Iguẹdjọ 12:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ihwo ri Giliad da djẹ ka obaro ra hẹrhẹ ihwo rẹ Ifrem vwẹ uvwre ri Jọdan. Ọke rẹ ivwosoghoro rẹ Ifrem re djẹ vwọ tanẹ, Ju vwe wanvrẹn eshare ri Giliad da ta kẹ nẹ, Ohwo rẹ Ifrem wo ruẹ? Ọke rọ vwọ tanẹ, Ẹjo;

Iguẹdjọ 12:5 Referans Kwoze

Iguẹdjọ 3:28

Ọ da ta kẹ ayen, nẹ, Nene uvwe, kidie Ọrovwohwo na phi ihwo ri Moab rẹ ivwighrẹn rẹ ovwan na phihọ obọ rẹ ovwan nure. Ọtiọye na ayen de nene ayen de re gborho ushuame ri Jọdan ro hirhe aro ku Moab, ayen gbe rhọvwe nẹ ohwo ọvuọvo wanvrẹ-ẹn.

Joshua 22:11

Ihwo rẹ Izrẹl de nyo nẹ, Nighere, ihwo ri Rubẹn vi Gad kugbe abọvo rẹ orua ri Manasse so agbada phihọ ughwru vwẹ otọ ri Kenan, vwẹ ubrakpọ ri Jọdan, vwẹ abo rẹ ihwo rẹ Izrẹl vwori.

Iguẹdjọ 7:24

Gidiọn de ji ikọn kpo orho rẹ ugbenu rẹ Ifrem na ejobi, tanẹ, Yanrhe ra rhe họnre ihwo ri Midian na rere a gba hẹrhẹ ayen vwẹ asan ame na rhiri re te urhie ri Bẹtbara kugbe urhie ri Jọdan. Ọtiọye na e de se eshare rẹ Ifrem na ejobi rhe, ayen da ra ghare ofovwi phihọ urhie ri Bẹtbara kugbe urhie ri Jọdan.

Joshua 2:7

Etiyin ihwo na da vwọ tua ayen nene idjerhe ro kpo obo Jọdan re te ushuame na, rẹ ihwo re vwọ tua ayen na vwo yanran nu, a da karẹ ẹchẹ na.

Iguẹdjọ 12:4

Etiyin Jẹfta de se eshare ri Giliad ejobi koko ra vwọ họnre Ifrem, eshare ri Giliad de hwe Ifrem, kidie ayen tare ne, Ovwan ihwo rẹ Giliad ivwosoghọro we ruẹ vwẹ ohri rẹ Ifrem vi Manasse.

Iguẹdjọ 12:6

Etiyin ayen da ta, Shibbolẹt, ọ da tanẹ Sibbolẹt fikiridie ọ sa riẹn se-e; Etiyin ayen de muo ayen de hwe vwẹ uvwre ri Jọdan. Etiyin e vwo hwe ihwo rẹ Ifrem uriori ujuvẹ gbe vwẹ ẹdẹ yena.

Iguẹdjọ 17:7

Emeghene ọvo ri Bẹtlẹhẹm ri Juda da herọ ọ rẹ orua ri Juda, ohwo ri Livae o ruẹ, ọ da kpare oyan kpo oboyi.

1 Samuẹl 1:1

Ọshare ọvo herọ vwi Ramataim-zophim vwẹ obo orho rẹ ugbenu rẹ Ifrem, re se odẹ rọye Elkanah, ọmọ rẹ Elihu, rẹ ọmọ ri Tohu, rẹ ọmọ ri Zuf, ohwo rẹ Ifrem.

1 Ivie 11:26

Jeroboam rẹ ọmọ ri Nebat, ohwo rẹ Ifrem vwi iferedah, odibo ri Solomọn, odẹ rẹ oni rọye kẹ Yeruah, ayeuku, ọ da jẹ kparobọ vwọ so ovie.