Hibru 3:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ ẹkẹvuọvo Kristi kẹ ohwo rẹ uyota rọ hẹ rẹ uwevwi rẹ Ọghẹnẹ kerẹ ọmọ. Avwanre hẹ uwevwi rọye ọ da dianẹ avwanre yọnre ẹro ẹvwọsuọ kugbe eyan rẹ iphiẹrohọ rẹ avwanre gan.

Hibru 3:6 Referans Kwoze

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

1 Kọrẹnt 3:16

Ovwan rha riẹn nẹ ovwan hẹ uwevwi rẹ Ọghẹnẹ nẹ Erhi rẹ Ọghẹnẹ dia evun rẹ ovwan?

1 Pita 2:5

Ekpuyovwi rẹ ovwan ke họhọ eragha ri jeghwo ra vwọ họn uwevwi rẹ erhi, uvwie rẹ irherẹn fuanfon, re gọ iye rẹ erhi rẹ Ọghẹnẹ miere vwẹ oma ri Jesu Kristi.

Hibru 10:35

Vwẹ eriyin na we rhe ku aroeyivwo rẹ ovwan kuẹfia-a, ro vwo osa rhuarho.

Hibru 6:11

Avwanre ji phiẹrohọ nẹ ovwan ji phi obọ phihọ uruemu esiri na vẹ ẹroẹvwọsuọ rhiri rhi te oba.

1 Kọrẹnt 6:19

Ovwan rha riẹn nẹ oma rẹ ovwan hẹ uwevwi rẹ Erhi Ọfuanfon na rọ hẹ evun rẹ ovwan, rẹ ovwan vwo nẹ obọ rẹ Ọghẹnẹ rhe? Wo vwo oma wẹ-ẹn;

Hibru 10:23

E gbe jẹn yọnre esegbuyota rẹ iphiẹrohọ rẹ avwanre na gan e phieghe-e, kidie ohwo ro ve ive kẹ avwanre na ohwo rẹ uyota;

Hibru 4:11

E gbe jẹn avwanre pharhe ra ro omaerovwo yena, rere ohwo ọvuọvo vwo je she kerẹ ihwo ri jẹ ọghọ evwo na.

Hibru 3:14

Kidie avwanre ji vwo ẹkẹn vwẹ evun ri Kristi, ọ da dianẹ avwanre yọnre ẹroẹvwọsuọ rẹ avwanre rẹsosuọ na rhi te oba.

Ẹvwọphia 3:11

Me cha phẹrẹkpẹ; yọnre esegbuyota ro te we obọ nure na ga, rere ohwo ọfa vwo jẹ erhu wẹn na ẹgborho reyọ.

Hibru 4:14

Rẹ avwanre vwo vwo orherẹn rode na ro yeri vrẹn idjuvwu na, Jesu rẹ Ọmọ rẹ Ọghẹnẹ na, e gbe jẹn avwanre yọnre esegbuyota rẹ avwanre gan.

Hibru 1:2

vwẹ asakiephana unu rẹ Ọmọ rọye kọye ọ wan ta ota kẹ avwanre, ọye o ve phihọ nẹ ọ reuku ri kemu kemu ejobi re hẹ akpọ na; oma rọye ọ wan mama akpọ na.

1 Timoti 3:15

o da dianẹ emu da vwẹ ji, re wọ vwọ sa riẹn obo wo ru vwẹ evwruwevwi rẹ Ọghẹnẹ, kọye hẹ ishọshi rẹ Ọghẹnẹ ri bẹdẹ na, osunsun kugbe egbe rẹ uyota na.

Kolose 1:23

Ọ da dianẹ ovwan yọnrọn esegbuyota rẹ ovwan na gan, rẹ ovwan de mudia kokoroko, rẹ odju rhe dju ovwan she nẹ ota rẹ iyẹnrẹ esiri na rẹ ovwan nyori na re ghwoghwo kẹ akpọ na ejobi re na fiki rẹ oye a vwo reyọ Pọl mu ọyinkọn na.

Matiu 10:22

Ihwo ke cha jẹ ovwan eghrẹ fiki mẹ; ẹkẹvuọvo ọ ro se chirako ri te oba, kọye re cha rhọ

1 Tẹsalonaika 5:16

Ghọghọ kọke kọke.

Ọbe ri Pọl si rhe Ihwo ri Rom 15:13

Gbe jẹn Ọghẹnẹ rẹ iphiẹrohọ vọn udu rẹ ovwan vẹ aghọghọ kugbe ufuoma rẹ esegbuyota, rere vwẹ ogangan rẹ Erhi Ọfuanfon na ovwan vwo se bu phihọ vwẹ iphiẹrohọ.

Matiu 24:13

Ẹkẹvuọvo ihwo ri se chirako te oba, kẹ eye re cha rhọ.

Ẹvwọphia 2:25

umuche ro te ovwan obọ na, wa yọnrọn bẹsiẹ me vwọ rhe.

Ẹvwọphia 2:18

Kẹ enẹ o si rhe amakashe rẹ ishọshi ri Taetira; Eta rẹ Ọmọ rẹ Ọghẹnẹ, ro vwo ẹro rọ họhọ ẹkuerhanre, rẹ awọ rọye họhọ ẹrovwo ra fare.

