Iguẹdjọ 1:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Manasse djẹ ihwo ri Bẹtshean kugbe ẹko rọye no-o, eyẹrẹ Taanak kugbe ẹko rọye, eyẹrẹ ihwo ri Dọr kugbe ẹko rọye, eyẹrẹ ihwo rẹ Ibleam kugbe ẹko rọye, eyẹrẹ ihwo ri Megiddo kugbe ẹko rọye; ẹkẹvuọvo ihwo ri Kenan rhọvwe kua nẹ otọ na-a.

Iguẹdjọ 1:27 Referans Kwoze

Jerimaya 48:10

Ekan kẹ ohwo ro ru iruo rẹ Ọrovwohwo na yoyodo; ekan kẹ ohwo rọ vwẹ ọlọkọ rọyẹ sun ọbara-a.

1 Samuẹl 15:9

Ẹkẹvuọvo Sọl vẹ ihwo na de ji Agag vwo, kugbe igodẹ ri me yovwi kugbe irhuẹn eshare kugbe eranvwe vẹ ivwri, kugbe emọ rẹ igegede kugbe obo ri me yovwi ejobi, o rhe hwe ayen ejobi tototo-o; obo ri tuoma ri fi emuọvo-o ejobi ayen de hwe eyena.

Iguẹdjọ 5:19

Ivie na da rhe, ayen da họnre; Etiyin ayen de phi ivie ri Kenan, vwẹ obi Taanak, vwẹ orhoma rẹ urhie ri Megiddo, ayen mrẹ idọnọ ghwẹ no-o.

Iguẹdjọ 1:1

Ukuko rọye ri Joshua vwo ghwu nu, ihwo re Izrẹl na da ra nọ Ọrovwohwo na ne, kono ri ke bru ihwo ri Kenan na ra họnre ayen ke avwanre?

Joshua 21:25

vwẹ ubrọ re orua ri Manasse, Taanak vẹ etọ rẹ egbri rọye, kugbe Gatrimmọn vẹ etọ rẹ egbri rọye–irere ivẹ.

Urhi Rivẹ 7:2

kugbe ọke rẹ Ọrovwohwo Ọghẹnẹ wẹn de phi ayen phihọ obọ wẹn, ri wo de hwe ayen kua re; ke wọ guọghọ ayen roro, we nene ayen re ọphọ-ọ, wo ji nẹ arodọvwẹ rẹ aye-en;

Ẹyano 23:32

Wọ vẹ ayen re ọphọ-ọ eyẹ edjọ raye-en.

Iguẹdjọ 1:26

Ọshare na da yanran kpo otọ rẹ ihwo ri Het ọ da bọn orho ọvo phihọ o de se odẹ rọye Luz; kọye odẹ re mu kẹ rhi te ẹdẹ ri nonẹ na.

Iguẹdjọ 1:28

Ọke re Izrẹl rhe vwọ goma re, ayen da vwẹ ẹgba mu ihwo ri Kenan na vwo ru iruo, ẹkẹvuọvo a gbe djẹ ayen ejobi nẹ otọ na-a.

Ivie rẹ Ivẹ 9:27

Ọke rẹ Ahazaya ovie ri Juda vwọ mrẹ ọnana, ọ da djẹ garo vi Bethagan. Jehu da vwọ tua, ọ da ta, Je sa, ayen da sa vwẹ evun rẹ akpẹrẹ na vwẹ asan ugbenu ri Gọr rọ kẹrẹ Ibliam. Ọ da djẹ kpo Megido, o de ghwu vwẹ oboyi.

Iguẹdjọ 1:21

Ẹkẹvuọvo ihwo ri Bẹnjamin djẹ ihwo ri Jebu re dia Jerusalẹm no-o, ọtiọye na ihwo ri Jebu ve ihwo ri Bẹnjamin da dia kugbe vwi Jerusalẹm rhi te edẹ ri nonẹ.

1 Samuẹl 31:10

Ayen da ghwa ekuakua rẹ ofovwi rọye phihọ uwevwi rẹ Ashra; ayen de churu orivwi rọye si igbẹhẹ ri Bẹtshan.

1 Ivie 9:21

uvwiẹ rayen ri chekọ kẹ ayen vwẹ otọ na, rẹ ihwo rẹ Izrẹl sa guọghọ re kakare-e–enana keye Solomọn vwo ru eviẹn rọ gba vwo ru iruo, kẹ ọtiọye ayen epha rhi te nonẹ na,

Ivie rẹ Ivẹ 23:29

Ọke rọye ọye Fero Niko ovie rẹ Ijipt vwọ kpare ofovwi bru ovie rẹ Asiria vwẹ urhie ri Yufretis. Ovie Josaya da ra vwa Fero Niko de hwe Josaya vwi Megido ọke rọ vwọ mrẹ.