Hosia 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ota rẹ Ọrovwohwo de bru Hosia rẹ ọmọ ri Beri rhe, vwẹ ọke rẹ Uzzia, Jotam, Ehaz kugbe Hẹzikaya, ivie ri Juda, kugbe ọke ri Jeroboam rẹ ọmọ ri Joash, ovie rẹ Izrẹl.

Hosia 1:1 Referans Kwoze

Ọbe ri Pọl si rhe Ihwo ri Rom 9:25

Kirobo rọ ghene ta vwi Hosia, Ayen otu re dia ihwo mẹ jowwo-o ki mi se ayen ihwo mẹ, ayen re me guọnọre jovwo na-a ki mi se ọ re me guọnọre.

Maika 1:1

Ota rẹ Ọrovwohwo na ro bru Maika rhe ohwo ri Moreshet vwẹ ọke ri Jotam, Ahaz, kugbe Hẹzikaya, ivie ri Juda, rọ mrẹre kpahe Sameria kugbe Jerusalẹm.

Aizaya 1:1

Aroẹmre rẹ Aizaya ọmọ ri Amọz, rọ mrẹre kpahe Juda vi Jerusalẹm vwe ọke re Uzaya, Jotam, Ehaz kugbe Hẹzikaya, ivie ri Juda.

Emọs 1:1

Eta rẹ Emọs, rọ hẹ ohri rẹ isuigodẹ ri Tẹkoa, rọ mrẹre kpahe Izrẹl vwẹ ọke rẹ Uzaya ovie ri Juda vẹ ọke ri Jerobọam ọmọ ri Joash, ovie rẹ Izrẹl, ikpe ivẹ tavwe rẹ otọ ki kpogho.

Ivie rẹ Ivẹ 15:32

Vwẹ ukpe rivẹ ri Peka ọmọ ri Remalaya, ovie ri Izrẹl, Jotam ọmọ rẹ Uzaya, ovie ri Juda de mu uvie phihọ ẹriọ.

Ivie rẹ Ivẹ 14:16

Jehoash da vwerhẹ kugbe esẹ rọye, e de sho phihọ Sameria kugbe ivie rẹ Izrẹl;. Jeroboam rẹ ọmọ rọye da re vwẹ ẹdia rọye.

2 Pita 1:21

fikiridie o vwo aroẹmrẹ ọvuọvo ro di nẹ udu rẹ obọ rẹ ohwo cha-a, ẹkẹvuọvo ihwo rẹ Erhi Ọfuanfon na muru re ta ota ro nẹ obọ rẹ Ọghẹnẹ rhe.

Iyẹnrẹ Esiri ri Jọn 10:35

Ọ de se ayen edjọ ihwo rẹ ota rẹ Ọghẹnẹ bru rhe je se miovwi ọbe ọfuanfon na-a.

Zekaraya 1:1

Vwẹ emeranvwe, rẹ ẹrenre vwẹ ukpe rivẹ ri Dariọs, ota rẹ Ọrovwohwo de bru Zekaraya ọmọ rẹ Bẹrẹkaya rhe, ọmọ rẹ Iddo, ọmraro na, ta nẹ,

Jona 1:1

Asakiephana ota rẹ Ọrovwohwo na de bru Jona ọmọ rẹ Amitai rhe, tanẹ,

Joẹl 1:1

Ota rẹ Ọrovwohwo na rọ bru Joẹl rhe, rẹ ọmọ ri Pẹtuẹl.

Izikiẹl 1:3

ota rẹ Ọrovwohwo de bru Izikiẹl rẹ orherẹn na rhe, rẹ ọmọ ri Buzi, vwẹ otọ rẹ ihwo ri Kaldia vwẹ oma rẹ urhie ri Keba, obọ rẹ Ọrovwohwo de she kpahọ vwẹ etiyin.

Jerimaya 1:4

Asakiephana ota rẹ Ọrovwohwo de bru vwe rhe nẹ,

Jerimaya 1:2

ohwo rẹ ota rẹ Ọrovwohwo brurhẹ vwẹ ọke ri Josaya ọmọ rẹ Amọn, ovie ri Juda, vwẹ ikpe ihwerha rẹ ẹriọ rọye.

Ivie rẹ Ivẹ 13:13

Ọtiọye Joash da vwerhẹ kugbe esẹ rọye, Jeroboam de tidia ekete rọye; e de shi Joash phihọ Sameria ba ivie rẹ Izrẹl na.

Ivie rẹ Ivẹ 14:23

Vwẹ ukpe ihwe gbẹ iyori rẹ Amazaya ọmọ ri Joash, ovie ri Juda, Jeroboam ọmọ ri Joash, ovie rẹ Izrẹl de mu phihọ ẹriọ vwi Sameria, ọ da re ikpe ujuvẹ.

Ivie rẹ Ivẹ 15:5

Ọrovwohwo na da ghwiẹ ovie na, ovie na de hirhe ọhonvwoti re te ẹdẹ rẹ ughwu rọye, ọ da ra dia uwevwi robọ rọye san. Jotam rẹ ọmọ rẹ ovie na kọye vwẹ ẹro te ekuakua vẹ ihwo rẹ uwevwi na, kọye ji suẹn ihwo rẹ otọ na.

Ivie rẹ Ivẹ 15:7

Azaraya da rha vwerhẹ kugbe esẹ rọye, e de sho kugbe esẹ rọye vwẹ orere ri Devid, Jotam ọmọ rọye da rhe re vwẹ ẹdia rọye.

2 Ikun rẹ Ivie 27:1

Joram da dia ikpe uje gbe iyori ọ ghwo te ọke ro vwo mu phihọ ẹriọ, ọ da re ikpe ihwe gbe esan vwi Jerusalẹm. Odẹ rẹ oni rọye ki Jerusha ọmọtẹ ri Zadọk.

2 Ikun rẹ Ivie 28:1

Ehaz da dia ikpe uje ọ ghwo te vwẹ ọke rọ vwo muphihọ ẹriọ, ọ da re ikpe ihwe gbẹ esan vwi Jerusalẹm. Ọ rhe ru obo ri yoma vwẹ obaro rẹ Ọrovwohwo o, kerẹ ọsẹ rọye, Devidi-i,

2 Ikun rẹ Ivie 29:33

Ekuakua re ru fon ejobi na da dia irhuẹn eshare ujori esan kugbe igegede uriori erha.

Aizaya 7:1

Vwẹ ọke rẹ Ehaz ọmọ ri Jotam, ọmọ rẹ Uzaya, Ovie ri Juda, Rezin Ovie ri Siria kugbe Pekah ọmọ rẹ Remaliah, ovie rẹ Izrẹl da kpare ofovwi kpo Jerusalẹm, ẹkẹvuọvo ayen se phio kua-a.