2 Tẹsalonaika 2:16

Asakiephana gbe jẹ ekpuyovwi rẹ Ọrovwavwanre Jesu Kristi, kugbe Ọghẹnẹ Ọsẹ rẹ avwanre, rọ guọnọ avwanre rọ da kẹ avwanre ufuoma ri bẹdẹ kugbe omamọ rẹ iphiẹrohọ rẹ ẹserọphẹ,

Ọbe ri Pọl si rhe Ihwo ri Rom 5:2

Oma rọye avwanre wan vwo ẹserọphẹ rẹ avwanre mudia phihọ na, avwanre ke ghọghọ vwẹ iphiẹrohọ nẹ avwanre vwo ẹkẹn vwẹ urinrin rẹ Ọghẹnẹ na.

Une rẹ Ejiro 2:12

rhe fiọnfiọn awọ rọye, ọ dia eriyin ophu de muo, wọ da ghwọrọ vwẹ idjerhe na, kidie ophu rọye cha tua. Ebruba kẹ ohwo rọ dje si oma nu vwẹ evun rọye.

1 Pita 1:8

Ovwan je mrẹ dẹvo-o yẹ ovwan guọnerọ; dede nẹ ovwan je mrẹ dẹvo-o na yẹ ovwan sere gbuyota, ovwan da ghọghọ vẹ omavwerhe rẹ unu se gbe-e.

Galesha 6:9

E jẹn oma rẹ iruo esiri rhọ avwanre-e, kidie vwẹ ọmọke wobọ avwanre che vun, ọ da dianẹ. uvwerhi gbe ro avwanre-e.

Ọbe ri Pọl si rhe Ihwo ri Rom 11:22

Gbe ni arodọvwẹ vẹ aroesio rẹ Ọghẹnẹ; aroesio kẹ otu ri sheri, ẹkẹvuọvo arodọvwẹ rẹ Ọghẹnẹ dia ke owẹ, wo de nene arodọvwẹ rọye; ọ rha dia eriyi-in ka je nyavwe owẹ kufia.

Matiu 16:18

Me ta kẹ wẹ nẹ, wọwẹ hẹ Pita, enu rẹ oragha nana me bọn ishọshi mẹ phihọ; ukpokpoma ọvuọvo se gere she-e.

Ọbe ri Pọl si rhe Ihwo ri Rom 12:12

Ghọghọ vwẹ evun rẹ iphiẹrohọ wẹn, chirako vwẹ ukpokpoghọ, wo gbe ẹdẹ rẹ ẹrhovwo-o.

Galesha 6:10

Vwẹ ọtiọye na rẹ avwanre mrẹ obọ na, e jẹn avwanre ru emu esiri kẹ ihwo ejobi, marho, kẹ ayen otu re hẹ evwruwevwi rẹ esegbuyota na.

Ẹfesọs 3:12

Oma rọye avwanre wan vwo aroeyivwo kugbe udu vwo sikẹrẹ fiki rẹ esegbuyota rẹ avwanre vwo kpahọ.

Hibru 4:16

E gbe jẹ avwanre sikẹre ekete rẹ ẹserọphe na vẹ ẹroẹvwọsuọ, rere avwanre mrẹ arodọvwẹ reyọ kugbe ẹserọphẹ rọ cha avwanre uko vwẹ ọke rẹ ọbẹnvwẹ.

Hibru 6:18

rere vwi fiki rẹ emu nana ivẹ re sa rhẹriẹ-ẹ na, kidie ọ pha bẹnbẹn kẹ Ọghẹnẹ rọ vwọ vwọrọn ofian, kẹ arueyivwo yena avwanre vwọ djẹ sioma nu vwẹ iphiẹrohọ rọ vwọ kẹ avwanre na.

Hibru 7:19

(kidie urhi na se ruẹ emuọvo gba-a); vwẹ obọ rivẹ, ọ vwẹ omamọ rẹ iphiẹrohọ rhe, oma rọye avwanre wan sikẹre Ọghẹnẹ.

Hibru 10:19

Vwẹ ọtiọye na, imoni, fiki rẹ obo rẹ ọbara ri Jesu vwọ kẹ avawnre arueyivwo vwọ ro ẹshẹ na,

Hibru 10:21

rẹ avwanre re vwo vwo orherẹn rode vwẹ enu rẹ uwevwi rẹ Ọghẹnẹ,

Hibru 11:1

Esegbuyota hẹ iphiẹrohọ rẹ obo ri mu ohwo ẹro, imuẹro rẹ obo re jẹmrẹ.

1 Pita 4:17

Kidie ọke na tere rẹ ẹdjọeguo na che vwo muhọ vwẹ evwruwevwi rẹ Ọghẹnẹ re; ọ da dia avwanre o vwo muhọ, komavọ oba rẹ ayen otu ri mu ọghọ kẹ iyẹnrẹ esiri rẹ Ọghẹnẹ na-a cha dia?

Ẹvwọphia 2:26

Ohwo ro phi kparobọ rọ yọnre iruo mẹ re te oba, ke me kẹ ogangan vwẹ enu rẹ ẹgborho na,

Izikiẹl 46:10

Ọke rẹ ayen da ro uwevwi, osun na vẹ ayen gba ro uwevwi; ọke re ayen da ro otafe, kọ je ro otafe.