Iguẹdjọ 13:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Amakashe rẹ Ọrovwohwo da vwẹ oma phia kẹ aye na ọ da ta kẹ nẹ, Nighe, ẹgan wo ruẹ wo vwo ọmọ-ọ; ẹkẹvuọvo wọ cha mrevun wo che vwiẹ ọmọshare.

Iguẹdjọ 13:3 Referans Kwoze

Iyẹnrẹ Esiri ri Luk 1:13

Ẹkẹvuọvo amakashe na da ta kẹ, Zakaraya wọ djẹ oshọ-ọ, kidie enyo ẹrhovwo wẹn, aye wẹn Flizabẹt che vwiẹ ọmọshare, ku wo se odẹ rọye Jọn.

Iyẹnrẹ Esiri ri Luk 1:11

Amakashe rẹ Ọrovwohwo ro mudia vwẹ obọrhe rẹ ẹshẹ rẹ insẹns na da vwẹ oma phia kẹ.

Iguẹdjọ 13:8

Etiyin Manọa da rẹ Ọrovwohwo tanẹ, E, Ọrovwohwo, Bikọ, rhoma ji ohwo rẹ Ọghẹnẹ ri wo ji rhe ye, rere ọ rhoma bru avwanre rhe, rere o yono avwanre emu rẹ avwanre ru kẹ ọmọ re che vwiẹ na.

Iguẹdjọ 2:1

Asakiephana amakashe rẹ Ọrovwohwo da yanran nẹ Gilgal kpo obi Bokim. Ọ da tanẹ, Me reyọ ovwan nẹ Ijipt rhe, mi de phi ovwan phihọ evun rẹ otọ ri Mi ve phihọ kẹ esẹ rẹ ovwan. Me da tanẹ, Me gbe sa guọghọ ọphọ rẹ Me vẹ ovwan rere na-a,

Ivie rẹ Ivẹ 4:16

Ọ da ta, Ọke ọtiọna ke rhoma te, ku wọ cha gbanẹ ọmọ. Ọ da ta, Ẹjo, ọrovwovwe, E ohwo rẹ Ọghẹnẹ, wọ vwọrọ efian kẹ odibo wẹn rẹ ọmọtẹ-ẹ.

Jẹnẹsis 18:10

Ọ da ta, Uyota Me cha rhoma rhe vwẹ asan evwru, Sera rẹ aye wẹn na che vwiẹ ọmọshare. Yi Sera ra kerhọ vwẹ anurhoro rẹ utughẹ na

Jẹnẹsis 17:16

Ke Me nẹ ẹrhovwo kẹ, ọ rọ marho ke Me kẹ ọmọ vwiẹ kẹ wẹ; ki mi bruphihọ kẹ, ko dia oni rẹ ẹgborho buebu; ivie rẹ ihwo ki nẹ agada rọye rhe.

1 Samuẹl 1:20

vwẹ emerha Hanah da mrevun o de vwiẹ ọmọshare, o de se odẹ rọye Samuẹl, kidie ọ tare, Me nọ ekpẹn rọye mie Ọrovwohwo.

Iguẹdjọ 13:10

Aye na de bru okpakpa ra vuẹ ọshare rọye nẹ, Nighere, ọshare na ro bru uvwe rhe dẹvo ye rha rhoma vwẹ oma phia kẹ vwẹ re

Iguẹdjọ 13:6

Etiyin aye na da rhe ta kẹ ọshare rọye nẹ, Ohwo rẹ Ọghẹnẹ ọvo bru vwe rhe, oma rọye da họhọ oma rẹ amakashe rẹ Ọghẹnẹ, o mu oshọ gangan; me nọrọn asan rọ nurhe-e, o ji se odẹ rọye kẹ vwẹ-ẹ;

Iguẹdjọ 6:14

Ọrovwohwo da rhẹriẹ opharo kuo ọ da ta kẹ nẹ, Yanran vwẹ evun rẹ ogangan wẹn na rere wo re sivwi Izrẹl nẹ obọ ri Midian; ọ dianẹ Mẹvwẹ ri ji we?

Iguẹdjọ 13:15

Manoa da ta kẹ amakashe rẹ Ọrovwohwo na nẹ, Biko, jẹ avwanre da wẹ ji, rere avwanre reyọ ẹmẹvwe vwo ru emu kẹ wẹ.

Jẹnẹsis 18:14

O vwo emuọvo rọ bẹn kẹ Ọrovwohwo? Ọke ri mi seri na ke Me cha rhoma bru we rhe, vwẹ asan evwru na, Sera ko che vwiẹ ọmọshare.