Hosia 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Me rha re ehrọre rẹ emọ rọye-e, kidie ayen emọ rẹ ọfarhiẹ.

Hosia 2:4 Referans Kwoze

Hosia 1:6

Ọ vwọ rhoma mrẹ evun o de vwiẹ ọmọtẹ. Ọrovwohwo da ta kẹ, Se odẹ rọye Ovwo-ehrọre-e, fikiridie me gbe cha re ehrọre rẹ uwevwi rẹ Izrẹl ọfa-a, mi che vwo ghovwo ayen kakaka-a.

Hosia 1:2

Ọke rẹ Ọrovwohwo vwo ka wa oma ri Hosia ta ota, Ọrovwohwo da ta kẹ Hosia, Yanran wọ ra rọvwọ igberadja wo vwiẹ emọ rẹ igberadja, fikiridie ihwo na gbe ọfarhiẹ rode rẹ ayen vwọ sen Ọrovwohwo.

Izikiẹl 8:18

Fiki rẹ ọtiọye na ayen kpare o vwẹ ophu; ẹro mẹ gbi jẹn ayen vwo-o, eyẹ me gbe re ehrọre-e, owenẹ ayen kperi phihọ ovwẹ erhọn vẹ urhuru ọgangan dede, me cha kerhọn rẹ aye-en.

Jerimaya 13:14

Ki mi che geri ayen ohwohwo teye ohwo, esemọ vẹ emọ kugbe, eriyin Ọrovwohwo tare, mi che nẹ aruẹdọ-ọ eye me re ehrọre-e, ri mi di ji ayen eghwọrọ-ọ,

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

Ọbe ri Pọl si rhe Ihwo ri Rom 11:22

Gbe ni arodọvwẹ vẹ aroesio rẹ Ọghẹnẹ; aroesio kẹ otu ri sheri, ẹkẹvuọvo arodọvwẹ rẹ Ọghẹnẹ dia ke owẹ, wo de nene arodọvwẹ rọye; ọ rha dia eriyi-in ka je nyavwe owẹ kufia.

Ọbe ri Pọl si rhe Ihwo ri Rom 9:18

Vwẹ ọtiọye na ohwo ro jere o nẹ arodọvwẹ kẹ, ọ ro jere o mi rhe ru udu rọye gan.

Iyẹnrẹ Esiri ri Jọn 8:41

We ruẹ obo rẹ ọsẹ rẹ ovwan ruru. Ayen da ta kẹ, A vwẹ igberadja vwiẹ avwanre-e; avwanre vwo Ọsẹ ọvo, ọye Ọghẹnẹ.

Zekaraya 1:12

Ọye amakashe re Ọrovwohwo da ta, E Ọrovwohwo rẹ otuofovwi mavọ okrite wo ki ni arodọvwẹ ri Jerusalem vẹ irere ri Juda ri wo mu ophu kpahe ikpe ujorha gbe ihwe re na?

Izikiẹl 9:10

Vwọ kẹ vwẹ, o gbi sisi uvwe ẹro-o, eyẹ Me gbe re ehrore-e, ki mi kere uruemu rayen phihọ uyovwi rayen.

Jerimaya 16:5

Kidie enẹ Ọrovwohwo tare: Wọ ruẹ uwevwi rẹ uvweri-i, eyẹ wọ yanran ra viẹ-ẹ, wo muomahọ kẹ aye-en, kidie mi si ufuoma mẹ nẹ obọ rẹ ihwo nana rẹ, eriyin Ọrovwohwo tare, te ẹguọnọ ro jẹrhẹrie vẹ arodọvwẹ mẹ mi mie ayen.

Aizaya 57:3

Ẹkẹvuọvo wẹ, si kẹre obonẹ, emọ re ẹboepha na, emọ re vwọ ọfarhiẹn vẹ igberadja na.

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Ivie rẹ Ivẹ 9:22

Ọke ri Joram vwọ mrẹ Jehu, ọ da ta, Arherha, Jehu? Ọ da kpahe, Ufuoma ridie re sa dia re igberadja vẹ erhan rẹ Jezibẹl rẹ oni wẹn de buẹn phihọ?

Izikiẹl 23:25

Ki mi mu ophu mẹ kpahẹ owẹ, rere ayen vwẹ ophu rẹ ayen di gbe oja kẹ wẹ re. Ayen ki bru uwen wẹn nẹ uwe kugbe erhọn wẹn, ihwo ri ghwu chekọ ke yan ro abọ rẹ oda. Ayen ki gborho emeshare wẹn kugbe emetẹ wẹn, i ri ghwu chekọ ka vwẹ erhanre torhẹ ayen.

Hosia 5:7

Ayen phiẹn Ọrovwohwo; kidie ayen vwiẹ emọ rẹ erhorha. Asakiephana emeranvwe ọkpokpọ cha ghwọrọ ayen vẹ idju rayen ejobi.

Aizaya 50:1

Enẹ Ọrovwohwo tare Tivọ ọbe rẹ obo esiono re oni wẹn epha, ri mi vwo siobọ no? Eyẹ ọriesa na rhọ ọ ra she ẹẹ ke na? Nighere, fiki rẹ orukuruku wẹn a vwọ shẹ wẹ, ji vwi fiki rẹ ogbeku na e vwo siobọ nẹ oni wẹn.