Hibru 7:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Uvwiẹ ri Livae ra vwẹ ẹdia rẹ orherẹn kẹ na a je vwẹ ogangan kẹ ayen vwẹ urhi na nẹ ayen toro ẹkẹn-ihwe mie ihwo na, kọye hẹ imoni rayen, dede enana je vwẹ uvwiẹ rẹ Ebraham ọvuọvo na.

Hibru 7:5 Referans Kwoze

Hibru 7:10

kidie vwẹ ọke yena yọ je hẹ evun rẹ ọsẹ rọye rode vwẹ ọke ri Mẹlkizẹdẹk vwọ vwa.

Nehemaya 13:10

Me da rhoma mrẹ nẹ ẹkẹn emuọre rẹ ihwo ri Livae na ne a je vwọ kẹ aye-en, ọtiọye na ihwo ri Livae kugbe ibuine na, ri ru iruo na, dje kpo dohwo dudju rọye.

1 Ivie 8:19

ẹkẹvuọvo wọ cha bọn uwevwi na-a, ọmọ wẹn ru wo chie vwiẹ ọye cha bọn uwevwi kẹ odẹ mẹ.

Ukeri 18:7

Te owẹ te ẹmo wẹn vẹ owẹ ki gbe ru iruo rẹ orherẹn na vwọ kpahe iruo rẹ agbada na ejobi kugbe obo re evun rẹ asan ra vwẹ amwa tan na, ku wọ cha ga ẹga. Me vwẹ iruo rẹ orherẹn na ru ẹse kẹ wẹ, ohwo ọfa ro rhi si kẹrẹ owẹ ejobi ka teyọ hwe.

Hibru 5:4

Ọnana rha de dia ọghọ rẹ ohwo di muẹ kẹ omobọ rọye-e, ẹkẹvuọvo Ọghẹnẹ sere, kirobo ro se Erọn.

Ẹyano 28:1

Wọ me reyọ Erọn rẹ oniọvo wẹn, vẹ emọ rọye, nẹ ohri rẹ ihwo rẹ Izrẹl na, vwo te oma, rere ayen ga vwẹ kerẹ irherẹn. Erọn vẹ emọ rọye, Nadab vẹ Abihu, Eleaza vẹ Itama.

Jẹnẹsis 46:26

Ihwo ejobi ri Jekọp vwori re rhe otọ rẹ Ijipt, re dia emọ rẹ orhẹn rọye, e kere eya rẹ emọ ri Jekọp kugbe-e, ayen ejobi da dia ujorha gbẹ esan;

Ẹyano 1:5

Emọ rẹ nẹ oma rẹ Jekọp rhe na ejobi da dia ujorha gbẹ ihwe; yẹ Josẹf hẹ Ijipiti ire.

Jẹnẹsis 35:11

Ọghẹnẹ da ta kẹ, Mẹvwẹ Ọghẹnẹ ro vwo Ẹgba, gbe vwiẹ rere wo bu; ẹgborho buebu kugbe ẹgborho buebu ki nẹ agada wẹn rhe, ivie ki nẹ oma wẹn rhe.

Urhi Rivẹ 26:12

Ọke ru wọ da hwa osa rẹ ẹkẹnhwe wẹn rẹ obo wo vuru ejobi nu vwẹ ukpe rerha, kọye ukpe rẹ ẹkenhwe, ra da vwọ kẹ ohwo rẹ Livae, ọrhora na, ọmọphrorivwi na kugbe ayeuku, rere ayen re vwẹ evun rẹ irho rẹ ovwan re evun vọn ayen.