Iguẹdjọ 13:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Etiyin aye na da rhe ta kẹ ọshare rọye nẹ, Ohwo rẹ Ọghẹnẹ ọvo bru vwe rhe, oma rọye da họhọ oma rẹ amakashe rẹ Ọghẹnẹ, o mu oshọ gangan; me nọrọn asan rọ nurhe-e, o ji se odẹ rọye kẹ vwẹ-ẹ;

Iguẹdjọ 13:6 Referans Kwoze

1 Samuẹl 9:6

Ẹkẹvuọvo ọ da ta kẹ, Nighe, ohwo rẹ Ọghẹnẹ ọvo hẹ evun rẹ orere na, ọ da dia ohwo re mu ọghọ kẹ; obo rọ tare ejobi sẹ. Jẹn e kpo etiyin; ọkeọvo ọ sa ta kẹ avwanre obo ma vwi fiki rọye yan.

Urhi Rivẹ 33:1

Ọnana ẹrhovwo ri Mosis rẹ ohwo rẹ Ọghẹnẹ nẹ kẹ emọ rẹ Izrẹl tavwe ro ki ghwu.

Ẹvwọphia 1:17

Ọke re me vwọ mrẹ, mi de she teye awọ rọye kerẹ ohwo ro ghwuru. Ẹkẹvuọvo ọ da ghwẹ obọrhe rọye kpahe ovwẹ, tanẹ, Wọ djẹ oshọ-ọ, Mẹvwẹ hẹ ohwo rẹsosuọ kugbe ọ rọ ka oba,

Iruo rẹ Iyinkọn na 6:15

Ọke rẹ ihwo na ejobi ri tidia ẹguare na vwọ tẹrovio, ayen ejobi ri tidia ẹguare na da mrẹ opharo rọye kerẹ opharo rẹ amakashe.

Iyẹnrẹ Esiri ri Luk 9:29

Rọ vwọ nẹ ẹrhovwo re, opharo rọye da rhẹriẹ, iwun rọye ke fuan puepue,

Iyẹnrẹ Esiri ri Luk 1:19

Amakashe na da kpahe kẹ, Mẹvwẹ Gabrẹl ro muẹdia vwẹ obaro rẹ Ọghẹnẹ; ke ji vwe rhe ta ota kẹ wẹ, re me ghwa ikun esiri na rhe we.

Daniẹl 10:11

Ọ da ta kẹ vwẹ, E Daniẹl, ohwo re vwo ẹguọnọ kẹ gangan, kerhọn rẹ ota re me ta kẹ wẹ na, mudia kpoma vi, kidie asakiephana e ji vwẹ bru we rhe. Rọ vwọ ta ota nana kẹ vwẹ re, mi de vrẹn mudia ke me phariẹ.

Daniẹl 10:5

me da kpare ẹro, mi de ni, nighe, ohwo ọvo rọ vwẹ esada rhuo, ra vwẹ oro rẹ Ufaz vwọ mu ehu rọye.

Daniẹl 8:17

Etiyin ọ de rhi sikerẹ asan ri mi mudia phihọ rọ vwọ rhe re, ọshọ de mu vwẹ mi de she bọvwọn opharo rhuotọ. Ẹkẹvuọvo ọ da ta kẹ vwẹ, Jọ ro wẹ, E Ọmọ rẹ ohwo, nẹ emramrẹ nana ọye ọ rẹ ọke rẹ oba na.

Ivie rẹ Ivẹ 4:9

Aye na da ta kẹ ọshare rọye, Nighe asakiephana, me mrẹ vughe nẹ ohwo nana ohwo ọfuanfon rẹ Ọghẹnẹ, ọ rọ wan asan rẹ avwanre vrẹn na.

1 Timoti 6:11

Ẹkẹvuọvo wẹ, E ohwo rẹ Ọghẹnẹ, sioma nẹ emu nana ejobi; nene ọvwata, uruemu esiri, esegbuyota, ẹguọnọ, erhiori, dẹndẹn.

Ivie rẹ Ivẹ 4:16

Ọ da ta, Ọke ọtiọna ke rhoma te, ku wọ cha gbanẹ ọmọ. Ọ da ta, Ẹjo, ọrovwovwe, E ohwo rẹ Ọghẹnẹ, wọ vwọrọ efian kẹ odibo wẹn rẹ ọmọtẹ-ẹ.

1 Ivie 17:24

Aye na da ta kẹ Ilaija, Asakiephana ke Me riẹn vwobọ nẹ wẹ ohwo rẹ ọfuanfon, nẹ ota rẹ ọfuanfon ro nẹ unu wẹn rhe uyota.

