Iguẹdjọ 16:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọke rẹ aye na vwọ ta eta vwọ ghwọrọ oma kẹdẹkẹdẹ re, ofun de rhi dje, erhi rọye de muo ophu rẹ ughwu.

Iguẹdjọ 16:16 Referans Kwoze

Iyẹnrẹ Esiri ri Luk 18:5

yẹ ukpokpogho rẹ ayeuku nana gan nọ kẹ vwẹ, me chọ oja rọye, eyẹ ofu rẹ ẹcha rọye kọke kọke na che dje vwe hwe.

Iyẹnrẹ Esiri ri Luk 11:8

Me ta kẹ wẹ, dede nẹ o se vrẹn rọ da kẹ emuọvo-o fikiridie ugbeyan rọye o ruẹ, ẹkẹvuọvo fiki robo rọ vwọ djẹ ovwerhẹ na, ko vrẹn vwọ kẹ kirobo rọ guọnọre.

Iyẹnrẹ Esiri ri Mak 14:24

Ọ da ta kẹ ayen, Ọnana ọbara mẹ rẹ ọphọ na, ro hwẹ kẹ otu buebu.

Jona 4:9

Ẹkẹvuọvo Ọghẹnẹ da ta kẹ Jona, Ku wọ riẹn ru rẹ ivun vwo miovwo uwe fiki rẹ okankọn na? Ọ da ta, Me riẹn ru rẹ ivun vwo miovwo uvwe, ivun tobọ miovwo uvwe te ughwu dede.

ỌBE RẸ JOB 21:4

Vwọ kẹ vwẹ, kẹ ohwo rẹ akpọ mi guẹ na? Die sorọ mi rhe vwo jẹ odiri evwo?

Iguẹdjọ 16:15

Aye na da ta kẹ nẹ, Die nẹrhẹ wọ tanẹ, Me guọnọ owẹ, ye wọ vwẹ iroro phiẹn vwẹ? Etiyin asiarha wọ vwẹ ovwẹ jehwẹ re, wo dje asan rẹ ogangan wẹn rode na epha kẹ vwẹ-ẹ.

Iguẹdjọ 16:17

Ọ da vwẹ iroro rọye ejobi phia kẹ aye na nẹ, A vwẹ arẹn te uyovwi mẹ-ẹ; kidie mẹvwẹ Ojigbo rẹ Ọghẹnẹ nẹ evun rẹ oni mẹ rhe. A da waren ẹto mẹ., ogangan mẹ ko che vrẹn nẹ oma mẹ, oma kọ cha lọhọ ovwẹ, ke me cha dia kerẹ ohwo ghevweghe.

Iguẹdjọ 14:16

Etiyin aye ri Samsin da viẹ vwẹ obaro rọye, ọ da ta kẹ nẹ, Mi tuwe oma, wọ guọnọ ovwẹ-ẹ; wo gbẹ ido ọvo kẹ ihwo rẹ orere mẹ, wọ fa otọ rọye kẹ vwẹ-ẹ. Ọ da ta kẹ aye na nẹ, Nighẹ, me rhọvwe fa otọ rọye kẹ ọsẹ mẹ vẹ oni mẹ-ẹ, wọwẹ kọyẹ me cha fa otọ rọye kẹ?

Iguẹdjọ 14:17

Aye na da viẹ vwẹ obaro rẹ ọshare rọye bẹsiẹ rẹ ẹdẹ ighwrẹn rẹ orẹ na vwo te; ẹdẹ rẹ ighwrẹn na vwọ gba nu ọ da fa otọ rẹ ido na kẹ ayẹ rọye, kidiẹ ayẹ na karhiẹre unu ganọ. Etiyin aye na da ra fa otọ rẹ ido na kẹ ihwo rẹ orho rọye.