Iguẹdjọ 14:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Erhi rẹ Ọrovwohwo na de muo gangan, ọ da bẹrẹ okpohrokpo na ẹbẹre ivẹ kerẹ ohwo rọ bẹrẹ ọmọ rẹ ẹvwe; ọ vwẹ emu ọvuọvo yọnrọn ọbọ-ọ. Ẹkẹvuọvo o gbe ikun rẹ emu ro ruru na kẹ ọsẹ vẹ oni rọye-e.

Iguẹdjọ 14:6 Referans Kwoze

Iguẹdjọ 3:10

Erhi rẹ Ọrovwohwo na da rhe ruọ oma, o de guẹdjọ rẹ Izrẹl, o de re phi ofovwi, Ọrovwohwo de phi Kushanrishataim ovie ri Mẹsopotemia phihọ obọ rọye, o de phi Kushanrishataim kparobọ.

1 Samuẹl 11:6

Erhi rẹ Ọghẹnẹ da ruo oma o de gele ro vwo nyo eta nana, ophu de muo gangan.

Iguẹdjọ 13:25

Erhi rẹ Ọrovwohwo na ko mu Samsin vwo ru iruo vwẹ evun rẹ Mahanehdan, vwẹ uvwragba ri Zora vẹ Ẹshtaol.

1 Jọn 3:8

Ohwo ro ru umwemwu hẹ ọmọ rẹ idẹbono; kidie idẹhono hẹ oruimwemwu notọrhe. Fiki rẹ Ọnana ọye Ọmọ rẹ Ọghẹnẹ vwọ rhe rere ọ vwọ mrasan guọghọ iruo rẹ idẹhono.

Matiu 11:29

Mu urhekpe mẹ ghwa re wo yono uruemu mẹ; kidie me pha vworovworo fuefu vwẹ udu mẹ, kẹ wo mrẹ ufuoma vwọ kẹ erhi wẹn.

Zekaraya 4:6

Etiyin ọ da ta kẹ vwẹ, Ọnana ota rẹ Ọrovwohwo ta kẹ Zerubabẹl: Ọdia ẹgba-a, yẹrẹ oganga-an, ẹkẹvuọvo Erhi Mẹ, Ọrovwohwo rẹ otuofovwi tarọ.

Aizaya 42:2

O che kperi-i, eyẹ o che rhie unu-u, e che nyo umri rẹ ekpere rọye vwẹ evun rẹ urhuvwu-u,

1 Samuẹl 17:46

Nonẹ na Ọrovwohwo ko phi we phihọ obọ mẹ, ke me ghwiẹ wẹ she, ke me fian uyovwi nẹ uwe; ke me vwẹ irivwi rẹ urogho rẹ ihwo ri Filistia na vwọ kẹ emephran rẹ obenu na kugbe eranvwe rẹ aghwa na nonẹ; re akpọ na ejobi riẹn nẹ Ọghẹnẹ ghine hẹ Izrẹl na,

Iguẹdjọ 16:30

Samsin da ta nẹ, Ghe jẹn uvwe vẹ ihwo Filistia na ghwu kugbe. Etiyin ọ da vwẹ ogangan vwo rhiri oma rhe otọ; uwevwi na de rhurie she teye ehọnvwọre na kugbe ihwo ejobi re evun rẹ uwevwi na. Ọtiọye na ihwo ro hweri vwẹ ọke rẹ ughwu rọye de bunọ ihwo ro hweri vwẹ ọke rọ vwọ akpọ.

Iguẹdjọ 15:15

Etiyin ọ da mrẹ ubeku ọkpokpọ rẹ ọhwa rẹ ekẹtẹkẹtẹ ọvo, ọ da reyọ, o de vwo hwe eshare uriori.

Iguẹdjọ 15:8

Ọ da ra họnre guọghọ ayen hwe buebu; ọ da yanran ra dia evun rẹ unu vwẹ oragha rẹ Etam.

Iguẹdjọ 11:29

Etiyin Erhi rẹ Ọrovwohwo na da rhe ro oma ri Jẹfta, ọ da wanvrẹn Giliad vi Manasse, o de vrẹn kpo Mizpa ri Giliad, o de vrẹn nẹ Mizpa ri Giliad kpo asan rẹ ihwo rẹ Ammọn.

Hibru 11:33

ihwo re wan esegbuyota phi uvie kparobọ, ri brorhiẹ rẹ ọsoso, re ve ive na kẹ, re gba unu rẹ ikpohrokpo,

Iguẹdjọ 14:5

Etiyin Samsin kugbe ọsẹ vẹ oni rọye de kpo obi Timna, o de rhi te asan ogba ri vain ri Timna Nighe, ọmọ rẹ okpohrokpo ọvo re do muo,

Iguẹdjọ 14:7

Etiyin o de bru aye na ra re nene ta ota; aye na de je Samsin gangan.

1 Samuẹl 10:6

Etiyin erhi rẹ Ọrovwohwo na ko che mu we gele, ku wọ vẹ ayen cha mraro kugbe ku wo che hirhe phihọ oka rẹ ohwo ọfa.

Une rẹ Ejiro 91:13

Wo che chiyi okpohrokpo vẹ ọrobiebi, upene rẹ okpohrokpo vẹ ọrọdekọ ku wọ vwẹ owọ wẹn chiyi ayen wan.

Iguẹdjọ 14:19

Etiyin Erhi rẹ Ọrovwohwo dẹ muo gangan, ọ da yanran kpo Ashkẹlọn. O de hwe eshare ọgban rẹ orho na, Ọ da ghwẹ ekuakua rayen reyọ ọ da vwọ hwosa rẹ iwun rẹ ọreotu na kẹ ihwo re fa otọ rẹ ido na. Ọ da yanran rhivwi kpo uwevwi rẹ ọsẹ rọye vẹ ophu gangan.

1 Samuẹl 10:16

Sol da ta kẹ oniọvo rọ ọsẹ rọye na, ọ ta kẹ avwanre gbagba ne a mrẹ ekẹtẹkẹtẹ na re. Ẹkẹvuọvo vwọ kpahe ota rẹ uvie na, ri Samuẹl ta kẹ na, ọ tarọ kẹ-ẹ.

1 Samuẹl 14:1

Ẹdẹ ọvo Jonatan rẹ ọmọ ri Sọl da ta kẹ emeghele rọ ghwa ekuakua rẹ ofovwi rọye, Yanrhe, jẹn avwanre kpo obo unuofovwi rẹ ihwo ri Filistia rọ hẹ abọ oboyi na. Ẹkẹvuọvo ọ ta kẹ ọsẹ rọye-e.