Hibru 4:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Kidie ota rẹ Ọghẹnẹ na ọkpokpọ gbrọgbrọ sasasa, dandan kerẹ ọlọkọ rẹ ako ivẹ, rọ nyavwe udu vẹ erhi rhie phihọ, rọ hẹriẹ ẹrho vẹ otu, o krẹ ro ki vughe iroro vẹ omeru rọ hẹ evun rẹ udu-u.

Hibru 4:12 Referans Kwoze

Jerimaya 23:29

Ọ dianẹ ota mẹ họhọ erhanre, eriyin Ọrovwohwo tare, ọ je họhọ ubrogba rọ guọghọ oragha ivwivwuvwu na?

Aizaya 55:11

ọtiọye ota Mẹ ro ne unu Mẹ rhe; che se fiabọ-ọ, ẹkẹvuọvo o ru obo ri mi jiro gba, obo mi jiro no ru ko yovwi.

Ẹfesọs 6:17

Gba vwẹ ubierhu rẹ esivwo na tughẹ, kugbe ọlọkọ rẹ Erhi na, kọye hẹ ota rẹ Ọghẹnẹ na.

Une rẹ Ejiro 119:130

Ota wẹn ro rhie phihọ na kẹ orẹmrẹ, ọ vwẹ ẹruọ vwọ kẹ ọvwugheghẹ.

1 Pita 1:23

A rhoma vwiẹ ovwan ọkpokpọ, ọ dianẹ kẹ ọ rẹ omamọ rọ ghwọrọ-ọ ẹkẹvuọvo ọ ro jẹ ghwọrọ, vwẹ oma rẹ ota rẹ Ọghẹnẹ rẹ arhọ na rọ dia bẹdẹ na.

Aizaya 49:2

O de ru unu Mẹ dandan kerẹ ọlọkọ, vwẹ evun rẹ uhoho re obọ rọye o de si vwe nu, o de ru vwe kerẹ ubigẹ ra phọnre, vwẹ evun rẹ ako rọye o de si vwe nu.

Ẹvwọphia 1:16

Ọ da yọnre isio ighwrẹ vwẹ obọrhe, ọgbọdọ ọvo rọ dan prẹprẹ de yoro nẹ unu rọye rhe, opharo rọye kọ ruaro gala gala kerẹ ọnre.

1 Tẹsalonaika 2:13

Avwanre ke kpẹvwẹ Ọghẹnẹ kọke kọke fiki rẹ ọnana, nẹ ọke rẹ ovwan vwọ reyọ ota rẹ Ọghẹnẹ na ru we nyo miẹ avwanre na, ovwan reyerọ kerẹ ota rẹ ohwo rẹ akpọ-ọ ẹkẹvuọvo ovwan da reyọ kirobo rọ epha dẹn, ota rẹ Ọghẹnẹ, ro ruẹ iruo vwẹ oma rẹ ovwan otu ri sere gbuyota.

Jerimaya 17:10

Mẹvwẹ Ọrovwohwo na re hiẹ iroro, me je davwẹ udu nẹ, rọ kẹ ohwo kohwo kirobo rẹ uruemu rọye epha, kirobo rẹ emamọ rọye epha.

Ọbe ri Pọl si rhe Ihwo ri Rom 1:16

Kidie oma rẹ iyẹnrẹ esiri na sa vo ovwẹ-ẹ: kidie ọye hẹ ogangan rẹ Ọghẹnẹ ro ruẹ iruo rẹ esivwo kẹ ohwo kohwo ro segbuyota ejobi, ẹsosuọ vwọ kẹ ihwo ri Ju tavwe ro ki te ihwo ri Grik.

Une rẹ Ejiro 149:6

Jẹn ejiro ro kpenu kẹ Ọghẹnẹ dia upho rayen jẹ ọlọkọ rẹ ako ivẹ dia abọ rayen.

Ẹvwọphia 19:15

Ọlọkọ rọ dan prẹprẹ de yoro nẹ unu rọye rhe kọye ọ vwọ nyavwe ẹgborho na hwe, kọ vwẹ ọkpọ rẹ utehru sun ayen; ko che chiyi okọ rẹ imiemi rẹ ophu rẹ Ọghẹnẹ Ọrovwoẹgba.

