Iguẹdjọ 16:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Aye na da ta kẹ nẹ, Die nẹrhẹ wọ tanẹ, Me guọnọ owẹ, ye wọ vwẹ iroro phiẹn vwẹ? Etiyin asiarha wọ vwẹ ovwẹ jehwẹ re, wo dje asan rẹ ogangan wẹn rode na epha kẹ vwẹ-ẹ.

Iguẹdjọ 16:15 Referans Kwoze

Iguẹdjọ 14:16

Etiyin aye ri Samsin da viẹ vwẹ obaro rọye, ọ da ta kẹ nẹ, Mi tuwe oma, wọ guọnọ ovwẹ-ẹ; wo gbẹ ido ọvo kẹ ihwo rẹ orere mẹ, wọ fa otọ rọye kẹ vwẹ-ẹ. Ọ da ta kẹ aye na nẹ, Nighẹ, me rhọvwe fa otọ rọye kẹ ọsẹ mẹ vẹ oni mẹ-ẹ, wọwẹ kọyẹ me cha fa otọ rọye kẹ?

1 Jọn 5:3

Kidie Ọnana hẹ ẹguọnọ rẹ Ọghẹnẹ na nẹ, avwanre yọnrọn irhi rọye. Yẹ irhi rọye na ghwa họhọ-ọ.

Iyẹnrẹ Esiri ri Jọn 15:10

Ovwan da sẹro rẹ irhi mẹ, ovwan ke je dia vwẹ evun rẹ ẹguọnọ mẹ, kirobo re me sẹro rẹ irhi rẹ Ọsẹ mẹ re me da dia vwẹ ẹguọnọ rọyẹ.

Iyẹnrẹ Esiri ri Jọn 14:15

Ovwan da guọnọ ovwẹ, ovwan gba sẹro rẹ irhi mẹ.

Isẹ 23:26

Ọmọ mẹ, vwẹ udu wẹn kẹ vwẹ, rere wo jẹ ẹro wẹn vughe idjerhe mẹ.

Isẹ 2:16

Ko che sivwi uwe nẹ obọ rẹ igberadja na, kugbe obọ rẹ aye rọ vẹ eta ro riẹriẹvwe.

2 Samuẹl 16:17

Absalọm da ta kẹ Hushai, Ọnana hẹ ọghọ wo mu kẹ ugbeyan wẹn? Die wo gbi nene ugbeyan wẹ-ẹn?

Urhi Rivẹ 6:5

wọ Me vwẹ udu wẹn ejobi, vẹ ẹnwẹn wẹn ejobi, kugbe ogangan wẹn ejobi, guọnọ Ọrovwohwo Ọghẹnẹ wẹn.

Jẹnẹsis 29:20

Etiyin Jekọp da ga ẹga ikpe ighwrẹ fiki ri Rachel, e da họhọ ẹdẹ tutuno vwọ kẹ kidie o jere gangan.

Iguẹdjọ 16:14

Eriyin na ọke rọ vwọ vwerhe, Etiyin Dẹlila de me osunsun ighwrẹn rẹ ẹton rẹ uyovwi rọye na churu mu irhe re vwo rhuo emwa na. Ọ da kanre ubibẹ muo kokoroko, ọ da ta kẹ nẹ, Samsin ihwo ri Filistia na rhe vwọ so wẹ! Ẹkẹvuọvo rọ vwọ rhọvwọ nẹ ọvwerhẹ rhe ọ de yoro ibibẹ na kugbe irhe re vwo rhuo emwa na kufia.

Iguẹdjọ 16:16

Ọke rẹ aye na vwọ ta eta vwọ ghwọrọ oma kẹdẹkẹdẹ re, ofun de rhi dje, erhi rọye de muo ophu rẹ ughwu.

Nehemaya 6:4

Abọ-ẹne ayen jẹ ikọn bru vwe rhe ota ọvuọvo na me je kpahe ke ayen.