Iguẹdjọ 13:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Erhi rẹ Ọrovwohwo na ko mu Samsin vwo ru iruo vwẹ evun rẹ Mahanehdan, vwẹ uvwragba ri Zora vẹ Ẹshtaol.

Iguẹdjọ 13:25 Referans Kwoze

Iguẹdjọ 3:10

Erhi rẹ Ọrovwohwo na da rhe ruọ oma, o de guẹdjọ rẹ Izrẹl, o de re phi ofovwi, Ọrovwohwo de phi Kushanrishataim ovie ri Mẹsopotemia phihọ obọ rọye, o de phi Kushanrishataim kparobọ.

Joshua 15:33

Vwẹ obo ushekpotọ na, Eshtaol, Zorah, Ashnah,

Iyẹnrẹ Esiri ri Jọn 3:34

Kidie ohwo rẹ Ọghẹnẹ jiri ta ota rẹ Ọghẹnẹ, kidie Ọghẹnẹ vwanvwẹ Erhi na vwọ kẹ;

Matiu 4:1

Etiyin Erhi Ọfuanfon de sun Jesu kpo evun rẹ aghwa rere idẹbono vwọ davwọ ni.

1 Samuẹl 11:6

Erhi rẹ Ọghẹnẹ da ruo oma o de gele ro vwo nyo eta nana, ophu de muo gangan.

Iguẹdjọ 11:29

Etiyin Erhi rẹ Ọrovwohwo na da rhe ro oma ri Jẹfta, ọ da wanvrẹn Giliad vi Manasse, o de vrẹn kpo Mizpa ri Giliad, o de vrẹn nẹ Mizpa ri Giliad kpo asan rẹ ihwo rẹ Ammọn.

Iguẹdjọ 6:34

Ẹkẹvuọvo Erhi rẹ Ọrovwohwo na da kua ro oma ri Gidiọn; o de hworo owanre, ihwo rẹ Abiẹza de sioma koko ayen de nene.

Iguẹdjọ 14:1

Samsin da yanran kpo obi Timna, ọ da mrẹ ọmọtẹ ọvo vwẹ usun rẹ emetẹ ri Filistia vwi Timna;

Iguẹdjọ 14:19

Etiyin Erhi rẹ Ọrovwohwo dẹ muo gangan, ọ da yanran kpo Ashkẹlọn. O de hwe eshare ọgban rẹ orho na, Ọ da ghwẹ ekuakua rayen reyọ ọ da vwọ hwosa rẹ iwun rẹ ọreotu na kẹ ihwo re fa otọ rẹ ido na. Ọ da yanran rhivwi kpo uwevwi rẹ ọsẹ rọye vẹ ophu gangan.

Iguẹdjọ 18:2

Fiki rẹ ọtiọye na ihwo ri Dan de ji eshare iyori re goma nẹ evun rẹ orua rayen rhe, vwi Zora kugbe Eshtaol, rhe bẹbẹ guọnọ otọ rẹ ayen dia; ayen da ta kẹ ihwo na nẹ, Ovwan yanran re ni otọ na Ayen da rhe orere rẹ ugbenu rẹ Ifrem, ayen da rhe uwevwi ri Mika, ayen de won phihọ oboyi.

Joshua 19:41

Vwẹ ubrotọ rẹ uku rọye na irere re herọ Zorah, Eshtaol, Irshemesh,

Iguẹdjọ 16:31

Etiyin imoni kugbe orua rọye ejobi de rhi muo re shi phihọ ogbẹ rẹ Manoa rẹ ọsẹ rọye vwẹ uvwre ri Zora kugbe Eshtaol. O de guẹdjọ rẹ Izrẹl ẹgbukpe uje.