Hibru 6:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² vẹ uyono kpahe ẹhọ, abọ ẹghwẹ kpahe uyovwi, evrenushi rẹ otu ri ghwuru, kugbe ẹdjọeguo ri bẹdẹ.

Hibru 6:2 Referans Kwoze

Iruo rẹ Iyinkọn na 6:6

Ayen da vwẹ ihwo na rhe obaro rẹ iyinkọn na, ayen da nẹ ẹrhovwo ghwẹ abọ rayen kpahe ihwo na.

Iruo rẹ Iyinkọn na 24:25

Rọ vwọ phra kpahe ọsoso kugbe oma-ẹnyẹ kugbe ẹdjọeguo rọ cha, Fẹliks de guegue ọ da ta, Yanran tavwe; me da mrẹ uphẹn mi che se we.

Iruo rẹ Iyinkọn na 23:6

Ẹkẹvuọvo ri Pọl vwọ mrẹ vughe nẹ abọvo Sadiusi abọ rivẹ ki Farisi, o de kperi vwẹ evun rẹ ẹguare na, Imoni, mẹvwẹ Farisi, ọmọ ri Farisi, fiki ri phiẹrohọ re vrẹnushi rẹ irivwi ọye a vwọ vwẹ ovwẹ guẹdjọ na.

Iruo rẹ Iyinkọn na 17:18

Evo vwẹ otu rẹ Epikuirian kugbe otu ri Stọik egbaghwanre da vwa. Evo da ta, Die ọbrẹbrẹ na tobọ ta? Efa herọ tanẹ, Ọ họhọ ohwo ro ghwoghwo ẹdjọ rẹ isiorho fikiridie o ghwoghwo Jesu kugbe ohwo ro vrẹnushi.

Iruo rẹ Iyinkọn na 16:33

Ọ da reyọ ayen vwẹ evun rẹ ason ọvuọvo na ọ da hworhẹ era re hẹ oma rayen, ọ da ghwa reyọ ame siẹvnọvo na, ọ vẹ ekru rọye ejobi.

Iruo rẹ Iyinkọn na 16:15

Ọke ra vwọ vwẹ ame kẹ kugbe evwrumwevwi rọye nu, ọ da rẹ avwanre nẹ, ọ da dianẹ ovwan reyọ ovwẹ phihọ ohwo ro se Ọrovwohwo gbuyota, ovwan gba rhe dia uwevwi mẹ o de sivwi avwanre rẹyo. Ota roye da ro avwanre.

Iruo rẹ Iyinkọn na 10:47

Kẹ ohwo sa dje ihwo nana re reyọ Erhi Ọfuanfon na kirobo re avwanre je reyọ nure na ri de jẹ ame ẹ reyọ?

Iruo rẹ Iyinkọn na 2:41

Ọtiọye na a da vwẹ ame kẹ ihwo re reyọ ota rọye na, ayen otu re keri kugbe ukoko na vwẹ ẹdẹ yena na da dia ihwo uriori erha.

Iruo rẹ Iyinkọn na 2:38

Pita da ta kẹ ayen nẹ, Kurhẹriẹ rere ovwan ohwo ọvuọvo reyọ ame vwẹ odẹ ri Jesu Kristi fiki rẹ evwoghovwo rẹ imwemwu rẹ ovwan; ovwan ke cha mrẹ okẹ rẹ Erhi Ọfuanfon na reyọ.

Iyẹnrẹ Esiri ri Jọn 1:33

Ekpuyovwi mẹ riẹnrẹ jovwo-o; ẹkẹvuọvo ọ ro ji vwe nẹ me rhe vwẹ ame kẹ ihwo na re ta kẹ vwẹ, nẹ ọ ru wọ mrẹ Erhi na ro wotọ rhe ro de she muo, ọnana hẹ ọ rọ vwẹ Erhi Ọfuanfon na vwọ kẹ ihwo.

