Hibru 5:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọtiọye rhe Kristi ọvo vwẹ oma mu orherẹn rode-e, ẹkẹvuọvo ohwo rọ ta kẹ nẹ, Wẹ hẹ Ọmọ mẹ, nonẹ na mi vwiẹ wẹ

Hibru 5:5 Referans Kwoze

Une rẹ Ejiro 2:7

Mi gbe ikun rẹ urhi rẹ Ọrovwohwo, Ọ ta kẹ vwẹ nẹ, we ọmọ mẹ, nonẹ na mi vwiẹ wẹ.

Iyẹnrẹ Esiri ri Jọn 8:54

Jesu da kpahe, Me da vwẹ urinrin kẹ oma mẹ, yẹ urinrin mẹ kẹ odiodi; Ọsẹ mẹ re vwẹ urinrin kẹ ovwẹ, kọye ovwan tanẹ ọye hẹ Ọghẹnẹ rẹ ovwan na.

Hibru 1:5

Didi usun rẹ amakashe na a ta kẹ dẹvure, Wẹ hẹ Ọmọ mẹ, nonẹ na mi vwiẹ wẹ? Eyẹ je ta, ke me dia ọsẹ kẹ, kọ dia ọmọ kẹ vwẹ?

Iyẹnrẹ Esiri ri Jọn 7:18

Ọ rọ vwẹ ogangan robọ rọye ta ota yọ guọnọ urinrin robo rọye; ẹkẹvuọvo ọ rọ guọnọ urinrin rẹ ohwo ro jiro rhe yẹ ọye ohwo rẹ uyota, kaka efian rhere-e.

Iruo rẹ Iyinkọn na 13:33

kọna o rhi ru gba kẹ avwanre emọ rayen rọ vwọ kpare Jesu nẹ ughwu; kirobo re siro phihọ Une rẹ Ejiro rivẹ, Wọwẹ hẹ Ọmọ mẹ, nonẹ na mi vwiẹ wẹ.

Ọbe ri Pọl si rhe Ihwo ri Rom 8:3

Kidie obo rẹ urhi na se ru-u, rọ vwọ hẹ ọvwiẹrẹ fiki rẹ ugboma na, Ọghẹnẹ de ji Ọmọ rọye rhe vwẹ oma rẹ ohwo rẹ akpọ rọ vọnre vẹ umwemwu, o de vwo ze kẹ umwemwu, rere o vwo bruhwe umwemwu vwẹ ugboma,

Hibru 1:1

Vwẹ ọke rẹ awanre idjerhe buebu Ọghẹnẹ wan ta ota kẹ esẹ rẹ avwanre ride vwẹ unu rẹ emraro na;

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Iyẹnrẹ Esiri ri Jọn 3:16

Kidie ọtiọye Ọghẹnẹ guọnọ akpọ na ọ da vwẹ Ọmọ ọvuọvo rọye na kẹ, rere ohwo kohwo ro sere gbuyota vwo je ẹghwọrọ ẹkẹvuọvo ko vwo arhọ ri bẹdẹ.

Hibru 2:17

Fiki rẹ ọtiọye na kọye a vwọ ma họhọ imoni rọye vwẹ idjerhe kidjerhe, rere ọ vwọ sa dia orherẹn rode ro nẹ aruẹdọn ro vwo esegbuyota vwẹ evun rẹ ẹga rẹ Ọghẹnẹ, rọ vwọ go ese rẹ imwemwu nẹ ihwo oma.

Hibru 3:1

Fiki rẹ ọtiọye na, imoni re fonro, ri vwo obọ vwẹ use rẹ obo odjuvwu na, gbe roro Jesu, ọyinkọn kugbe orherẹn rode rẹ avwanre rhọvwere na.

Hibru 5:10

Ohwo rẹ Ọghẹnẹ seri orherẹn rode kerẹ urhi ri Mẹlkizẹdẹk.