Iguẹdjọ 14:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọmọke vwọ wan nu o de rhivwi ra reyọ aye na; rọ vwọ vwẹriẹ re ni orivwi rẹ okpohrokpo rọ hweri na; nighe ekru rẹ enyọ da ro phihọ oma rẹ okpohrokpo na.

Iguẹdjọ 14:8 Referans Kwoze

Matiu 1:20

Ọke rọ vwọ jẹ iroro na, nighe amakashe rẹ Ọrovwohwo de bro rhe vwẹ evwerhẹ, ọ da ta kẹ, Josẹf rẹ ọmọ ri Devid, wọ djẹ oshọ-ọ, ra reyọ Meri rẹ aye wẹ na, kidie evun rọ mrẹre na ọ rẹ Erhi Ọfuanfon.

Jẹnẹsis 29:21

Etiyin Jekọp da ta ki Laban, Kẹ vwẹ aye mẹ rere Me vẹ ọye vwerhẹ, kidie ẹdẹ na gbare.

Iguẹdjọ 14:7

Etiyin o de bru aye na ra re nene ta ota; aye na de je Samsin gangan.

Iguẹdjọ 14:9

Ọ da ghwiẹ ọnyọ na phihọ abọ rọye, ọ da riọ yọ yan bẹsiẹ ro vwo te asan rẹ ọsẹ vẹ oni rọye epha; ọ da kẹ ayen, ayen da re. Ẹkẹvuọvo ọ ta kẹ ayen nẹ oma rẹ okpohrokpo ro ghwuru, na ọ reyọ ọnyọ na nurhe-e.

Isẹ 25:16

Wọ da mrẹ ọnyọn, re uche rẹ evun wẹn guọnọre, ọ rha dia ọtiọye-e ko che phu we rhe wo mi rhi geri.