Hibru 7:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Kidie Mẹlkizẹdẹk nana, ovie ri Salẹm, orherẹn rẹ Ọghẹnẹ ro me kpenu, ọye re vwa Ebraham ro vwo nẹ ofovwi rẹ ihwehwe rẹ ivie cha ọ da nẹ ẹrhovwo kẹ;

Hibru 7:1 Referans Kwoze

Hibru 6:20

asan ri Jesu vwi fiki rẹ avwanre ka obaro ra na, rọ rhe vwọ dia orherẹn rode na bẹdẹ vwẹ urhi ri Mẹlkizẹdẹk.

Maika 6:6

Ki didi emu me ghwa bru Ọrovwohwo rhe, re mi rhi diguẹ vwẹ obaro rẹ Ọghẹnẹ rọ he obenu? Ke izobo rẹ ẹtorhẹ me ghwa bro rhe, vẹ upene rẹ erhuẹn rẹ ẹgbukpe?

Une rẹ Ejiro 57:2

Mi kperi se Ọghẹnẹ ro me Kpenu, kẹ Ọghẹnẹ ro ru ẹguọnọ rọye gba kẹ vwẹ.

Iyẹnrẹ Esiri ri Mak 5:7

ro vwo kperi urhuru gangan, ọ da ta, Die wọ vwẹ ovwẹ ru Jesu, Ọmọ rẹ Ọghẹnẹ ro me Kpenu? Me vwẹ Ọghẹnẹ rẹ wẹ, wọ lagha ovwẹ-ẹ.

Daniẹl 5:18

E ovie, Ọghẹnẹ ro Me Kpenu ejobi vwẹ adia rẹ ovie, ọrho te urinrin vẹ ọghọ kẹ Nebukadneza ọsẹ wẹn.

Une rẹ Ejiro 78:35

Ayen da karohọ nẹ Ọghẹnẹ oragha rayen, nẹ Ọ ro Me Kpenu ọye ọtan rayen.

Une rẹ Ejiro 76:2

A bọn ẹdia rọye phihọ salẹm, asan rọ dia ki Zayọn.

Iruo rẹ Iyinkọn na 16:17

Ọ da vwọ kpahe Pọl kugbe avwanre, ko kperẹ nẹ, Eshare nana hẹ idibo rẹ Ọghẹnẹ ro Me kpenu na, ri ghwoghwo idjerhe rẹ arhọ na kẹ ovwan.

Daniẹl 5:21

a da djẹ nẹ ohri rẹ ihwo, e de rhe hirhe iroro rọye phihọ ọ rẹ eranvwe, ọ vẹ ekẹtekẹtẹ rẹ aghwa kọye gba dia; kọ ria odi kerẹ erhuẹn, oma rọye da rha kpọrhọ vẹ irho ro nẹ obo odjuvwu cha, bẹsiẹ rọ vwọ riẹn nẹ Ọghẹnẹ ro Me Kpenu ejobi ọye ri suẹn uvie rẹ ihwo. Ọ ro were ọye ọ vwọ ka enu.

Daniẹl 4:2

Me mrẹ re nẹ oyovwi kẹ vwẹ mi vwo dje eka vẹ igbunu rẹ Ọghẹnẹ ro me kpenu ejobi ru kẹ vwẹ

Une rẹ Ejiro 78:56

Dede na ayen davwerọ ayen de mu kpahe Ọ rọ Me Kpenu Ọghẹnẹ, ayen gbe vwẹ ẹro te iseri rọye-e,

Hibru 7:2

kẹ ọye Ebraham ghare ẹkẹn-ihwe rẹ ekuakua rọ ghwẹ mie ayen kẹ. Otọ rẹ odẹ rọye na kirobo re ke se vwẹ ẹsosuọ nẹ, ovie rẹ ọvwata, ra ke rhoma se nẹ, ovie ri Salẹm, kọye hẹ ovie rẹ ufuoma.

Hibru 7:3

O vwo ọsẹ eyẹ oni eyẹ orua-a, o vwo ẹtuọhọ eyẹ oba vwẹ akpọ-ọ, ẹkẹvuọvo ọ họhọ Ọmọ rẹ Ọghẹnẹ orherẹn rhiri bẹdẹ.

Hibru 7:6

Ẹkẹvuọvo ohwo nana rọ wan fi uvwiẹ raye-en dede na toro ẹkẹn-ihwe mie Ebraham o da nẹ ẹrhovwo kẹ ohwo re ve ive na kẹ.