Hibru 3:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Wa jomaotọ, imoni, rere udu rẹ idẹbono vwo jẹ ovwan e rhe, udu ro jẹ esegbuyota evwo, ro de si ovwan she nẹ idjerhe rẹ Ọghẹnẹ ro jeghwo na.

Hibru 3:12 Referans Kwoze

Jerimaya 17:5

Enẹ Ọrovwohwo tare: Ekan kẹ ohwo rọ vwẹ ẹro so ohwo rẹ akpọ rọ vwẹ uvwo ru ẹgba rọye, rẹ udu rọye rhẹriẹ jẹn Ọrovwohwo vwo.

Jerimaya 7:24

Ẹkẹvuọvo ayen nyori-i, ayen kerhọ-ọn, ẹkẹvuọvo ayen da yan nene iroro rẹ obo rayen vẹ udu ọgangan rẹ udu umwemwu rayen, ayen da ya kpuko o gbe dia obaro-o.

Jerimaya 17:9

Udu rẹ ohwo vọnre vẹ ophiẹvwe gangan o miovwiri gangan; ono se vughe?

Jerimaya 18:12

Ẹkẹvuọvo ayen da ta nẹ, Ọyena emu gheghe! Me nene iroro rẹ obọ rẹ avwanre, avwanre ohwo ọvuọvo ru kirobo rẹ udu ọgangan rẹ avwanre epha.

Hibru 12:25

We ja mrẹ nẹ ovwan siẹn ohwo rọ ta ota na-a. O da dianẹ ayen siẹn ohwo rọ ta ota kẹ ayen vwẹ akpọ na rẹ ayen da djẹ vabọ-ọ, komavọ ọ dia rẹ avwanre sa vwọ djẹ vabọ ra da siẹn ohwo ro ta ota kẹ ayen nẹ odjivwu rhe.

1 Kọrẹnt 10:12

Fiki rẹ ọtiọye na e jẹn ohwo kohwo ro rori nẹ ọye mudia kẹnoma re o vwo je she.

Hibru 10:38

ẹkẹvuọvo esegbuyota ko sivwi ọvwata mẹ rhọ o de sioma reyọ, erhi mẹ vwo omavwerhovwẹ kpahọ-ọ.

Jerimaya 11:8

Dede na ayen nyori-i eyẹ ayen je kerhọ-ọn; ẹkẹvuọvo dohwo dudu ọgangan rẹ umwemwu rọye je yan phihọ. Ọtiọye re me da ghwa eta rẹ ọphọ nana kpahe ayen, ri mi jiji kẹ ayen nẹ ayen ru, ẹkẹvuọvo ayen ruro-o.

Hibru 12:15

E ja mrẹ nẹ ohwo ọvuọvo fiabọ rẹ ẹserọphẹ rẹ Ọghẹnẹ na-a; e jẹn owọ urhe rẹ ophu tan cha vwẹ ohri rẹ ovwan rọ so okpetu-u, ro che gbe ihwo buebu ẹgua-a;

Jerimaya 16:12

fikiridie we ru miovwi vrẹn esẹ rẹ ovwan, gbe nighe, ovwan dohwo dudu ọgangan rọye je yan nene, wa rhọvwe kerhọn mẹ-ẹ;

Hibru 3:10

Kọye uvwiẹ yena da kpare ophu mẹ, me da ta, ayen ghwrẹ vwẹ udu rayen kọke kọke, o rhe jẹ ayen riẹn idjerhe mẹ-ẹ.

Iyẹnrẹ Esiri ri Mak 13:33

Ovwan kẹnoma, a rhẹrẹ ra nẹ ẹrhovwo; kidie ovwan riẹn ọke ro vwo te-e.

Matiu 24:4

Jesu da kpahe ọ da ta kẹ ayen nẹ, Wa jomaotọ rere ohwo vwo jẹ ovwan esuo ghwro.

Jerimaya 3:17

Vwẹ ọke yena ke se Jerusalẹm nẹ ekete rẹ uvie rẹ Ọrovwohwo, irere na ejobi ki koko bro rhe, obaro rẹ Ọrovwohwo vwi Jerusalẹm, ayen gbe rha vwẹ udu ọgangan vwo nene umwemwu rẹ udu rayen ọfa-a.

Jerimaya 2:13

Kidie ihwo mẹ ru imu ivẹ chọ! ayen sen vwẹ, rẹ ẹtẹrhe rẹ ame rẹ urhuarhọ na, ayen da tọn egọdọ rẹ ame kẹ omobọ rayen, egọdọ re vwẹn, re sa yọnrọn ame-e.

Isẹ 1:32

Kidie ihwo ughenghẹn na hiro ghwẹ kuẹfia fikiridie ayen vwẹ oma ba aye-en, ọjẹfia rẹ ẹkpa na kọye ri hwe ayen,

Iyẹnrẹ Esiri ri Mak 13:9

Ẹkẹvuọvo ovwan kẹnoma rẹ ovwan. kidie ayen reyọ ovwan vwọ kẹ ediaguare, ayen che hwe ovwan vwẹ evun ri sinagọg; a cha vwẹ ovwan mudia vwẹ obaro rẹ ehọnvwọre kugbe ivie vwi fiki mẹ, re ọ dia iseri kẹ ayen.