Iyẹnrẹ Esiri ri Mak 16:16

Ohwo ro seregbuyota ọ da reyọ ame ọ cha rhọ; ẹkẹvuọvo ọ ro seregbuyota-a cha reabe.

Matiu 28:19

Ovwan gba yanran re we re yono ihwo rẹ akpọ na ejobi, wa vwẹ ame kẹ ayen vwẹ odẹ rẹ Ọsẹ vẹ ọ rẹ Ọmọ kugbe Erhi Ọfuanfon.

Daniẹl 12:2

Ihwo buebu re vwerhẹre vwẹ evun ekpẹn rẹ otọ na ke cha rhọvwọ, evọ kpo arhọ ri bẹdẹ, evo kpo omẹvuọ vẹ ehwẹjẹ ri bẹdẹ.

Aghwoghwo 12:14

Kidie Ọghẹnẹ cha vwẹ uruemu kuruemu ejobi vwo guẹdjọ, emu kemu re ruru vwẹ odjahọ, oyovwiri eyẹ o miovwiri.

2 Pita 3:7

Vwẹ oma rẹ ota na ọvnọvo ọye a vwọ vwẹ odjuvwu vẹ akpọ rọ herọ vwẹ asakiephana vwọ kpahe enu kẹ erhanre, ra vwọ sẹro rọye hẹrhẹ ẹdẹ ẹdjọ kugbe ẹghwọrọ rẹ ihwo umwemwu.

Hibru 11:35

Emọ rẹ eya ri ghwuru a kpare ayen vrẹn. E gbe osọnọ kẹ evo re, e rhovwere nẹ esiobọ nẹ aye-en, rere ayen se vwo vrẹn kpo arhọ ri bẹdẹ.

Hibru 9:10

ẹkẹvuọvo kẹ irueru rẹ emuọre kugbe udi kugbe okoka rẹ ẹhọ ọvo, irhi re jiri fiki rẹ ugboma na bẹsiẹ ro vwo te ọke ra vwọ rhuẹrẹ phihọ.

2 Timoti 2:18

ri ghwru nẹ uyora na ri yono nẹ evrenushi na wan vrẹn nure. Ayen re miovwẹ esegbuyota rẹ otu evo.

Kolose 2:12

e di shi ovwan kugbe vwẹ evun rẹ ame-ereyọ, kọye a vwọ rhoma kpare ovwan vrẹn vwẹ esegbuyota, vwẹ oma rẹ Ọghẹnẹ rọ kpaerọ vrẹn nẹ ughwu na.

Filipae 3:21

ohwo ro che ku orharhe rẹ oma rẹ avwanre na rhẹriẹ hirhe phihọ oma rẹ urinrin rọye, vwẹ ogangan rọ nẹrhẹ ọ vwẹ emu na ejobi hwaotọ kẹ oma rọye.

1 Kọrẹnt 12:13

Kidie a vwẹ ame kẹ avwanre vwẹ oma rẹ Erhi ọvo phihọ ugboma ọvo na–ihwo ri Ju eyẹ ihwo ri Grik, ọviẹn eyẹ ọmuvwiẹ de ru ayen ejobi vwọ da vwẹ evun rẹ Erhi ọvuọvo na.

1 Kọrẹnt 10:2

a da vwẹ ame kẹ ayen ejobi nene urhi ri Mosis vwẹ evun rẹ egho kugbe evun rẹ abadi na,

Ọbe ri Pọl si rhe Ihwo ri Rom 2:16

Vwẹ ẹdẹ yena, kirobo rẹ iyẹnrẹ esiri mẹ epha, Ọghẹnẹ ko guẹdjọ rẹ odjahọ rẹ ihwo vwẹ oma ri Kristi Jesu.

Iruo rẹ Iyinkọn na 26:8

Die nẹrhẹ ovwan je segbuyota nẹ Ọghẹnẹ kpare irivwi vrẹn?