Ẹfesọs 5:13

ẹkẹvuọvo ọke rẹ urhukpe de tue emu phiare ka nabọ mrẹ fiotọ, kidie kemu kemu ra mrẹ fiotọ nure hẹ urhukpẹ.

Iyẹnrẹ Esiri ri Luk 8:11

Asakiephana otọ rẹ itẹ na kẹ ọna, Ekankọn na ọyẹn ota rẹ Ọghẹnẹ.

Une rẹ Ejiro 139:2

Wọwẹ re riẹn ọke mi vwo tidia kugbe ọkẹ mi vwo vrẹn; wọwẹ ri vughe iroro mẹ vwẹ ogboko.

Iyẹnrẹ Esiri ri Jọn 6:51

Mẹvwẹ hẹ Ikara ro je ghwo na ro nẹ obo odjuvwu rhe na; ohwo da re ikara nana nu, kọ rhọ bẹdẹ; ikara na re me cha kẹ fiki rẹ arhọ rẹ akpọ na ọye hẹ uvwo rẹ oma mẹ.

Aizaya 11:4

ẹkẹvuọvo ọvwata o vwo guẹdjọ rẹ ivwiogbere, o Me vwẹ ẹghwanre brorhiẹ rẹ ihwo dẹndẹn rẹ akpọ na, kọ cha vwẹ ọkpọ rẹ unu rọye ghwie akpọ na, ẹnwẹn rẹ unu rọye ọ vwọ hwẹ iruimwemwu

Une rẹ Ejiro 45:3

Churu ọlọkọ wẹn mu ẹkpoghowọ, E ọgba na, vwẹ urinrin wẹn vẹ ọrho wẹn!

Ẹvwọphia 19:21

A da vwẹ ọlọkọ rẹ ohwo ro tidia enu rẹ esi na, ọlọkọ ro yoro nẹ unu rọye rhe na nyavwe ayen hwe; emephran na ejobi da rhe re evun vọn kuku.

Ẹvwọphia 2:16

Gbe kurhẹriẹ. Ọ dia eriyi-in, mi che bru ovwan rhe nanana ke me cha vwẹ ọlọkọ rẹ unu mẹ vwọ họnre ayen.

Hibru 13:7

Karohọ isun rẹ ovwan, ayen otu re ta ota rẹ Ọghẹnẹ kẹ ovwan; roro akpọ eyere rayen, re wa vwẹ ẹro kere esegbuyota rayen.

Iruo rẹ Iyinkọn na 4:31

Ọke rẹ ayen vwọ nẹ ẹrhovwo nu, asan rẹ ayen de koko na de mu kpogho; Erhi Ọfuanfon na da ro ayen ejobi oma ayen de ghwoghwo ota rẹ Ọghẹnẹ na vẹ aroeyivwo.

Iruo rẹ Iyinkọn na 2:37

Ọke rẹ ayen vwo nyo onana udu de bru ayen, ayen da ta kẹ Pita vẹ iyinkọn ri chekọ na nẹ, Imoni, Kidie avwanre che ru?

Ẹvwọphia 2:23

Emọ rẹ ayen vwẹ ọfanrhiẹ vwiẹ na ki ghwu re. Ishọshi na ejobi ke riẹn nẹ mẹvwẹ re hiẹ iroro kugbe udu, ke me hwa osa kẹ ovwan ọvuọvo kirobo rẹ iruo rẹ ovwan teri.

Ẹvwọphia 20:4

Etiyin me da mrẹ ekete buebu, ayen de tidia ekete na, kẹ etiyin ayen otu ra vwẹ ẹdjọeguo kẹ na de guẹ. Me da mrẹ irhi rẹ ihwo buebu re bru ohọre fiki rẹ iseri rayen kpahe Jesu kugbe ota rẹ Ọghẹnẹ, kugbe ihwo ri jẹ eranvwe na kugbe oma rọye ẹga, re ka oka rọye phihọ arhare-e eyẹ obọ raye-en. Ayen da va rhe, ayen vi Kristi da re ikpe uriori.

