Hosia 4:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọtiọbo rẹ ayen bute, ọtiọye ayen ji ghwe ru imwemwu kpahe ovwẹ, Me rhẹriẹ urinrin rayen vwo kpo omẹvuọ.

Hosia 4:7 Referans Kwoze

Hosia 13:6

Ẹkẹvuọvo rẹ evun vwọ vọn ayen nu, oma ko mu ayen, udu rayen da kpare kpenu. Ọye me da chọrọ ayen ẹro.

Filipae 3:19

Oba rayen kẹ ẹghwọrọ, ẹdjọ rẹ ayen gọ kẹ evun, omaẹvuọ rayen kọye ayen vwọ yan eyan, vẹ iroro rẹ ayen vwọ kpahe emu rẹ akpọ na.

1 Samuẹl 2:30

Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.

Malakae 2:9

kọye mi de ru we kueku, me da vwẹ owẹ gbe otọ kẹ ihwo buebu mrẹ, fikiridie wọ nene idjerhe mẹ-ẹ ẹkẹvuọvo abọ ọvo kọye uyono wẹ nuẹ nene.

Hosia 10:1

Izrẹl epha kerẹ vain pọkọpọkọ rọ mọ emamọ rọye. Ọtiobo rẹ emamọ rọye buẹ te ọtiọye ọ je ghwa so egbada buebu te; kerẹ obo rẹ ọrho rọye yovwẹ te ọtiọye ọ je ghwa ma osusu te.

Hosia 4:10

Ayen ke re, je evun vọn aye-en, ayen gbe igberadja jẹn ayen buru-u; kidie ayen siẹn Ọrovwohwo ọfarhiẹ kọye ayen gbe.

Habakọk 2:16

Ehwẹjẹ kọ che dje we ọvẹn ọ rha dia urinri-nn. Da udi, phihọ oma wen, rere wo gele! Uko rọ hẹ obọrhe rẹ Ọrovwohwo na kọ cha riẹriẹ owẹ phihọ, omaẹvuọ kọ che rhurhu urinrin wẹn!

Hosia 6:9

Kirobo rẹ iji hwa phihọ idjerhe hẹrhẹ ohwo ye, otiọye irherẹn na ji se oma koko, ayen da dia izighẹ vwẹ idjerhe ro kpo Shikẹm, uyota, ayen ru obo re brare.

Hosia 5:1

Nyo ọnana, E irherẹn! wa kerhọn, E uwevwi rẹ Izrẹl! Wa kerhọn, E uwevwi rẹ ivie na! Kidie ẹdjeguo na bru uwe rhe; kidie wọ vwẹ oma ru ufi vwi Mizpa, vẹ ariri ra riẹn phihọ enu ri Tabọ.

Ezra 9:7

nẹ ẹdẹ rẹ esẹ rẹ avwanre rhe rhi te nonẹ na, ọye avwanre vwọ hẹ evun rẹ abe, vwi fiki rẹ imwemwu rẹ avwanre, avwanre vẹ ivie rẹ avwanre, kugbe irherẹn rẹ avwanre: e vwo mu avwanre phihọ obọ rẹ ivie rẹ otọ na, vwọ kẹ ọlọkọ, vwọ kẹ ighuvwu, vwọ kẹ ugborho, vwọ kẹ omaẹvuọ kirobo rọ epha rhi te nonẹ na.

Hosia 13:14

Ke me tan ayen nẹ obọ rẹ ogangan rẹ Erivwi? Me tan ayen nẹ obọ rẹ Ughwu? E Ughwu, emiavwe wẹn rhọ? E Erivwi, tivọ ẹguọghọ wẹn epha? Ẹhrọre chọrọ ovwẹ ẹro.

Hosia 9:11

Urinrin rẹ Ifrem kọ cha rhan jovwo kerẹ ọmọphran o vwo uvwiẹ-ẹ o vwo evun ẹmrẹ-ẹ, o vwo emeranvwe ẹchọra-a.

Hosia 10:6

E, oravwọ na dẹn ke che muo kpo Asiria ra vwọ hwa osa kẹ ovie rode na. Oma kọ cha vuẹ Ifrem, oma rẹ edjọ ẹga kọ vo Izrẹl.

Urhi Rivẹ 32:15

Ẹkẹvuọvo oma ro Jeshurun, ọ da sare; oma rẹ ovwan da rho phihọ, oma da ghwọrọ ovwan; ọ da sen Ọghẹnẹ rọ maro, ọ da vwẹ Oragha rẹ esivwo rọye jehwẹ