Iruo rẹ Iyinkọn na 24:21

jokpa rẹ emu nana ọvo na ri mi kperi phia ri mi vwo mudia vwẹ ohri rẹ ayen, Vwi fiki rẹ evrẹnushi rẹ irivwi ọye a vwọ vwẹ ovwẹ guẹdjọ kẹ wẹ nonẹ na.

Iruo rẹ Iyinkọn na 24:15

vẹ iphiẹrohọ kpahe Ọghẹnẹ rẹ ekpuyovwi rẹ ayen vwori, nẹ evrẹnushi herọ kẹ ihwo, te ihwo ọsoso te i ri jẹ ọsoso ẹdia.

Iruo rẹ Iyinkọn na 4:2

ophu de mu ayen fikiridie ihwo na ghwoghwo Jesu ro vrẹn nẹ ughwu na.

Iyẹnrẹ Esiri ri Jọn 5:29

Ke cha yan phia, otu ri ru ọ rẹ esiri, ki vrẹn kpo arhọ, otu ri ru umwemwu, ki vrẹn kpo ẹdjọeguo.

Iyẹnrẹ Esiri ri Luk 14:14

ke bruba kẹ wẹn, fikiridie ayen sa hwa osa kẹ wẹ-ẹ. A cha rhoma hwa osa kẹ wẹ vwẹ evrenushi rẹ evwata na.

Iyẹnrẹ Esiri ri Luk 12:50

Mi vwo ame mẹ vwọ kẹ ihwo; komavọ me nyẹ oma te bẹsiẹ ro vwo ru gba!

Iyẹnrẹ Esiri ri Luk 11:38

Ri Farisi na vwọ mrẹ o de gbe unu kidie ọ ka hworhẹ obọ tavwe rọ ke re emu-u.

Iyẹnrẹ Esiri ri Luk 3:16

Jọn da kpahe kẹ ayen ejobi Ame me vwọ kẹ ovwan; ẹkẹvuọvo ọ rọ rhonọ vwẹ cha, ifi rẹ isabato rọye mi fo ohwo rọ rha-an; ọye cha vwẹ ame vẹ Erhi Ọfuanfon kugbe erhanre họ ovwan.

Iyẹnrẹ Esiri ri Mak 7:8

Ovwan gbobọnyẹ urhi rẹ Ọghẹnẹ, wa yọnre uruemu rẹ ihwo gan.

Iyẹnrẹ Esiri ri Mak 7:4

ayen de nẹ eki rhe, kpẹsiẹ rẹ ayen họre-e, ayen ria emu-u; kugbe oghẹre rẹ emu etieye efa buebu rẹ ayen yọnre iko ẹhworhẹ, kugbe itaso, ẹrovwo kugbe imẹjẹ.

Matiu 3:14

Jọn da sen, ọ da ta kẹ nẹ, Me guọnọ nẹ wọ vwẹ ame kẹ vwẹ, komavọ wo rhe vwo bru uvwe cha?

2 Kọrẹnt 5:10

Kidie avwanre na ejobi che mudia vwẹ obaro rẹ ekete rẹ ẹdjọeguo ri Kristi, ọtiọye na ohwo ọvuọvo kọ cha reyọ osa rẹ iruo rọ vwẹ ugboma rọye ru, owenẹ oyovwi eyẹ omiovwi.

Iruo rẹ Iyinkọn na 13:3

Eriyin rẹ ayen vwo chiri owẹvwe rẹ ayen vwọ nẹ ẹrhovwo ayen da ghwẹ abọ rayen kpahe ayen, ayen de ji ayen yanran.

Aizaya 26:19

Irivwi wẹn ri ghwuru cha rhọ, ugboma rayen che vrẹn. E ihwo re dia iwurhie na, we vrẹn wa so ine wa ghọghọ! Kidie evwru wẹn ọye evwru rẹ urhukpẹ vwẹ otọ rẹ uhoho kọye ọ cha la mu.