1 Ivie 17:18

ọ da ta kẹ Ilaija, Die wọ mrẹ kpahe ovwẹ, E ohwo rẹ ọfuanfon na? Wọ rhere re a vwọ karophihọ umwemwu mẹ, re e si ughwu hwe ọmọ mẹ.

1 Samuẹl 2:27

Ohwo rẹ Ọghẹnẹ de bru Eli rhe, ọ da ta kẹ, Ẹnẹ Ọrovwohwo na tare, Me vwẹ oma mẹ phia kẹ uwevwi rẹ ọsẹ wẹn vwẹ ọke rẹ ayen vwọ hẹ Ijipt vwẹ otọ rẹ uwevwi ri Fero.

Iguẹdjọ 13:22

Manoa da ta kẹ aye rọye nẹ, Avwanre ghine che ghwu, kidie avwanre mrẹ Ọghẹnẹ nure

Iguẹdjọ 13:8

Etiyin Manọa da rẹ Ọrovwohwo tanẹ, E, Ọrovwohwo, Bikọ, rhoma ji ohwo rẹ Ọghẹnẹ ri wo ji rhe ye, rere ọ rhoma bru avwanre rhe, rere o yono avwanre emu rẹ avwanre ru kẹ ọmọ re che vwiẹ na.

Joshua 14:6

Etiyin ihwo ri Juda de bru Joshua rhe vwi Gilgal, Kalẹb rẹ ọmọ ri Jefunneh ohwo ri Keniz da ta kẹ, Wọ riẹn obo rẹ Ọrovwohwo ta kẹ Mosis ohwo rẹ Ọghẹnẹ na vwi Kadesh-barnea kpahe owẹ vẹ ovwẹ.

Ẹyano 3:6

Ọ da ta, “Mẹvwẹ Ọghẹnẹ rẹ ọsẹ wẹn, Ọghẹnẹ rẹ Ebraham, Ọghẹnẹ rẹ Aizik vẹ Ọghẹnẹ rẹ Jekọp.’’ Etiyin Mosis de si opharo rọye nu, fikiridie oshọ ro vwo ni Ọghẹnẹ muro.

Ẹyano 3:2

amakashe rẹ Ọrovwohwo da vwẹ oma phia kẹ vwẹ evun rẹ erhanre vwẹ evun rẹ aghwa; o de ni, nighe, erhanre na la, jẹ aghwa na tuaa.

Jẹnẹsis 32:29

Etiyin Jekọp da no, Ta kẹ vwẹ, Me rẹ wẹ, odẹ wẹn rhọ? Ẹkẹvuọvo ọ da ta, Die wọ vwọ nọ ekpẹn rẹ odẹ mẹ? Etiyin ọ da nẹ ẹrhovwo kẹ.

Jẹnẹsis 18:2

Ọ vwọ kparo ni, nighe eshare erha mudia vwẹ obaro rọye. Ọke rọ vwọ mrẹ ayen, ọ da djẹ nẹ anurhoro rẹ utughẹ na ra vwa ayen, o de diguẹ kẹ ayen,

Iguẹdjọ 6:11

Etiyin amakashe rẹ Ọrovwohwo ọvo da rhe o de tidia obotọ rẹ ọhahe vwi Ọfra, ri Joash ọmọ rẹ Abiẹza, vi Gidiọn rẹ ọmọ rọye re wonro eka vwẹ asan re de miẹ udi, rere o ovwo si ayen nu fiki rẹ ihwo ri Midian.

Iguẹdjọ 13:3

Amakashe rẹ Ọrovwohwo da vwẹ oma phia kẹ aye na ọ da ta kẹ nẹ, Nighe, ẹgan wo ruẹ wo vwo ọmọ-ọ; ẹkẹvuọvo wọ cha mrevun wo che vwiẹ ọmọshare.

Iguẹdjọ 13:7

ẹkẹvuọvo ọ da ta kẹ vwẹ nẹ, Nighe, wọ cha mrevun wo che vwiẹ ọmọshare; eriyin na wọ da waini-i eyẹrẹ udi ọganga-an, emu ro jẹfuọn wọ riọ-ọ, fikiridie ọmọ na Ojigbo rẹ Ọghẹnẹ nẹ evun rhe re te ẹdẹ rẹ ughwu rọye.

Iguẹdjọ 13:10

Aye na de bru okpakpa ra vuẹ ọshare rọye nẹ, Nighere, ọshare na ro bru uvwe rhe dẹvo ye rha rhoma vwẹ oma phia kẹ vwẹ re