuọvo ke cha kẹ wẹ ibro rẹ igho efuanfon ujori uhwọvo.

Ẹfesọs 5:5

Jẹ ọna mu ovwan ẹro, nẹ ọvwọfanrhiẹ eyẹ ohwo ro jẹfuọn, eyẹ ovwurhuru (kọye hẹ, ọgedjọ) vwo uku ọvuọvo vwẹ uvie ri Kristi kugbe Ọghẹnẹ na-a.

Isẹ 18:8

Eta rẹ ọvwero họhọ uvwo rẹ eri rọ vwerha, e nabọ ghwọrọ ro ohwo oma ejobi.

Une rẹ Ejiro 62:9

Ihwo ri kpotọ emu ghevweghe, ihwo ri kpenu ji ophiẹnvwe; a da vwavwọn ayen; ayen pharhe nọ emu diodi.

1 Ivie 21:20

Ehab da ta kẹ Ilaija, Wo rhe bru vwe vwa re E ọvweghrẹ mẹ? ọ da kpahe, Mi bru we vwa, kidie wọ shẹ oma wẹn kẹ umiovwo vwẹ obaro rẹ Ọrovwohwo.

Ukeri 22:7

Etiyin ekpako ri Moab vi Midian de vrẹn vẹ igho ra vwọ bọ epha vwẹ obọ rẹ ayen, ayen de te asan ri Balaam, ayen ke vuẹ ovuẹ ri Balak.

Iguẹdjọ 16:17

Ọ da vwẹ iroro rọye ejobi phia kẹ aye na nẹ, A vwẹ arẹn te uyovwi mẹ-ẹ; kidie mẹvwẹ Ojigbo rẹ Ọghẹnẹ nẹ evun rẹ oni mẹ rhe. A da waren ẹto mẹ., ogangan mẹ ko che vrẹn nẹ oma mẹ, oma kọ cha lọhọ ovwẹ, ke me cha dia kerẹ ohwo ghevweghe.

Iguẹdjọ 16:19

Aye na da riẹriẹ phihọ ọvwerhẹ vwẹ awọ rọye; o de se ọshare ọvo rhe re waren osunsun ighwrẹn rẹ ẹto rẹ uyovwi rọye ejobi no. Aye na de muohọ elaghọ, ogangan rọye de vrẹn no oma.