Hosia 4:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Fiki rẹ ọtiọye na otọ na de muoma phihọ, ihwo re dia otọ na ejobi oma re ro ayen, ọtiọye ji te eranvwe rẹ aghwa, kugbe ephran rẹ irharheghe, iyeri rẹ evun rẹ ame ghwrara e ji si ayen nọ.

Hosia 4:3 Referans Kwoze

Zẹfanaya 1:3

Mi hwerhe ohwo vẹ eranvwe kufia; mi hwerhe emephran rẹ obenu kufia kugbe eri rẹ abadi na. Me guọghọ ohwo umwemwu fiọtọ kakare, me nyavwẹ ohwo rẹ akpọ kufia nẹ enu rẹ akpọ na, eriyin Ọrovwohwo na tare.

Nahum 1:4

Ọ ghwọ ku abadi ọ da kpọ yamu, ọ da nẹrhẹ irhie na ejobi kpọ yamu; Beshan kugbe Karmẹl de vwioro, ẹbe djidji ri Lebanọn ejobi fare.

Emọs 5:16

Fiki re otiọye e nẹ Ọrovwohwo tare, Ọghẹnẹ rẹ otuofovwi na; Ọrovwohwo na, omaebere kọ cha dia vwẹ evun rẹ osuere na, ejobi, ke ayen che kperi vwẹ irhuvwu na ejobi nẹ, eghwo! eghwọo! Ayen ki che se eghwẹrẹ na kpo omaemuophihọ otu re riẹn omaebere ke se ayen kpo oma evwerhe,

Izikiẹl 38:20

Eri rẹ abadi, kugbe emephran rẹ obenu, kugbe eranvwe rẹ aghwa, kugbe obo ri kpono ejobi ri kpono vwẹ otọ na, kugbe ihwo ejobi re hẹ enu rẹ akpọ na, cha phariẹ vwẹ irharo mẹ, kugbe igbenu na ejobi ka cha vwẹ ayen phiotọ, enu rẹ igbenu na ki che she, igbẹhẹ kigbẹhẹ ejobi ki che rhurie she te otọ.

Jerimaya 12:4

Mavo otọ na muoma phihọ krite, rẹ ẹbe rẹ aghwa na vwioro krite? fiki rẹ umwemwu rẹ otu re dia evun rọye, tẹ eranvwe vẹ emephran e hwerhe ayen kufia kidie ihwo tare nẹ, Ọ sa mrẹ oba rẹ avwanre-e.

Jerimaya 4:25

Mi vwo ni, me da mrẹ nẹ, ohwo gbe herọ-ọ, tephran re hẹ obenu na ejobi rhanre kpae.

Emọs 8:8

Otọ na rhe kpogho vwi fiki rẹ ọnana, kohwo kohwo rọ dia evun rọye de muomaphihọ rẹ ayen ejobi de ku reghe reghe kerẹ Nile, ro de phio rhe phio kpo ro ki divwi, kere Nile rẹ Ijipt?

Emọs 1:2

Ọ da ta: Ọrovwohwo na do ni Zayọn rhe, Ọ da ta ota ni Jerusalẹm rhe, egbri re isuigodẹ na muoma phihọ, enu ri ugbenu ri Kamẹl vwiori.

Aizaya 33:9

Otọ na muomahọ ọ rọ brenu, Lẹbanọn a harherọ ọ fa che re, Sharọn ko họhọ atọn; Eashan kugbe Kamẹl io tue ẹbe fia

Jerimaya 9:10

Viẹ wo beroma kẹ igbenu na, je viẹ ovie kẹ odi rẹ aghwa na, kidie aguọghọ ayen ohwo ọvuọvo gbe wan vrẹ-ẹn e gbi nyo oviẹ rẹ uchuru vwọ-ọ, te emephran rẹ obenu kugbe e eravwe rẹ aghwa dje ghwru.

Jerimaya 23:10

Kidie otọ na vọnre vẹ igberadja; fiki rẹ ekan otọ na vwo muomahọ, odi rẹ aghwa na ejobi je ya re. Idjerhe rayen omiomiovwi, ẹgba rayen shehọ-ọ.

Joẹl 1:18

Nighe obo rẹ eranvwe na guan! ekru rẹ uchuru na ofu dje ayen fikiridie egbri gbe herọ kẹ aye-en. vwevwe rẹ igegede na dede na mu opharo phihọ.

Zekaraya 5:4

Mi che jo rhe, Ọrovwohwo rẹ otuofovwi na tare, kọ cha ro uwevwi rẹ oji, vẹ uwevwi rẹ ohwo rọ vwẹ odẹ Mẹ duvwa iyori rẹ efian; ọ cha dia uwevwi rọye ọ mẹ ghwọrọ, te ephapha vẹ eragha ejobi.

Jerimaya 9:9

Mi gbe hwe ayen vwi fiki rẹ imu nana-a, eriyin Ọrovwohwo na tare; mi gbi reihri na kẹ oma mẹ kpahe orere ọtiọnana?