Iguẹdjọ 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ukuko rọye ri Joshua vwo ghwu nu, ihwo re Izrẹl na da ra nọ Ọrovwohwo na ne, kono ri ke bru ihwo ri Kenan na ra họnre ayen ke avwanre?

Iguẹdjọ 1:1 Referans Kwoze

Iguẹdjọ 20:18

Ihwo rẹ Izrẹl na de vrẹn yanran kpo Bẹtẹl, ra nọ Ọghẹnẹ nẹ, Kono vwẹ usun rẹ avwanre na re cha ka yanran ra họnre ihwo ri Bẹnjamin na? Etiyin Ọrovwohwo da tanẹ, Juda re cha ka yanran.

Ukeri 27:21

Ko che mudia vwẹ obaro rẹ Ẹlẹazar rẹ orherẹn na, kọ cha vwẹ Utẹ vwọ guọnọ otọ rẹ ẹdjeguo kẹ vwẹ obaro rẹ Ọrovwohwo na; vwẹ oma rẹ ota rọye kẹ ayen ro otafe, vwẹ oma rẹ ota rọye kẹ ayen ro uwevwi, te ọye te ihwo rẹ Izrẹl ejobi re vọye gba berọ, ukoko na ejobi.

Iguẹdjọ 20:28

Etiyin Finihas rẹ ọmọ rẹ Eleaza, ọmọ rẹ Erọn ri gbe odibo vwẹ obaro rọye vwẹ ọke yena), ọ da tanẹ, kẹ avwanre rhoma ra họnre ihwo ri Bẹnjamin imoni rẹ avwanre na, gbenẹ avwanre jovwo? Etiyin Ọrovwohwo da tanẹ, Ovwan yanran; kidie Mi phi ayen pliihọ obọ rẹ ovwan vwẹ odẹ rọ cha na.

Iguẹdjọ 1:27

Manasse djẹ ihwo ri Bẹtshean kugbe ẹko rọye no-o, eyẹrẹ Taanak kugbe ẹko rọye, eyẹrẹ ihwo ri Dọr kugbe ẹko rọye, eyẹrẹ ihwo rẹ Ibleam kugbe ẹko rọye, eyẹrẹ ihwo ri Megiddo kugbe ẹko rọye; ẹkẹvuọvo ihwo ri Kenan rhọvwe kua nẹ otọ na-a.

Ẹyano 28:30

Vwẹ evun rẹ adja rẹ ẹdjeguo na wo mi phi Utẹ vẹ Agbragha phihọ, ke dia evun rẹ udu rẹ Erọn, vwẹ ọke ro de kpo obaro rẹ Ọrovwohwo; enẹ kọye Erọn ghwa ẹdjeguo rẹ ihwo rẹ Izrẹl vwẹ udu rọye vwẹ obaro rẹ Ọrovwohwo vwẹ ọke ejobi.

Iguẹdjọ 2:21

kẹ ọke nana yanran Me gbe cha djẹ ihwo na nẹ ẹgborho ri Joshua ghwu jovwo kẹ ayen na no-o,

Ẹyano 18:15

Mosis da ta kẹ ọgọ rọye, Fikiridie ihwo na cha nọ ekpẹn rẹ Ọghẹnẹ vwẹ obọ mẹ;

Iguẹdjọ 2:8

Joshua rẹ ọmọ ri Nun, rẹ odibo rẹ Ọrovwohwo na, da dia akpọ ikpe ujori gbe ihwe ro ki ghwu.

Iguẹdjọ 2:9

Ayen de sho phihọ ughwru rẹ otọ rọye vwi Timnateres, vwẹ evun rẹ orho rẹ ugbenu rẹ Ifrem, vwẹ obọhwẹre rẹ ugbenu rode ri Gaash.

Iguẹdjọ 20:23

Etiyin ihwo rẹ Izrẹl na da ra viẹ vwẹ obaro rẹ Ọrovwohwo na re te ọke rẹ ovwọnvwọn; ayen da ra nọ Ọrovwohwo nẹ, kẹ avwanre rhoma kpo ofovwi ra họnre imoni rẹ avwanre ihwo ri Bẹnjamin na? Ọrovwohwo da tanẹ, Ovwan ra họnre ayen.

Iguẹdjọ 20:27

Etiyin ihwo rẹ Izrẹl na da ra nọ Ọrovwohwo (kidie ekpeti rẹ ọphọ rẹ Ọghẹnẹ na oboyi vwẹ ọke yena,

1 Samuẹl 10:22

Ayen da rhoma duotọ rọye vwẹ obọ rẹ Ọrovwohwo, Ohwo na rhe etinẹ na? Ọrovwohwo da ta, Nighe, o sioma nu vwẹ ohri rẹ aghwa na.

1 Ivie 22:5

Jehoshafat da ta kẹ ovie rẹ Izrẹl duoto rọye vwẹ obọ rẹ Ọrovwohwo