Iguẹdjọ 16:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Dẹlila da ta kẹ Samsin nẹ, Wọ je vwẹ ovwẹ jehwẹ rhi te ọke nana, wọ da vwọnrọn efian kẹ vwẹ; ta kẹ vwẹ obo ra sa vwọ gba wẹ. Ọ da ta kẹ aye na nẹ, Wo de me osunsun rẹ ẹton ighwrẹn rẹ uyovwi mẹ na wo de churo mu irhe re vwo rhuo emwa na wo da chahọ mu ubibẹ kokoroko, oma kọ cha lọhọ ovwẹ, ke me cha họhọ ohwo ghevweghe.

Iguẹdjọ 16:13 Referans Kwoze

Iguẹdjọ 16:12

Eriyin na Dẹlila da reyọ irihrẹ ekpokpọ na vwọ gba, ọ da ta kẹ nẹ, Ihwo ri Filistia na rhere, Samsin! Ihwo re hẹrhẹ na de sioma nu vwẹ evun rẹ uvun. Ẹkẹvuọvo ọ da sanvwe irihre na nu abọ rọye kerẹ ohwo rọ sanvwe oruru kufia.

Iguẹdjọ 16:14

Eriyin na ọke rọ vwọ vwerhe, Etiyin Dẹlila de me osunsun ighwrẹn rẹ ẹton rẹ uyovwi rọye na churu mu irhe re vwo rhuo emwa na. Ọ da kanre ubibẹ muo kokoroko, ọ da ta kẹ nẹ, Samsin ihwo ri Filistia na rhe vwọ so wẹ! Ẹkẹvuọvo rọ vwọ rhọvwọ nẹ ọvwerhẹ rhe ọ de yoro ibibẹ na kugbe irhe re vwo rhuo emwa na kufia.

Iguẹdjọ 14:17

Aye na da viẹ vwẹ obaro rẹ ọshare rọye bẹsiẹ rẹ ẹdẹ ighwrẹn rẹ orẹ na vwo te; ẹdẹ rẹ ighwrẹn na vwọ gba nu ọ da fa otọ rẹ ido na kẹ ayẹ rọye, kidiẹ ayẹ na karhiẹre unu ganọ. Etiyin aye na da ra fa otọ rẹ ido na kẹ ihwo rẹ orho rọye.

Iguẹdjọ 16:10

Dẹlila da ta kẹ Samsin nẹ, Nighe, wọ vwo vwẹ jehwẹ, wọ je phiẹn vwẹ; biko ta kẹ vwẹ obo ra sa vwọ gba wẹ.