Hibru 5:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ko ji ru dẹndẹn kẹ igbori kugbe otu ri ghwruru, fikiridie ovwiẹrẹ je gba riariẹ okpuyovwi rọye phihọ.

Hibru 5:2 Referans Kwoze

Hibru 4:15

Kidie avwanre vwo orherẹn rode ro jẹ ọdavwẹ rẹ avwanre eriẹẹn, ẹkẹvuọvo ọ rẹ avwanre vwori na je vwẹ ohwo ra davwini devure kerẹ ekpuyovwi rẹ avwanre, yo ru umwemwu-u.

Hibru 2:18

Kidie fiki robo rẹ okpuyovwi rọye vwọ reoja ra vwọ davwọ ni, kọ je sa dia ọchuko kẹ ayen otu ra davwere.

Hibru 7:28

Mrẹmrẹ, urhi na vwẹ ihwo ri fori-i vwo muẹ orherẹn rode, ẹkẹvuọvo ive rẹ Ọghẹnẹ rọ rhere vwẹ ukuko na, da vwẹ Ọmọ na vwo mu ọ re ru gba bẹdẹ.

Hibru 12:13

rere wa gbẹn idjerhe ọphiọnphiọn kẹ awọ rẹ ovwan, rere awo ri ghwuru vwo je sida ẹkẹvuọvo rere i vwo je sivwi.

Galesha 4:13

ovwan riẹnre nẹ oma rẹ ọga mi vwo ghwoghwo iyẹnrẹ esiri na kẹ ovwan vwẹ ẹsuosuọ,

2 Kọrẹnt 12:5

Vwẹ odẹ rẹ ohwo nana me vwọ yan eyan, ẹkẹvuọvo vwẹ odẹ mẹ me sa yan eya-an, jokpa rẹ ovwiẹre mẹ.

1 Timoti 1:13

dede na dẹvure jovwo me phọpherọ mi kpokpiro me da harhọ; ẹkẹvuọvo o de ni arodọvwẹ mẹ fikiridie ughẹghẹ vẹ ijesegbuyota mi vwo ruo,

2 Kọrẹnt 11:30

Ọ da dianẹ ke me yan eyan, ke me yan eyan rẹ obo ri dje ovwiẹre mẹ phia.

Iyẹnrẹ Esiri ri Luk 22:32

ẹkẹvuọvo me da nẹ ẹrhovwo kẹwẹ rere esegbuyota wẹn vwo je she; ẹkẹvuọvo wo de kurhẹriẹ nu, gbe phi udu vwọ hẹ imoni wẹn awọ.

Aizaya 30:11

ji idjerhe na vwo, gbobọnyẹ idjerhe na, wo gbi jẹn avwanre nyo ota rẹ Ọfuanfon Ọvuọvo rẹ Izrẹl na ọfa-a.

Ẹyano 32:8

Ayen rhẹriẹ nẹ idjerhe na phẹphẹre ọ rẹ me vuẹ ayen na; ayen duvwu ọmọ rẹ erhuẹn kẹ oma rẹ ayen, ayen garọ ayen de rhe ze izobo kẹ, ayen da ta, Enana edjọ wẹn, E Izrẹl, ọ rọ rọye owẹ nẹ otọ rẹ Ijipt rhe.

Iguẹdjọ 2:17

Dede na ayen kerhọ ri iguẹdjọ na-a; kidie ayen gbe igberadja nene edjọ efa ayen da vwẹ uyovwi te otọ kẹ ayen; siẹvuọvo na ayen de kudẹriẹ ni idjerhe rẹ esẹ rẹ ayen neneri, ihwo ri mu ọghọ kẹ irhi re Ọrovwohwo na, ayen gbi rhe ru ọtiọye-e.

Aizaya 29:24

Otu ri ghwruru vwẹ erhi ki che vwo eruọ, otu ri guẹ huhuhu ke cha rhọvwe uyono.

Ẹfesọs 4:18

Ayen vwo ẹruọ-ọ, ra phiẹ ghwru nẹ akpọ eyere rẹ Ọghẹnẹ fiki rẹ ugheghẹ rọ hẹ ayen oma, fiki rẹ udu ogangan rayen.

Hibru 2:17

Fiki rẹ ọtiọye na kọye a vwọ ma họhọ imoni rọye vwẹ idjerhe kidjerhe, rere ọ vwọ sa dia orherẹn rode ro nẹ aruẹdọn ro vwo esegbuyota vwẹ evun rẹ ẹga rẹ Ọghẹnẹ, rọ vwọ go ese rẹ imwemwu nẹ ihwo oma.

Hibru 9:7

ẹkẹvuọvo ubruwevwi rivẹ na orherẹn rode na ọvo kọye re ruọ, ẹsiẹvo egbukpe, ọ me ra reyọ ọbara kọye ọ vwọ gọ iye kẹ oma rọye kugbe oruchọ rẹ ihwo na ejobi.

Jems 5:19

Imoni mẹ, ọ da dianẹ ohwo ghwru nẹ idjerhe rẹ uyota na, rẹ ohwo ọvo de kuorhẹriẹ;

1 Pita 2:25

Kidie ovwan ghwrẹ jovwo kerẹ igegede, ẹkẹvuọvo asakiephana ovwan rhivwi bru Osuigegede kugbe Ọrhẹrotọ rẹ ẹnwẹn rẹ ovwan re.