Hibru 9:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Vwẹ obuko rẹ amwa rivẹ na utughẹ ọvo herọ re se Asan rọ Ma fon,

Hibru 9:3 Referans Kwoze

Matiu 27:51

Nighe amwa ra vwọ tan obaro rẹ ẹshẹ na, da bẹre ẹbẹre ivẹ nẹ otọ rhi duvwu enu; otọ de mu kpogho; eragha de mu bẹre.

Ẹyano 40:21

etiyin o de mu ekpeti na rhe evun rẹ ọgarivi na ọ da vwẹ oga na vwọ tan, ọ da vwọ ghare ekpeti rẹ iseri na; kirobo rẹ Ọrovwohwo ta kẹ Mosis.

Ẹyano 40:3

Wo mi mu ekpeti rẹ iseri na phihọ evun rọye wọ me vwẹ oga vwọ tan.

Hibru 9:8

Vwẹ oma rẹ ọnana Erhi Ọfuanfon na ko dje phia nẹ idjerhe ra wan kpo obo eshẹ na ji rhie phihọ-ọ fikiridie ubruwevwi rẹ otafe na ji gbere ughwru

1 Ivie 8:6

Etiyin irherẹn na de mu ekpeti rẹ ọphọ rẹ Ọrovwohwo na kpo asan rọye, vwẹ obo ẹtan rẹ ẹshẹ rẹ uwevwi na, vwẹ asan rọ ma fon na, vwẹ obotọ rẹ ibekpe ri shẹrobim na.

Hibru 6:19

Kọye hẹ ọtan rẹ avwanre churu erhi rẹ avwanre mu ro vwo je bo, iphiẹrohọ rọ sa ro obo ẹtan rẹ ẹshẹ na rọ hẹ obuko rẹ oga na,

Aizaya 25:7

Kọ cha guọghọ vwẹ enu rẹ ugbenu nana ukpo re vwo rhurhu ihwo nana, ogan ra riẹn rhurhu irere nana.

2 Ikun rẹ Ivie 3:14

O de ko amwa rẹ opharo rẹ ọgiọgio vẹ orhnrhu vẹ isene kugbe omamọ rẹ esada, e de rhuo chẹrobim phihọ enu rọye.

Ukeri 4:5

Ọke rẹ erhọn na de che mu oyan, Erọn vẹ emeshare rọye ke ra ro evun rọye ra ghwiẹ oga ra vwọ gharọ na, ayen mi vwo rhurhu ekpeti rẹ iseri na.

1 Ivie 6:16

Ọ da vwẹ ephapha rẹ igedu bọn obuko rẹ uwevwi na rọ rho te kubit uje nẹ otọ re te igo rọye, ọ da bọn phihọ obo etan rẹ ẹshẹ rọ vwọ dia asan rọ ma fon.

Izikiẹl 41:4

Ọ da vwanvwe ugrogro rẹ ubruwevwi na, kubit uje, ohẹhẹre rọye, kubit uje, vwẹ abọ oboyi rẹ utuwevwi na. Ọ da ta kẹ vwẹ, Ọnana hẹ asan rọ ma fon.

Hibru 9:7

ẹkẹvuọvo ubruwevwi rivẹ na orherẹn rode na ọvo kọye re ruọ, ẹsiẹvo egbukpe, ọ me ra reyọ ọbara kọye ọ vwọ gọ iye kẹ oma rọye kugbe oruchọ rẹ ihwo na ejobi.