Iguẹdjọ 13:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Amakashe rẹ Ọrovwohwo na da ta kẹ Manoa nẹ, Ovwan da da vwẹ ji, Me cha re vwẹ emu rẹ ovwan na-a; ẹkẹvuọvo ovwan da choma rẹ izobo ra torhẹre nure, ovwan gba reyọ vwo ze kẹ Ọrovwohwo. (Fikiridie Manoa riẹnre nẹ amakashe rẹ Ọrovwohwo o ruẹ-ẹ)

Iguẹdjọ 13:16 Referans Kwoze

Iguẹdjọ 13:23

Ẹkẹvuọvo aye rọye da ta kẹ nẹ, Ọ dianẹ Ọrovwohwo na guọnọ avwanre hwe nọ, yẹ ọ gbe sa reyọ izobo rẹ ẹtorhẹ kugbe izobo rẹ emu na mie avwanre-e, eyẹrẹ ọ sa vwẹ imu nana phia kẹ avwanre-e.

Iguẹdjọ 6:26

rere wọ so agbada ọvo kẹ Ọrovwohwo rẹ Ọghẹnẹ wẹn na vwẹ enu rẹ asan ọgangan na vwẹ etinẹ, rere wo mu ibieragha na kpahe ohwohwo; vwẹ asan rẹ agbada na epha jovwo na, re wọ reyọ erhuẹn rivẹ na vẹ urhe rẹ Ashera ru wo she ghwiotọ na vwo ze izobo ru torhẹre.

Iguẹdjọ 6:20

Amakashe rẹ Ọghẹnẹ da ta kẹ nẹ, Reyọ ivwo rẹ eranvwe na vẹ ikara ri jephuo na, rere wo phi ayen phihọ enu rẹ oragha nana, rere wo ku oghwo rẹ eranvwe na phihọ enu rayen. O de ru ọtiọye

Jẹnẹsis 18:5

re Me ra guọnọ eme emu rhe ru we vwo te unu, re wa ke wanvrẹn kidie ọ guakẹ ovwan ghwa vwẹriẹ asan rẹ odibo wẹn nure. Kọye ayen da ta kẹ nẹ, Gbe ru kiri obo rẹ wo tare na.

Iguẹdjọ 13:21

Amakashe rẹ Ọrovwohwo gbe vwẹ oma phia kẹ Manoa vẹ aye rọye ọfa-a. Kẹsiẹye Manoa ke riẹn nẹ amakashe rẹ Ọrovwohwo na o ruẹ