Hosia 8:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ayen vwẹ ivie mu, yẹ ẹkẹvuọvo ayen wan oma mẹ-ẹ. Ayen vwẹ isun mu, yẹ ẹkẹvuọvo me riẹnre-e. Idọnọ vẹ iro rayen ayen vwo duvwu ema, vwọ kẹ ẹghwọrọ rẹ ayen.

Hosia 8:4 Referans Kwoze

Hosia 13:2

Asakiephana kẹ ayen ruẹ umwemwu buẹ phihọ, ayen de duvwu oma ra wranre kẹ oma rẹ ayen, oma ra vwẹ idọnọ efuanfon vwo ru re bru ona phihọ, ayen ejobi iruo rẹ ọwena. We ze izobo kẹ enana, ayen me ta, ihwo ke fiọnfiọn ema rẹ irhuẹn unu!

Hosia 2:8

Ọ gbe rha riẹn nẹ omẹvwẹ re vwẹ ọka na, vẹ udi na vẹ ọfigbo na kẹ-ẹ, nẹ mẹvwẹ re je rhaphiẹ idọnọ vẹ oro rọ rhaphiẹ kẹ Baal.

1 Ivie 16:31

O de no frae ro vwo nenesi rẹ imwemwu ri Jeroboam ọmọ ri Nebat, ọ da reyọ Jẹzebẹl ọmọtẹ rẹ Etbaal ovie ri Sidọn vwọ rọvwọ, ọ da ra ga Baal, o de shiguẹ kẹ.

Galesha 4:9

ẹkẹvuọvo vwẹ asakiephana rẹ ovwan rhe vwọ riẹn Ọghẹnẹ nure na, rẹ Ọghẹnẹ je vwọ riẹn ovwan nure na, komavọ ovwan rhe vwo rhivwi bru erharhe vẹ ebaghẹrẹ rẹ erhi rẹ akpọ na re wa rhe rhoma dia eviẹn rẹ ayen?

Iyẹnrẹ Esiri ri Jọn 10:14

Mẹvwẹ hẹ osuigegede rẹ esiri; me riẹn e robọ mẹ e robọ mẹ je riẹn vwẹ,

1 Ivie 12:28

Ọtiọye na ovie na da jẹ iroro, o de duvwu umuomuo rẹ erhuẹn ivẹ rẹ oro. ọ da ta kẹ ihwo na, Ovwan kpo Jernsalẹm tere. Nighe ẹdjọ rẹ ovwan, E Izrẹl, rọ reyọ owẹ nẹ otọ rẹ Ijipt rhe.

Iyẹnrẹ Esiri ri Luk 13:27

Ẹkẹvuọvo ko ta, Me ta kẹ wẹ, Me riẹn asan wo nurhe-e; bi nẹ uvwe oma, ovwan ihwo ejobi ri ruẹ orukuruku.

Iyẹnrẹ Esiri ri Luk 13:25

Ọke rẹ onini na de vrẹn siẹvuọvo rọ da kanre ẹchẹ, ku we mudia vwẹ obo otafe de hworo ẹchẹ, tanẹ, Ọrovwohwo, rhie ẹchẹ kẹ avwanre. Kọ kpahe kẹ wẹ, Me riẹn asan wo nurhe-e.

Matiu 25:12

Ẹkẹvuọvo ọ da kpahe ọ da ta nẹ, Uyota me ta kẹ ovwan, Me riẹn ovwa-an.

Izikiẹl 18:31

Siobọ nẹ ogbigbiru wẹn ejobi ru wo ru kpahe ovwẹ, wọ reyọ udu ọkpokpọ kẹ oma wẹn kugbe erhi ọkpokpọ! Die wọ di vwo ghwu, E uwevwi rẹ Izrẹl?

1 Ivie 13:34

Emu nana de rhi hirhe phihọ umwemwu kẹ uwevwi ri Jeroboam ọtiọye na kọye e vwo bro kufia ra vwọ ghwọrọ nẹ otọ rẹ akpọ na.

Jerimaya 16:20

Ohwo se ru edjọ kẹ oma rọye? E re dia edjọ-ọ!

Daniẹl 3:1

Ovie Nebukadreza da ma ẹdjọ rẹ oro, ugrogro rọye da dia kubit ujorha, ohẹhẹre rọye ke rha kubit esan. O de muo vi vwẹ uphephẹ ri Dura vwẹ unuakpọ ri Babilọn.

Hosia 8:3

Izrẹl kọ vwẹ emuesiri jehwẹ, Ivwighrẹ cha vwọ tua.

Hosia 13:1

Ọke rẹ Ifrem vwọ ta ota, ihwo de kpogho; a da kparọ kpenu vwẹ Izrẹl, ẹkẹvuọvo rọ vwọ wan oma ri Baal re abe o de ghwu.

Hosia 13:11

Me kẹ wẹ ovie vwẹ ophu mẹ, vwẹ ivuemiovwo mẹ mi de si ayen nu.