Iguẹdjọ 1:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Aye na da ta kẹ nẹ, Ru ẹse ọvo kẹ vwẹ, wọ vwọ reyọ ovwẹ kpo otọ ri Nẹgẹb nure na, ko wọ je kẹ vwẹ otọ rẹ igbugbu rẹ ame epha. Kalẹb da vwẹ igbugbu rẹ obenu kugbe igbugbu re obotọ vwọ kẹ.

Iguẹdjọ 1:15 Referans Kwoze

1 Pita 3:9

Wa vwẹ umwemwu hwa osa rẹ umwemwu-u eyẹ ekan hwa osa rẹ eka-an; ẹkẹvuọvo ukpe rẹ ọyena nẹ ẹrhovwo, kidie ọna e se ovwan rhe, rere ovwan vwo vwo ebruphihọ.

Hibru 6:7

Kidie otọ rọ da ame rẹ osio rọ rhọ phihọ, ro de yovwi emu kẹ otu ri voiro, ke mrẹ ebruphihọ nẹ obọ rẹ Ọghẹnẹ rhe.

2 Kọrẹnt 9:5

Ọtiọye na mi rori nẹ o fori mi vwo ji imoni na bru ovwan rhe re me ke rhe, rere we toro arhọghọ na phihọ otọ kirobo rẹ ovwan veri na, rere ọ vwọ choma bẹsiẹye ọ dianẹ kirobo ra kanrhie mie ohwo-o ẹkẹvuọvo kirobo ra vwẹ ọhọrobọ rẹ ohwo kẹ.

1 Samuẹl 25:27

Biko gbe je a vwẹ ọmọko nana rẹ odibo wẹn phare rhe ọrovwovwe na kẹ imighele ri nene ọrovwovwe na.

1 Samuẹl 25:18

Kpata kpata Abigail, da ghwa reyọ ikara ujori ivẹ, kugbe egọ rẹ udi ivẹ, kugbe igodẹ iyori ra va nure, kugbe ovwanvwọn iyori rẹ ọka re duvwuru, kugbe erheghe ri razin ujori, kugbe ikara rẹ a vwẹ owe ru ujori ivẹ, o de kru ayen kpahe ekẹtẹkẹtẹ.

Jẹnẹsis 33:11

Reyọ, Me rẹ wẹ, ọko nana re Me phare rhe we na, kidie Ọghẹnẹ ru ẹse kẹ vwẹ gangan, fikiridie ọ ri mi vwori na te kẹ vwẹ. Ọtiọna kọye ọ rẹrẹ, ọ da reyọ.

Joshua 15:19

O da ta kẹ, Ru ẹse kẹ vwe, fikiridie ubrakpọ ri Negeb wo phi vwe phihọ, ke vwẹ ọgbugbu rẹ ame. Kalẹb da vwẹ ọgbugbu rẹ obotọ vẹ obenu vwọ kẹ.

Iguẹdjọ 1:14

Ọke rẹ aye na vwo bro rhe nu, ọ da kpakpọ nẹ ọ ra yare aghwa ọvo vwẹ obọ rẹ ọsẹ rọye, ọke rẹ aye na vwo wo nẹ enu rẹ ekẹtẹkẹtẹ na rhe, Kalẹb da ta kẹ nẹ. Die wọ guọnọre?

Iguẹdjọ 1:16

Etiyin uvwiẹ ri Ken, ọgọ ri Mosis de nene ihwo ri Juda nẹ orere rẹ ugbo-iriẹ na kpo evun re aghwa ri Juda rọ hẹ Nẹgẹb rọ kẹrẹ Arad; ayen vẹ ihwo na da ra dia kugbe.