Hibru 3:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kọye uvwiẹ yena da kpare ophu mẹ, me da ta, ayen ghwrẹ vwẹ udu rayen kọke kọke, o rhe jẹ ayen riẹn idjerhe mẹ-ẹ.

Hibru 3:10 Referans Kwoze

Une rẹ Ejiro 95:10

Kidie ikpe ujuvẹ mi tuoma re uvwiẹ yena Me da ta, Ayen ihwo ri ghwruru vwe udu rayen, ayen se idjerhe mẹ gbe emu-u.

Ẹfesọs 4:30

We jẹn ophu muẹ Erhi Ọfuanfon rẹ Ọghẹnẹ ra vwọ kẹ ovwan nẹ ọ yonre ovwan re te ẹdẹ rẹ etanhirhe na-a.

Jerimaya 4:22

Kidie ihwo mẹ ẹkpa, ayen riẹn vwẹ-ẹ; ayen emọ igheghẹ, ayen vwo erianriẹ-ẹn. Ayen riẹn obo re ruẹ umwemwu gangan, ẹkẹvuọvo ayen riẹn ọresiri ruẹ-ẹ.

Une rẹ Ejiro 78:8

rere ayen vwo jẹn esẹ rayen ẹhọhọ, uvwiẹ vẹ udu kpoi uvwiẹ rẹ okpetu, uvwiẹ rẹ vwẹ udu rayen kpahe ovwẹ-ẹ, rẹ erhi rọye se Ọghẹnẹ gbuyota-a.

Une rẹ Ejiro 67:2

rere a vwọ riẹn idjerhe wẹn vwẹ akpọ na, ogangan rẹ esivwo wẹn vwẹ ohri rẹ ẹgborho na ejobi.

Hosia 4:12

Ihwo mẹ re duotọ rẹ akpọ vwẹ obọ rẹ ubrurhe, ọkpọ rayen kọye ayen vwọ bọ epha. Kidie urhuru sivwe rẹ ọfarhiẹ sun ayen ghwru, ayen da yan jẹn Ọghẹnẹ rayen vwo re gbe igberadja.

Aizaya 63:10

Ẹkẹvuọvo ayen gbe ozighi ayen da nẹrhẹ ophu mu Erhi ọfuanfon na, fiki rẹ ọtiọye na ọ da rhoma rhe dia ọvweghre rayen, ekpuyovwi rọye da họnre ayen.

Hibru 3:12

Wa jomaotọ, imoni, rere udu rẹ idẹbono vwo jẹ ovwan e rhe, udu ro jẹ esegbuyota evwo, ro de si ovwan she nẹ idjerhe rẹ Ọghẹnẹ ro jeghwo na.

Iyẹnrẹ Esiri ri Jọn 8:45

Ẹkẹvuọvo, fikiridie me ta uyota na, ovwan gbi se vwe gbuyota-a.

Iyẹnrẹ Esiri ri Mak 3:5

Ọke rọ vwọ vwẹ ophu ni ayen yariẹ ivun de miovwo fiki rẹ udu ọgangan rayen, ọ da ta kẹ ọshare na, Riẹn obọ wẹn. Ọ da riẹn obọ rọye obọ rọye de shehọ kerẹ ọ ro chekọ na.

Aizaya 28:7

Enana ejobi na re kpogho vẹ idi, idi egangan re mu ayen gele; te orherẹn vẹ ọmraro re gele vẹ idi gangan, ayen ghwruru vwi jẹn obaro enote, ayen beghe vwẹ orhiebro

Une rẹ Ejiro 147:20

O nene ẹgborho ọfa yeri ọtiọna dẹvo-o; ayen riẹn urhi rọye-e. Jiri Ọrovwohwo na.

Iguẹdjọ 10:16

Ọtiọye na ayen da kua edjọ erhorha na nẹ oma rayen kufia ayen da ga Ọrovwohwo na; ophu de muo fiki rẹ omẹnaghọ rẹ Izrẹl

Ọbe ri Pọl si rhe Ihwo ri Rom 3:7

Ẹkẹvuọvo kẹ ọvọ ovwan ta na ọ da dianẹ ofian re me vwọnre sa vwẹ uyota rẹ Ọghẹnẹ vẹ urinrin rọye phia, kidie e rhe vwo brẹ hwe vwe kerẹ oruimwemwu?

Une rẹ Ejiro 78:40

Mavọ ayen vwọ suọ phẹre te vwẹ evun rẹ aghwa re ayen vwọ kpare ophu rọye vwẹ evun rẹ aton!

Jẹnẹsis 6:6

Ọ da da Ọrovwohwo gangan rọ vwọ ma ohwo phihọ akpọ na, ọ da da vwẹ udu rọye.

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

Matiu 20:24

Ọke rẹ ihwivẹ ri chekọ vwo nyo, ivun de miovwo ayen kpahe iniọvo ivẹ na.