Hosia 1:2

Ọke rẹ Ọrovwohwo vwo ka wa oma ri Hosia ta ota, Ọrovwohwo da ta kẹ Hosia, Yanran wọ ra rọvwọ igberadja wo vwiẹ emọ rẹ igberadja, fikiridie ihwo na gbe ọfarhiẹ rode rẹ ayen vwọ sen Ọrovwohwo.

1 Tẹsalonaika 1:9

Kidie ekpuyovwi rẹ ayen nẹ iyẹnrẹ kẹ avwanre oghẹre rẹ edede rẹ avwanre vwori vwẹ ohri rẹ ovwan, kugbe obo rẹ ovwan siobọ nẹ ẹdjọ bru Ọghẹnẹ rhe, rhe ga Ọghẹnẹ rẹ uyota ro jeghwo,

Une rẹ Ejiro 18:21

Kidie me yọnrọn idjerhe re Ọrovwohwo, me vwẹ uvumwemwu hẹriẹ oma nẹ Ọghẹnẹ mẹ-ẹ

ỌBE RẸ JOB 22:17

Ayen da ta kẹ Ọghẹnẹ nẹ, Bi nẹ avwanre oma, kidie Ọrovwoẹgba na se ru avwanre?

Ọbe ri Pọl si rhe Ihwo ri Rom 11:21

Kidie Ọghẹnẹ hwe uvi rẹ urhe na, kẹ owẹwẹ ra vwọ tamu.

Iyẹnrẹ Esiri ri Luk 21:8

Ọ da ta, Kẹnoma rere e vwo jẹ uwe esuo ghwro; kidie buebu cha rhe vwẹ odẹ mẹ, tanẹ, Mẹvwẹ hẹ ọye! yẹ ọke na si kẹre re! Wo nene aye-en.

Iyẹnrẹ Esiri ri Mak 13:23

Ẹkẹvuọvo ovwan kẹnoma; nighe Me ta imu na ejobi kẹ ovwan nure.

Matiu 16:16

Saimọn Pita da kpahe ọ da ta nẹ, Wẹ hẹ Kristi na, Ọmọ rẹ Ọghẹnẹ ri bẹdẹ na.

ỌBE RẸ JOB 21:14

Ayen ta kẹ Ọghẹnẹ nẹ, Bi nẹ avwanre oma! Ma guọnọ ẹriẹn rẹ idjerhe wẹ-ẹn.

Jẹnẹsis 8:21

Ọke rẹ Ọrovwohwo vwo nyo ọnrhe ghwoghwo rẹ izobo na, Ọrovwohwo da ta vwẹ udu rọye, Me gbe harhe otọ na ọfa vwi fiki rẹ ohwo-o, kidie iroro rẹ evun rọye nẹ ọke-emọ rhe pha brabra, eyẹ Me gbe ghwọrọ emu kemu ro vwo arhọ re Me mare ọfa-a.

Aizaya 59:13

ogbeku, kugbe ẹsiọn rẹ Ọrovwohwo, kugbe uko re chuku Ọghẹnẹ rẹ avwanre, ota rẹ oshenyẹ eta kugbe ozighi egbe, iroro umwemwu re roro vwẹ udu kugbe ota re efian ra tanẹ udu cha.

Kolose 2:8

Ovwan jomaotọ rere ihwo vwo je ovwan ẹphiẹn fiki rẹ erianriẹn vẹ uyono rẹ efian rayen, kugbe uruemu rẹ awanre rẹ ayen yọnra vẹ ebaghẹrẹ rẹ akpọ nana, ri shephihọ urhi ri Kristi-i.

Hibru 3:1

Fiki rẹ ọtiọye na, imoni re fonro, ri vwo obọ vwẹ use rẹ obo odjuvwu na, gbe roro Jesu, ọyinkọn kugbe orherẹn rode rẹ avwanre rhọvwere na.

Hibru 3:19

Ọtiọye na avwanre mrẹre nẹ ayen gbi se te-e fiki ri jesegbuyota.

Hibru 9:14

komavọ ọbara ri Kristi, rọ wan oma rẹ Erhi ri bẹdẹ na vwẹ oma rọye gọ iye ro jẹ ekan evwo kẹ Ọghẹnẹ, se ru udu rẹ ovwan fon nẹ iruo ighweghwu na ra gọ Ọghẹnẹ ri bẹdẹ na.

Hibru 10:31

Emu ro mu oshọ gangan re vwo she phihọ obọ rẹ Ọghẹnẹ ri bẹdẹ na.

Hibru 12:22

Ẹkẹvuọvo ovwan rhe yan te ugbenu ri Zayọn re, re te orere rẹ Ọghẹnẹ ri bẹdẹ na re, kọye hẹ Jerusalẹm rọ hẹ obenu na, kugbe ukoko rẹ emakashe gbidi re ghwẹ koko re orẹ,

Izikiẹl 14:5

Mi ru ọnana rere me vwọ yọnrọn udu rẹ uwevwi rẹ Izrẹl na, ri ghwru nẹ oma mẹ fiki rẹ ema rayen.