Iguẹdjọ 13:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ihwo rẹ Izrẹl na da rhoma ru emu omiomiovwi vwẹ obaro rẹ Ọrovwohwo; Ọrovwohwo de phi ayen phihọ obọ rẹ Philistia ikpe ujuvẹ.

Iguẹdjọ 13:1 Referans Kwoze

1 Samuẹl 12:9

Ẹkẹvuọvo Ọrovwohwo Ọghẹnẹ rayen da chọrọ ayen ẹro; ọda shẹ ayen ki Sisera, onotu rẹ ofovwi ri Jabin ovie ri Hazor, o je she ayen kẹ ihwo ri Filistia, je vwọ kẹ ovie ri Moab; ayen da họnre ayen.

Iguẹdjọ 6:1

Ihwo rẹ Izrẹl de ru obo re chọre vwẹ obaro rẹ Ọrovwohwo na; Ọrovwohwo de phi ayen phihọ obọ ri Midian ikpe ighwrẹn.

Ọbe ri Pọl si rhe Ihwo ri Rom 2:6

Kidie ọ cha hwa osa kẹ ohwo kohwo kirobo rẹ iruo rọye epha.

Iguẹdjọ 3:7

Ihwo rẹ Izrẹl de ru obo ro miovwiri vwẹ obaro rẹ Ọrovwohwo, Ọrovwohwo rẹ Ọghẹnẹ na da chọrọ ayen ẹro, ayen da ra ga Baal kugbe Ashera.

Iguẹdjọ 2:11

Ihwo rẹ Izrẹl de ru emu umwemwu vwẹ obaro rẹ Ọrovwohwo ayen da ga Baal,

Iguẹdjọ 10:6

Ihwo rẹ Izrẹl da rhoma ru emu omiomiovwi vwẹ obaro rẹ Ọrovwohwo na, ayen da gọ Baal kugbe Ashera, te edjọ ri Syria, edjọ ri Sidọn, edjọ ri Mọab, edjọ rẹ ihwo rẹ Ammọn, kugbe edjọ ri Philitia na; ayen da sen Ọrovwohwo na, ayen gbe ga-a.

Iguẹdjọ 4:1

Ihwo rẹ Izrẹl na da rhoma ru uruemu miomiovwi vwẹ obaro rẹ Ọrovwohwo na, rẹ Ehud vwo ghwu nu.

Jerimaya 13:23

Kẹ ohwo rẹ Itiopia se wene ọphioma rọye gbenẹ edjanakpo se wene ipe rọye? Ọ da dia ọtiọye yi wo ji se ru emu esiri, wẹ rẹ umwemwu riẹriẹ oma nure na.

Hibru 11:32

Kidie ọfa me ta? Kidie a sa mrẹ ọke vwo gbe ikun ri Gidiọn, Berak, Samsin, Jẹfta, ọ ri Devid kugbe Samuẹl kugbe emraro na–

Iguẹdjọ 12:15

Etiyin Abdọn ọmọ ri Hillẹl ohwo ri Piratọn na de ghwu, e de sho phihọ otọ rẹ Ifrem, vwẹ evun rẹ orere rọ ugbenu rẹ ihwo rẹ Amalẹk na.

Iguẹdjọ 15:11

Etiyin Eshare uriori erha ri Juda da yanran kpo asan rẹ oragha rẹ Etam epha, ayen da ta kẹ Samsin nẹ, Wọ riẹnre nẹ ihwo ri Filistia ri sun avwanre-e? Ọnana didi emu wo ru avwanre na? Ọ da ta kẹ ayen, Ọtiobo rẹ ayen ru uvwe te, ọtiọye mi ji ru ayen te.

Iguẹdjọ 15:20

O de guẹdjọ rẹ Izrẹl ikpe uje vwẹ ọke rẹ ihwo ri Filistia.

1 Samuẹl 4:9

We yivwaro, we ru oma kerẹ eshare E Filistia, ovwan da rhe dia eviẹn rẹ ihwo ri Hibru kirobo rẹ ayen epha kẹ ovwan; we dje oma kerẹ eshare rere wa họnre.

1 Samuẹl 7:13

Etiyin a da djẹ ihwo ri Filistia ayen gbe vwẹriẹ otọ rẹ Izrẹl ọfa-a. Obọ rẹ Ọrovwohwo da tua kpahe ihwo ri Filistia vwẹ ọke ri Samuẹl ejobi.

Iguẹdjọ 10:7

Ophu rẹ Ọrovwohwo na da gan kpahe Izrẹl, ọ da shẹ ayen phihọ obọ ri Philitia kugbe obọ rẹ ihwo rẹ Ammọn.

Iguẹdjọ 14:4

Ọsẹ vẹ oni rọye gbe riẹn nẹ obọ rẹ Ọrovwohwo ọye emu na nurhe-e; fikiridie ọ guọnọ idjerhe ro vwo nene Filistia na họnre Kidie ihwo ri Filistia vwẹ ogangan sun Izrẹl vwẹ ọke yena.