Iguẹdjọ 10:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ovwan da sen vwẹ ra ga edjọ efa, eriyin na Mi gbi sivwi ovwan ọfa-a.

Iguẹdjọ 10:13 Referans Kwoze

Jerimaya 2:13

Kidie ihwo mẹ ru imu ivẹ chọ! ayen sen vwẹ, rẹ ẹtẹrhe rẹ ame rẹ urhuarhọ na, ayen da tọn egọdọ rẹ ame kẹ omobọ rayen, egọdọ re vwẹn, re sa yọnrọn ame-e.

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

Iguẹdjọ 2:12

ayen da sen Ọrovwohwo Ọghẹnẹ rẹ esẹ rayen, ohwo rọ reyọ ayen nẹ otọ rẹ Ijipt rhe, ayen de nene edjọ efa, edjọ rẹ ihwo re dia yariẹ ayen phihọ na, ayen da vwẹ uyovwi te otọ kẹ ayen; ayen da kpare ophu rẹ Ọrovwohwo na.

Jona 2:8

Otu ri mu ọghọ kẹ ema ifefe ri gbobonyẹ ọghọ rẹ uyota rẹ ayen mu.

Urhi Rivẹ 32:15

Ẹkẹvuọvo oma ro Jeshurun, ọ da sare; oma rẹ ovwan da rho phihọ, oma da ghwọrọ ovwan; ọ da sen Ọghẹnẹ rọ maro, ọ da vwẹ Oragha rẹ esivwo rọye jehwẹ

Iguẹdjọ 10:14

Ovwan yanran re kperi kẹ edjọ rẹ ovwan jẹ reyọ na; gbe jẹn ayen sivwi ovwan vwẹ ọke rẹ ukpokpogho rẹ ovwan na.

Iguẹdjọ 2:19

Ẹkẹvuọvo ọke re oguẹdjọ na de ghwu nure, ayen Me rhoma re ru uruemu rọ branọ uruemu rẹ esẹ rayen, edjọ efa keye ayen nene, keye ayen ga vwẹ uyovwi te otọ kẹ, ayen rhọvwe siobọ nẹ uruemu rẹ udu ọgangan rẹ ayen na-a.

2 Ikun rẹ Ivie 12:5

Etiyin Shemaiya rẹ ọmraro na de bru Rehoboam rhe kugbe isun ri Juda, re rhe ghwẹ koko vwi Jerusalẹm fiki ri Shishak, ọ da ta kẹ ayen, E nẹ Ọrovwohwo tare, Wa mrẹ vwẹ djẹ, ke me je djẹ jẹ ovwan vwo ki Shishak.

2 Ikun rẹ Ivie 15:2

Ọ da yanran ra vwa Asa, ọ da ta kẹ, kerhọn mẹ, Asa, kugbe Juda vi Bẹnjamin ejobi; Ọrovwohwo na vẹ owẹ herọ, vwẹ ọke ro wọ vẹ ọye da herọ. Wọ da guọnọ, ku wọ mrẹ, ẹkẹvuọvo wọ da siọn, kọ sen wẹ.

2 Ikun rẹ Ivie 21:10

Ọtiọye Idọm mukpahe isuesun ri Juda rhi te ẹdẹ ri nonẹ. Vwẹ ọke yena Libya de ji mukpahe isuesun rọye, fikiridie ọ sen Ọrovwohwo na, Ọghẹnẹ rẹ esẹ rọye.

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.