Hosia 10:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ifrem umuomuo rẹ erhuẹn re yonori rẹ oma rẹ owian vwerha, me da yan jẹn oghwa rọ hẹ ohọre rọye vwo; ẹkẹvuọvo me cha gba urhekpe mu ohọre rẹ Ifrem, Juda ko che voro ivoro, Jekọp kọ che tuetue odi kẹ oma rọye.

Hosia 10:11 Referans Kwoze

Hosia 4:16

Izrẹl vẹ udu kọi, kerẹ erhuẹn ọshare ro vwo udu, kẹ Ọrovwohwo sa ghẹrẹ ayen vwẹ etiyin na, kerẹ ogodẹ vwẹ egbri ophephẹ?

Jerimaya 50:11

Owenẹ wọ ghọghọ, owenẹ oma vwerhe owẹ, E ọ ro gborho ukuẹriọ mẹ owenẹ wo vwo urhurhu kerẹ ọmọ rẹ erhuẹn rọ ria odi, rọ djẹ eya kerẹ esi ọshare,

Urhi Rivẹ 25:4

Wọ gba erhuẹn unu, vwẹ ọke ro de woro eka-a.

Ọbe ri Pọl si rhe Ihwo ri Rom 16:18

Kidie oghẹre rẹ ihwo ọtiọye na dia Ọrovwohwo Kristi ayen ga-a, ẹkẹvuọvo urhuru sivwe rẹ oma rayen, ihwo re vwẹ eta avwerhe kugbe unuẹrarọ vwọ phiẹn igbori kugbe ihwo ughẹnghẹn.

Hosia 11:4

Me da vwẹ irihrẹ rẹ ehrọnre vwo sun ayen, vẹ ufi rẹ ẹguọnọ. Mi de rhi hirhe phihọ ohwo ro dogho urhukpe re vwo mu ohwo vwọ kẹ ayen, Mi de rhuẹn kpotọ ra ghẹrẹ ayen.

Hosia 9:1

Wọ ghọghọ-ọ, E Izrẹl! wo jẹn oma vwerha owẹ kerẹ ihwo na-a; kidie wo gbe igberadja, wọ da sen Ọghẹnẹ wẹn. Osa ra hwa kẹ igberadja ọye ri je we vwẹ utuwevwi re de wuye.

Hosia 3:1

Ọrovwohwo da ta kẹ vwẹ, Rhoma yanran, ra guọnọ aye ra riẹriẹ nẹ obọ obọ wẹn, ọ ro gbe igbaradja na, kirobo rẹ Ọrovwohwo guọnọ ihwo rẹ Izrẹl, dede na yẹ ayen hirhe bru edjọ efa re guọnọ ikara re vuvwuru.

Hosia 2:5

Kidie oni rayen gbe ọfarhiẹ; ohwo ro mrẹ evun rẹ ayen ru emu rẹ omẹvuọ. Kidie ọ tare, Mi nenẹ esen mẹ, re kẹ vwẹ emuọrẹ mẹ vẹ ame mẹ, ẹton rẹ ogegede mẹ vẹ oruru mẹ, ọfigbo mẹ vẹ udi mẹ.

Aizaya 28:24

Ohwo ro voro udju evevoro o ghwe voro bẹdẹ? ghine ọ ro hworo kẹ ehwehworo bẹdẹ?

Jerimaya 28:14

Kidie enẹ Ọrovwohwo rẹ otuofovwi, Ọghẹnẹ rẹ Izrẹl, tare: Mi phi ahwa rẹ utehru rẹ ọviẹn phihọ ohọre rẹ ẹgborho nana re ayen dia eviẹn ri Nebukadneza ovie ri Babilọn, ayen cha ga, kidie me je kẹ eranvwe rẹ aghwa dede.

Jerimaya 46:20

Ijipt umuomuo rẹ erhuẹn ro yovwiri, ẹkẹvuọvo egbaregba che nẹ obọrhe ọnre bro cha.

Maika 4:13

Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.