Iguẹdjọ 10:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ihwo rẹ Izrẹl da rhoma ru emu omiomiovwi vwẹ obaro rẹ Ọrovwohwo na, ayen da gọ Baal kugbe Ashera, te edjọ ri Syria, edjọ ri Sidọn, edjọ ri Mọab, edjọ rẹ ihwo rẹ Ammọn, kugbe edjọ ri Philitia na; ayen da sen Ọrovwohwo na, ayen gbe ga-a.

Iguẹdjọ 10:6 Referans Kwoze

Ivie rẹ Ivẹ 23:13

Ovie na de gbe egbada rẹ hẹ obaro ọnrẹ vwi Jerusalẹm na ẹgua rhiri re te obọhwẹre ọnre rẹ ugbenu rẹ ogbiru, ri Solomọn ovie rẹ Izrẹl bọnre kẹ Ashtarọt ẹgua rẹ ihwo ri Saidọn, rọ bọnre ki Shemosh ẹgua ri Moab, rọ bọnre kẹ Milkọm ẹgua rẹ ihwo rẹ Amọn.

1 Ivie 11:33

fikiridie ọ sen vwẹ, ọ da ra gọ Ashera ẹdjọ rẹ ihwo ri Sidọn, Chemosh ẹdjọ ri Moab, kugbe Milkọm ẹdjọ rẹ ihwo rẹ Ammọn, ọ gbe yan nene idjerhe mẹ-ẹ, o rhe ru obo ri yoma vwẹ obaro mẹ-ẹ ọ yọnrọn iji mẹ vẹ ẹgha mẹ-ẹ, kirobo ri Devid ọsẹ rọye ruru.

1 Ivie 11:7

Etiyin Solomọn da rẹ umukpe kẹ Chemosh ẹgua ri Moab, kugbe Molẹk ẹgua rẹ ihwo rẹ Ammọn, vwẹ obenu rẹ ugbenu vwẹ obaro ọnre vwi Jerusalẹm.

1 Ivie 11:5

Kidie Solomọn kẹ Ashera rẹ ẹdjo rẹ ihwo ri Sidọn kọye o nene, kugbe Milkọm rẹ ẹgua rẹ ihwo rẹ Ammọn.

Jerimaya 2:13

Kidie ihwo mẹ ru imu ivẹ chọ! ayen sen vwẹ, rẹ ẹtẹrhe rẹ ame rẹ urhuarhọ na, ayen da tọn egọdọ rẹ ame kẹ omobọ rayen, egọdọ re vwẹn, re sa yọnrọn ame-e.

Une rẹ Ejiro 106:36

Ayen da ga ema rayen, re rhoma hirhe phihọ ufi kẹ ayen.

Ivie rẹ Ivẹ 17:16

Ayen da siẹn irhi rẹ Ọrovwohwo Ọghẹnẹ rayen, ayen de duvwu upene rẹ irhuẹn ivẹ kẹ oma rayen, ayen da ma Ashera, ayen da gọ ema rẹ obo odjuvwu, ayen da gọ Baal.

Iguẹdjọ 16:23

Ọke nana ehọnvwọre ri Filistia ejobi de rhi koko rere ayen ze izobo rode kẹ Dagọn rẹ ẹdjọ rayen, rere ayen rhe ghọghọ, fikiridie ayen tare nẹ, Ẹdjọ rẹ avwanre phi Samsin ọvweghrẹ rẹ avwanre phihọ obọ rẹ avwanre nure.

2 Ikun rẹ Ivie 28:23

Kidie o ze izobo kẹ ẹdjọ ri Damaskọs ri phiro kparobọ na, ọ da ta, Fikiridie ẹdjọ rẹ ovie ri Siria re cha ayen uko, mi ze izobo kẹ ayen sẹ ayen sa cha vwẹ uko. Ẹkẹvuọvo kẹ eye re so ughwu rọye, kugbe Izrẹl ejobi.

1 Ivie 16:31

O de no frae ro vwo nenesi rẹ imwemwu ri Jeroboam ọmọ ri Nebat, ọ da reyọ Jẹzebẹl ọmọtẹ rẹ Etbaal ovie ri Sidọn vwọ rọvwọ, ọ da ra ga Baal, o de shiguẹ kẹ.

1 Samuẹl 5:2

Etiyin ihwo ri Filistia na da reyọ ekpeti rẹ Ọghẹnẹ na ayen de muo kpo uwevwi ri Dagọn ayen de muo kẹrẹ Dagọn.

Iguẹdjọ 13:1

Ihwo rẹ Izrẹl na da rhoma ru emu omiomiovwi vwẹ obaro rẹ Ọrovwohwo; Ọrovwohwo de phi ayen phihọ obọ rẹ Philistia ikpe ujuvẹ.

Iguẹdjọ 6:1

Ihwo rẹ Izrẹl de ru obo re chọre vwẹ obaro rẹ Ọrovwohwo na; Ọrovwohwo de phi ayen phihọ obọ ri Midian ikpe ighwrẹn.

