Iguẹdjọ 14:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọsẹ vẹ oni rọye gbe riẹn nẹ obọ rẹ Ọrovwohwo ọye emu na nurhe-e; fikiridie ọ guọnọ idjerhe ro vwo nene Filistia na họnre Kidie ihwo ri Filistia vwẹ ogangan sun Izrẹl vwẹ ọke yena.

Iguẹdjọ 14:4 Referans Kwoze

Joshua 11:20

Kidie ọnana irueru rẹ Ọrovwohwo rere o ru udu rayen gan re ayen kpare ofovwi bru ihwo rẹ Izrẹl, rere a vwọ mrẹ asan vwọ ghwọrọ ayen kakare, aro rẹ ayen gbe dọ ohwo-o ẹkẹvuọvo ke hwerhe ayen nẹ otọ na kakare, kirobo rẹ Ọrovwohwo ji urhi kẹ Mosis.

Une rẹ Ejiro 115:3

Ọghẹnẹ rẹ avwanre ọ hẹ obo odjuvwu, o ruẹ obo ri jere.

Iguẹdjọ 13:1

Ihwo rẹ Izrẹl na da rhoma ru emu omiomiovwi vwẹ obaro rẹ Ọrovwohwo; Ọrovwohwo de phi ayen phihọ obọ rẹ Philistia ikpe ujuvẹ.

2 Ikun rẹ Ivie 22:7

Ẹkẹvuọvo Ọghẹnẹ vere phihọ otọ nẹ eshe rẹ Ahazaya obo ri Joram rọ djẹ ẹrara na o che nurhe. Kidie ọke ro de te etiyin ọ vi Jehoram me vwa Jebu ọmọ ri Mimshi, ohwo rẹ Ọrovwohwo vwo mu nẹ ọ ra guọghọ uwevwi rẹ Ehab.

2 Ikun rẹ Ivie 10:15

Ọtiọye na ovie na gbe kerhọn rẹ ihwo na-a; fikiridie ọye obo rẹ Ọghẹnẹ ruru nẹ Ọrovwohwo ru ota rọye gba, ro wan unu rẹ Ahijah ri Shilo ta kpahe Jeroboam ọmọ ri Nebat.

Ivie rẹ Ivẹ 6:33

Ọke rọ vẹ ayen ghwa vwọ ta ota na, ovie na da yan bro rhe ọ da ta, Obọ rẹ Ọrovwohwo ukpokpogho nana nu rhe! Kidie sorọ me vwọ rhoma hẹrhẹ Ọrovwohwo na?.

1 Ivie 12:15

Ọtiọye na ovie rha davwerhọ rẹ ihwo na-a, kidie ọye obo rẹ Ọrovwohwo ruru rere ota rọye vwọ sẹ, rẹ Ọrovwohwo wan unu rẹ Ahijah ohwo ri Shilo ta kẹ Jeroboam ọmọ ri Nebat.

2 Ikun rẹ Ivie 25:20

Ẹkẹvuọvo Amazaya da vwerhọ-ọn; kidie obọ rẹ Ọghẹnẹ o nurhe, rere o vwo phi ayen phihọ obọ rẹ ivwighrẹ rayen, kidie ẹdjọ rẹ Idọm kọye ayen bru ra re duotọ rẹ oma.

Iguẹdjọ 15:11

Etiyin Eshare uriori erha ri Juda da yanran kpo asan rẹ oragha rẹ Etam epha, ayen da ta kẹ Samsin nẹ, Wọ riẹnre nẹ ihwo ri Filistia ri sun avwanre-e? Ọnana didi emu wo ru avwanre na? Ọ da ta kẹ ayen, Ọtiobo rẹ ayen ru uvwe te, ọtiọye mi ji ru ayen te.

Urhi Rivẹ 28:48

ku wa cha ga ivwighrẹ rẹ ovwan rẹ Ọrovwohwo che ji nẹ i mu kpahe ovwan, vwẹ owẹvwe vẹ urhuru rẹ ame, vwẹ ẹbẹba, vẹ ọkarovwe ri kemu kemu ejobi, ko che phi urhekpe rẹ utehru phihọ ohọre rẹ ovwan, bẹsiẹ rọ vwọ ghwọrọ ovwan nu.

Iguẹdjọ 14:5

Etiyin Samsin kugbe ọsẹ vẹ oni rọye de kpo obi Timna, o de rhi te asan ogba ri vain ri Timna Nighe, ọmọ rẹ okpohrokpo ọvo re do muo,

Daniẹl 6:4

Etiyin itidiaga na vẹ isun na da guọnọ idjerhe rẹ ayen vwọ gbeje Daniẹl vwẹ ẹkuoma rẹ uvie na; ẹkẹvuọvo ayen mrẹ idjerhe ọvuọvo rẹ ayen vwo gbeje-e, yẹrẹ emu re ekan ọvuọvo-o, fikiridie ohwo rẹ uyota o ruẹ, a mrẹ oruchọ yẹrẹ emu rẹ ekan ọvuọvo vwẹ oma rọye-e.

Iguẹdjọ 15:3

Samsin da ta kẹ ayen nẹ, Ọke nana mi de che ru ihwo rẹ Filistia na emu omiomiovwi, o rhe vwo ohwo rọ sa harhe ovwẹ-ẹ.

1 Ivie 12:24

Enẹ Ọrovwohwo tare, Wọ yanra-an eyẹ wọ ra họnre imoni wẹn ihwo rẹ Izrẹli-i. Rhivwi kpo dohwo duwevwi rọye kidie emu nana obọ mẹ o nurhe. Ọtiọye ayen de nyo ota rẹ Ọrovwohwo, ayen da yanran kpo, kirobo rẹ ota rẹ Ọrovwohwo epha.