Hibru 3:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọye hẹ ohwo rẹ uyota kẹ ohwo ro vwiro mu, kirobo ri Mosis dia ohwo rẹ uyota vwẹ uwevwi rẹ Ọghẹnẹ.

Hibru 3:2 Referans Kwoze

Ukeri 12:7

Ọ dia ọtiọye ọ epha kẹ odibo mẹ Mosis na-a, mi mu uwevwi mẹ ejobi phihọ obọ rọye.

1 Timoti 3:15

o da dianẹ emu da vwẹ ji, re wọ vwọ sa riẹn obo wo ru vwẹ evwruwevwi rẹ Ọghẹnẹ, kọye hẹ ishọshi rẹ Ọghẹnẹ ri bẹdẹ na, osunsun kugbe egbe rẹ uyota na.

Ẹfesọs 2:22

Evun rọye kọye a je bọn ovwan phihọ ẹdia rẹ Ọghẹnẹ vwẹ evun rẹ Erhi na.

Hibru 2:17

Fiki rẹ ọtiọye na kọye a vwọ ma họhọ imoni rọye vwẹ idjerhe kidjerhe, rere ọ vwọ sa dia orherẹn rode ro nẹ aruẹdọn ro vwo esegbuyota vwẹ evun rẹ ẹga rẹ Ọghẹnẹ, rọ vwọ go ese rẹ imwemwu nẹ ihwo oma.

Iyẹnrẹ Esiri ri Jọn 17:4

Me vwẹ urinrin kẹ owẹ vwẹ akpọ na, ri mi vwo ru iruo ru wọ vwọ kẹ vwẹ ru gba;

1 Timoti 1:12

Me kpẹvwẹ Kristi Jesu Ọrovwavwanre, rọ kẹ vwẹ ogangan nana, kidie o ni vwe fo ohwo rẹ uyota, ro vwo se vwe phihọ iruo rọye,

Iyẹnrẹ Esiri ri Jọn 15:10

Ovwan da sẹro rẹ irhi mẹ, ovwan ke je dia vwẹ evun rẹ ẹguọnọ mẹ, kirobo re me sẹro rẹ irhi rẹ Ọsẹ mẹ re me da dia vwẹ ẹguọnọ rọyẹ.

Iyẹnrẹ Esiri ri Jọn 8:29

Ọ ro ji vwe rhe na vẹ ovwẹ herọ; o che jẹ uvwe ọvo vwo-o, kidie mi ru obo ri je kọke kọke.

Iyẹnrẹ Esiri ri Jọn 7:18

Ọ rọ vwẹ ogangan robọ rọye ta ota yọ guọnọ urinrin robo rọye; ẹkẹvuọvo ọ rọ guọnọ urinrin rẹ ohwo ro jiro rhe yẹ ọye ohwo rẹ uyota, kaka efian rhere-e.

Urhi Rivẹ 4:5

Nighe, mi yono ovwan irhi kugbe iji nure, kirobo rẹ Ọrovwohwo Ọghẹnẹ mẹ jiji kẹ vwẹ na, rere wa mrasan ru ayen vwẹ evun rẹ otọ re wa ra dia na.

1 Samuẹl 12:6

Samuẹl da ta kẹ ihwo na, Ọrovwohwo ọye oseri ohwo rọ vwi Mosis vẹ Erọn vwo mu nẹ reyọ esẹ rẹ ovwan nẹ otọ rẹ Ijipt rhe.

Ẹyano 40:16

Enẹ kọye Mosis ruru; kirobo rẹ Ọrovwohwo ta kẹ, ọtiọye oruru.