Iguẹdjọ 1:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Juda da je reyọ Gaza kugbe otọ rọye ejobi, kugbe Ashkẹlọn kugbe otọ rọye, kugbe Ekrọn vẹ otọ rọye.

Iguẹdjọ 1:18 Referans Kwoze

Joshua 11:22

Ohwo rẹ Anakim ọvuọvo gbi chekọ vwẹ otọ rẹ ihwo rẹ Izrẹl na-a; jokpa ri Gaza, Gat, vẹ Ashdod, eye evo de chekọ.

Iguẹdjọ 3:3

Enana ẹgborho na: ehọnvwọnre iyori rẹ ihwo ri Filistia, kugbe ihwo ri Kenan na ejobi, kugbe ihwo ri Sidọn, kugbe ihwo ri Hiv re dia ugbenu rode ri Lẹbanọn, nẹ obo ugbenu rode ri Baal-hermọn re te asan ra wan ruọ Hamat.

1 Samuẹl 6:17

Enana eye irubẹ rẹ oro, rẹ ihwo ri Filistia na vwo nene izobo rẹ abe kẹ Ọrovwohwo na: ọvo ọ rẹ Ashdod, ọvo ọ ri Gaza, ọvo ọ rẹ Ashkẹlọn, ọvo ọ ri Gat, ọvo ọ rẹ Ekron;

Iguẹdjọ 16:21

Ihwo ri Filistia na de muo, ayen de yoro ibiẹro rọye ivẹ na no, ayen de muo rhe Gaza, ayen da vwẹ igoni rẹ enrovwo buebu kanrọ; ayen de muo phihọ uwodi vwẹ asan re de wuye ọka.

Joshua 13:3

(Nẹ Shihọr rọ he obaro ọnre re Ijipt, vwe obọhwere ọnre rhiri re te Ekron, e kere phihọ kẹ ihwo ri Kenan, isun iyori ihwo ri Filistia vwori, osun ri Gaza, Ashdọd, Ashkelọn, Gat, kugbe Ekron), ọ vẹ e re Avvim,

Ẹyano 23:31

Ke me cha vwẹ ughwru rẹ ovwan vwo mu nẹ Abadi ọvwavware na re te Abadi ri Filistia nẹ aton na re te Yufretis; kidie mi che phi ihwo rẹ otọ na phihọ obọ wẹn, ke wọ cha djẹ ayen nẹ obaro wẹn.

1 Ivie 4:24

Kidie ọye vwo ogangan rẹ isuesun vwẹ enu rẹ ubrakpọ ri Yufretis nẹ Tifsah re te Gaza, vwẹ enu rẹ ivie rẹ obuko ọnre vwi Yufretis; oma de fuo vwi kabọ kabọ.

Jerimaya 47:5

Akpan bru Gaza rhire, Ashkẹlọn ghwọrọ nure. E umuku ri chekọ vwẹ ihwo rẹ Anak, Mavọ we bru omobọ rẹ ovwan krite?

Urhi Rivẹ 2:23

Ji te Avim ihwo re dia ighwre siẹ re de kpo Gaza na, Kaftọrim, ihwo ri ni Kafto rhe na, da ghwọrọ ayen, ayen da dia ẹdia rayen.)

Joshua 15:11

ughwru na de rhe duvwu rhue vwẹ asan eghwabọ re ugbenu rẹ Ekron, ughwru na de rhe gunu re te Shikkerọn, re te ugbenu ri Baalah, re duvwu rhue vwi Jahneel; ughwru na de rhi vwo oba vwẹ obo abadi na.

Iguẹdjọ 14:19

Etiyin Erhi rẹ Ọrovwohwo dẹ muo gangan, ọ da yanran kpo Ashkẹlọn. O de hwe eshare ọgban rẹ orho na, Ọ da ghwẹ ekuakua rayen reyọ ọ da vwọ hwosa rẹ iwun rẹ ọreotu na kẹ ihwo re fa otọ rẹ ido na. Ọ da yanran rhivwi kpo uwevwi rẹ ọsẹ rọye vẹ ophu gangan.

Jerimaya 25:20

kugbe erhorha re hẹ ohri rayen, ivie rẹ otọ rẹ Uz ejobi, vẹ ivie rẹ otọ ri Filistia ejobi (Ashakẹlọn, Gaza, Ekrọn, vẹ umuku rẹ Ashdọd),