Hosia 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọke rẹ Ọrovwohwo vwo ka wa oma ri Hosia ta ota, Ọrovwohwo da ta kẹ Hosia, Yanran wọ ra rọvwọ igberadja wo vwiẹ emọ rẹ igberadja, fikiridie ihwo na gbe ọfarhiẹ rode rẹ ayen vwọ sen Ọrovwohwo.

Hosia 1:2 Referans Kwoze

Hosia 3:1

Ọrovwohwo da ta kẹ vwẹ, Rhoma yanran, ra guọnọ aye ra riẹriẹ nẹ obọ obọ wẹn, ọ ro gbe igbaradja na, kirobo rẹ Ọrovwohwo guọnọ ihwo rẹ Izrẹl, dede na yẹ ayen hirhe bru edjọ efa re guọnọ ikara re vuvwuru.

Urhi Rivẹ 31:16

Ọrovwohwo ke vuẹ Mosis, Nighe, wo che ghwu bru ihwo wẹn; ihwo nana ki che bibi ra gọ edjọ rẹ otọ na, asan rẹ ayen vẹ ihwo na de yenri kugbe, ayen ke cha sen vwẹ ayen ki miovwi ọphọ mẹ re Me vẹ ayen rere na.

Jerimaya 3:9

Kidie igberadja na emu gheghe vwọ kẹ ọto na, ọ vẹ oragha kugbe urhe gbe gbe igberadja.

Une rẹ Ejiro 106:39

Ọtiọna ayen rhe vwọ dia gbegbe vwẹ oma re uruemu rayen, ayen de gbe igberadja fiki rẹ obo rayen ruẹ.

Ẹvwọphia 17:5

e de si odẹ rẹ igbunu tamuo arhare; Babilọn rode na, oni rẹ igberadja kugbe omaetuo rẹ akpọ na.

2 Pita 2:14

Ẹro rẹ ayen vọnre vẹ igberadja, evun rẹ umwemwu vọn aye-en. Ayen riẹriẹ ihwo ri mudia ga-an. Ayen yono udu rayen phihọ urhuru evwo. Emọ ra harhere!

Izikiẹl 6:9

Etiyin ovwan ihwo re vaba na ke karohọ ovwẹ vwẹ ohri rẹ ẹgborho re mu ayen ighuvwu ra na, vwẹ ọke mi de vwirhi udu rẹ evwan rayen ro bo ju vwe vwo na, ro rhu ẹro rayen rọ vwẹ evwan rayen hirhe ku ema rayen, kẹ ayen che hirhe phihọ ometuo kẹ omaobọ rayen vwẹ irharo rayen fiki rẹ uruemu rẹ ẹgua rẹ ayen ejobi.

Hosia 5:3

Me riẹn Ifrem, Izrẹl sioma nu kẹ vwẹ-ẹ, kidie asakiephana, E Ifrem, wo gbe igberadja, Izrẹl gbe oma ẹgua.

Iyẹnrẹ Esiri ri Mak 1:1

Ẹtuọhọ rẹ iyẹnrẹ esiri ri Jesu Kristi, Ọmọ rẹ Ọghẹnẹ na;

Jerimaya 2:13

Kidie ihwo mẹ ru imu ivẹ chọ! ayen sen vwẹ, rẹ ẹtẹrhe rẹ ame rẹ urhuarhọ na, ayen da tọn egọdọ rẹ ame kẹ omobọ rayen, egọdọ re vwẹn, re sa yọnrọn ame-e.

Une rẹ Ejiro 73:27

Kidie gbe no, otu ri tephe kẹ wẹ ke cha ghwọrọ; wẹ ri se phi oba phihọ otu re vwe oma da wẹ ghevweghe.

2 Ikun rẹ Ivie 21:13

ẹkẹvuọvo idjerhe rẹ ivie rẹ Izrẹl kọye wọ vwọ kpahe, wo de sun Juda kugbe ihwo re dia Jerusalẹm ghwru kirobo rẹ uwevwi rẹ Ehab sun Izrẹl ghwru, okpuyovwi wẹn ke rha nyavwe iniọvo wẹn hwe, emọ rẹ uwevwi rẹ ọsẹ wẹn, ri yovwi nọ ekpuyovwi wẹn;

Jerimaya 2:20

Okrire wo vwo vwirhi urhekpe wẹn wọ da sanvwe ojọnrọn wẹn vwrẹn, wọ da ta nẹ, Me gbe ga-a, Uyota, vwẹ enu rẹ ugbenu otete ejobi kugbe otọ rẹ irhe wọnwọn ejobi wo de rhuẹn kerẹ igberadja.

Jerimaya 2:23

Mavọ wo ru ta nẹ, mi gbe ẹgua-a, Mi nene Baal rẹ? Gbe ni idjerhe wẹn vwẹ iyara na; re wọ riẹn obo wo ruru Iyesi ọboba rọ kọghọ ra vwẹ ufi gba obẹnẹ rọye.

Hosia 2:7

Ọ cha vwọ tua esen rọye, ẹkẹvuọvo ọ gbe djẹ mu aye-en kọ guọnọ ayen, jẹ ọ gbe mrẹ ayẹ-ẹn kọ ta, mẹ ra mi rhivwi bru ọsharẹ mẹ rẹ ẹsosuọ, kidie ọke yena o de me yovwi kẹ vwẹ nọ asakiephana.