Iguẹdjọ 10:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ihwo rẹ Izrẹl da ta kẹ Ọrovwohwo na nẹ Avwanre ru umwemwu nure; ru avwanre obo ri je we, gbe di sivwi avwanre, avwanre rẹ wẹ, vwẹ ẹdẹ ri nonẹ.

Iguẹdjọ 10:15 Referans Kwoze

1 Samuẹl 3:18

Etiyin Samuẹl da ta emu ejobi kẹ o si emuọvo nu kẹ-ẹ. ọ da ta, ọye Ọrovwohwo, e jo ru obo ri jere.

2 Samuẹl 15:26

Ẹkẹvuọvo ọ da dianẹ ọ tare, Mi vwo omavwerhe kpahe owẹ-ẹ, nighere, mẹvwẹ na, jo ru vwe obo ri jere.

Isẹ 28:13

Ohwo ro si ogbeku rọye nu che se yovwẹ-ẹ, ẹkẹvuọvo ohwo rọ rhọvwerọ ro de siobọ nẹ ayen cha mrẹ arodọvwẹ.

2 Samuẹl 24:14

Etiyin Devid da ta kẹ Gad, Mi hẹ evun rẹ ukpokpoma rode; ju vwe she phihọ obọ rẹ Ọrovwohwo, kidie ehrọre rọye ọrhuarho; ẹkẹvuọvo wo ju vwe she phihọ obọ rẹ ohwo rẹ akpọ-ọ.

Joshua 9:25

Asakiephana, nighere, avwanre obọ wẹn, ru obo ri yovwiri vẹ ọ ro fori vwẹ evun wẹn kẹ avwanre.

Jona 3:9

Ono sa riẹn sẹ Ọghẹnẹ sa rhẹriẹ nẹ ophu ọgangan ro muo na, rere avwanre vwo je ghwo?

2 Samuẹl 10:12

Yivwaro, je ru oma kerẹ eshare vwọ kẹ ihwo rẹ avwanre; kugbe irere rẹ Ọghẹnẹ rẹ avwanre; e gbe jẹn Ọrovwohwo ru obo ri jere.

Jona 2:4

Etiyin me da ta a kpare ovwẹ kufia nẹ obaro wẹn, Komavọ me rhoma sa kpare opharo vwo ni uwevwi ọfuanfon wẹn na?

ỌBE RẸ JOB 33:27

ọ da sọ ine vwẹ obaro rẹ ihwo, ta nẹ, Mi ru imwemwu, mi de ku emu esiri rhẹriẹ, a hwa osa rọye kẹ vwẹ-ẹ.

2 Samuẹl 24:10

Ẹwẹn ri Devid de rhi kpokpo ro vwo kere ihwo na nu. Devid da rhe ta kẹ Ọrovwohwo, Mi ru imwemwu rhuarho vwẹ obo mi ruru na. Asakiephana Ẹ Ọrovwohwo, Me rẹ wẹ, si orukuruku rẹ odibo wẹn nu; fikiridie mi ru emu rẹ ẹkpa.

2 Samuẹl 12:13

Devid da ta kẹ Natan, Mi ru umwemwu kpahe Ọrovwohwo, Natan da ta kẹ Devid, Ọrovwohwo ku imwemwu wẹn kufia; wo gbi che ghwu-u.

1 Samuẹl 12:10

Ayen da viẹ kẹ Ọrovwohwo, tanẹ Avwanre ru umwemwu, fikiridie avwanre sen Ọrovwohwo na, avwanre da gọ Baal kugbe Ashera, ẹkẹvuọvo asakiepbana sivwi avwanre nẹ obọ rẹ ivwighrẹ rẹ avwanre, kẹ avwanre ga wẹ.

1 Samuẹl 7:6

Etiyin ayen da ra ghwẹ koko vwi Mizpah, ayen de vo ame kpare ku hẹ obaro rẹ Ọrovwohwo, ayen de chiri owẹvwe vwẹ ẹdẹ yena, ayen da ta vwẹ etiyin, Avwanre ru umwemwu kpahe Ọrovwohwo. Samuẹl da vwẹ ihwo rẹ Izrẹl gu ẹdjọ vwi Mizpah.

Aizaya 26:16

E Ọrovwohwo, vwẹ evun rẹ ọdjarhe kẹ ayen guọnọ owẹ kẹ ayen shẹ ẹrhovwo ẹnẹ vwe ọke wọ vwọ ghwe obo re efafa wẹn kpahe ayen.