1 Tẹsalonaika 5:23

E jẹ Ọghẹnẹ rẹ ufuoma vẹ ekpuyovwi rọye hworhẹ ovwan fon tototo; e jọ sẹro rẹ erhi vẹ ẹnwẹn kugbe oma rẹ ovwan ejobi rere o vwo jẹ abe evwo vwẹ ẹdẹ rẹ ẹcha rẹ Ọrovwavwanre Jesu Kristi.

2 Kọrẹnt 4:2

Avwanre gba sen emu rẹ omaẹvuọ, rẹ idjerhe ri kini kini, avwanre gbi hworo aghwanre-e eyẹ vwẹ ota rẹ Ọghẹnẹ jọdẹ-ẹ, ẹkẹvuọvo vwẹ uyota na rẹ avwanre ta phia gbonozẹ na kọye avwanre vwọ vwẹ oma rẹ avwanre vwọ phia kẹ udu ri kohwo kohwo vwẹ obaro rẹ Ọghẹnẹ.

Isẹ 5:4

ẹkẹvuọvo oboba rọye o muenu kere akoro, dandan kere ọlọkọ rẹ ako ivẹ.

Jems 1:18

Ọhọre obọ rọye o vwọ reyọ avwanre ru emọ vwẹ oma rẹ ota rẹ uyota na, o de ru avwanre rere, avwanre vwọ dia oka rẹ emamọ rẹsosuọ rẹ ihwo rọ ka ma.

Aghwoghwo 12:11

Eta rẹ ọvwaghwanre họhọ eto, kerẹ ibibẹn re hwemu eyẹ eta ra toro koko na epha rẹ Osuigegede ọvo na yonori.

2 Kọrẹnt 2:17

Kidie avwanre rha họhọ ihwo buebu, re shẹ ota rẹ Ọghẹnẹ-ẹ; ẹkẹvuọvo kerẹ ihwo rẹ uyota, rẹ Ọghẹnẹ ji uwevwi, vwẹ obaro rẹ Ọghẹnẹ evun ri Kristi avwanre da ta ota na.

Une rẹ Ejiro 110:2

Ọrovwohwo ji ọkpọ rẹ ẹgba wẹn nẹ Zayọn rhe.

1 Kọrẹnt 1:24

ẹkẹvuọvo kẹ otu re seri, ihwo ri Ju kugbe ihwo ri Grik, Kristi hẹ ogangan rẹ Ọghẹnẹ kugbe aghwanre rẹ Ọghẹnẹ.

Iruo rẹ Iyinkọn na 5:33

Ọke rẹ ayen vwo nyo ọnana ophu de mu ayen gangan ayen da guọnọ ayen hwe.

Iyẹnrẹ Esiri ri Jọn 12:48

Ọ rọ sen vwẹ rọ reyọ eta mẹ-ẹ o vwo oguẹdjọ ọvo; ota na re me tare na ọye cha dia oguẹdjọ rọye vwẹ ẹdẹ rẹ obo oba na.

Iruo rẹ Iyinkọn na 7:38

Ọnana hẹ ohwo rọ hẹ evun rẹ ukoko na vwẹ evun rẹ aghwa na vẹ amakashe rọ ta ota kẹ vwẹ ugbenu ri Sinae, o vẹ esẹ rẹ avwanre; a da vwẹ ovuẹ ọkpokpọ kẹ nẹ ọ vwọ kẹ avwanre.

Ẹfesọs 5:26

rere o vwo ruo fon, rere ọ vwẹ ame rẹ ota rọye hworhẹ fon,

Hibru 6:5

Re davwẹ avwerhe rẹ erhuvwu rẹ ota rẹ Ọghẹnẹ kugbe ogangan rẹ oge rọ cha na.

Iguẹdjọ 3:16

Ehud de duvwu agbogu ọvo, ro gro te uwurho rẹ obọ kẹ oma rọye, ọ da gba mu ekpoghowọ rẹ obọrhe o de ku ewun rhurho.