Iguẹdjọ 4:1

Ihwo rẹ Izrẹl na da rhoma ru uruemu miomiovwi vwẹ obaro rẹ Ọrovwohwo na, rẹ Ehud vwo ghwu nu.

Iguẹdjọ 3:7

Ihwo rẹ Izrẹl de ru obo ro miovwiri vwẹ obaro rẹ Ọrovwohwo, Ọrovwohwo rẹ Ọghẹnẹ na da chọrọ ayen ẹro, ayen da ra ga Baal kugbe Ashera.

Urhi Rivẹ 32:15

Ẹkẹvuọvo oma ro Jeshurun, ọ da sare; oma rẹ ovwan da rho phihọ, oma da ghwọrọ ovwan; ọ da sen Ọghẹnẹ rọ maro, ọ da vwẹ Oragha rẹ esivwo rọye jehwẹ

Urhi Rivẹ 31:16

Ọrovwohwo ke vuẹ Mosis, Nighe, wo che ghwu bru ihwo wẹn; ihwo nana ki che bibi ra gọ edjọ rẹ otọ na, asan rẹ ayen vẹ ihwo na de yenri kugbe, ayen ke cha sen vwẹ ayen ki miovwi ọphọ mẹ re Me vẹ ayen rere na.

Urhi Rivẹ 31:17

Ophu mẹ kọ la kpahe ayen vwẹ ẹdẹ yena, ke Me sen ki mi si opharo mẹ nu kẹ ayen, ka ghwọrọ ayen; emiovwo vẹ ukpokpogho buebu ki bru ayen ra, eriyin na ayen ke ta vwẹ ẹdẹ yena, Ọ dianẹ emiovwo nana bru avwanre rhe fikirobo rẹ Ọrovwohwo gbe hẹ uherevie rẹ avwanre-e.

Joshua 13:31

kugbe abọvo ri Gilead, kugbe Ashtarọt, vẹ Endrei, irere rẹ uvie rẹ Ọg vwi Bashan; enana keye a ghare ẹkẹnkẹn kẹ ihwo ri Maka ọmọ ri Manasse ra vwọ kẹ abọvo vwẹ ekru ri Maka kirobo rẹ ekru rayen epha.

Iguẹdjọ 10:5

Jair de ghwu, e de sho vwi Kamọn.

Iguẹdjọ 11:24

Ovwan gba reyọ emu ri Kemọsh ẹdjọ rẹ ovwan vwọ kẹ ovwan? Ọtiọye na kohwo kohwo rẹ Ọrovwohwo Ọghẹnẹ rẹ avwanre djẹ nẹ obaro rẹ avwanre, avwanre ke cha reyọ otọ rayen.

Aizaya 23:4

Jẹn oma vowẹ, E Sidọn, kidia abadi ta ota re, asan ọgangan rẹ urhie, tare nẹ Me je chuẹ uvwiẹ dẹvo vwo sievo kẹ uvwiẹ-ẹ, Me je ghẹrẹ imighene vwo siẹvo kẹ emetobẹ-ẹ.

Izikiẹl 27:16

Idọm vẹ owẹ chueki kidie wo vwo oghwa rẹ eki buebu; ayen me vwẹ ibieragha iyoyovwi, vẹ isene, emwa rẹ ifi, omamọ rẹ esada, evwarha, kugbe ikprukpru vwo wene oghwa rẹ eki wẹn.

Urhi Rivẹ 13:6

Ọ da dianẹ oniọvo wẹn, rọ dia ọmọ rẹ oni wẹn, eyẹ ọmọshare wẹn, eyẹ ọmọtẹ wẹn, eyẹ ayerhi wẹn, eyẹ ugbeyan wẹn, rọ kẹrẹ owẹ oma rọ da bẹbẹ riẹriẹ owẹ, tanẹ, Jẹn avwanre yanran ra ga ẹdjọ, e re wọ vẹ esẹ wẹn riẹnre-e na;

Urhi Rivẹ 13:8

wọ rhọvwa kẹ-ẹ, eyẹ wọ kerhọn rọye-e eyẹ wo re ehrọre rọye-e, eyẹ wo jowo-o, eyẹ wo sionẹ-ẹ;

Iguẹdjọ 8:33

Ri Gidiọn ghwe vwo ghwu nu, ihwo rẹ Izrẹl da ghwa rhoma rhi gbe oma rayen ẹgua fiki ri Baal, ayen da vwẹ Baalberit ru ọghẹnẹ rẹ ayen.

Jerimaya 2:20

Okrire wo vwo vwirhi urhekpe wẹn wọ da sanvwe ojọnrọn wẹn vwrẹn, wọ da ta nẹ, Me gbe ga-a, Uyota, vwẹ enu rẹ ugbenu otete ejobi kugbe otọ rẹ irhe wọnwọn ejobi wo de rhuẹn kerẹ igberadja.

Jerimaya 32:23

Ayen da ruọ ra dia. Ẹkẹvuọvo ayen nyo urhuru wẹ-ẹ, ayen je yan phihọ urhi wẹ-ẹ; ayen ru emu ọvuọvo re wo jiji kẹ ayen nẹ ayen ru na-a, kọye umiovwo nana ejobi vwo bru ayen rhe.