Hibru 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Fiki rẹ ọtiọye na, imoni re fonro, ri vwo obọ vwẹ use rẹ obo odjuvwu na, gbe roro Jesu, ọyinkọn kugbe orherẹn rode rẹ avwanre rhọvwere na.

Hibru 3:1 Referans Kwoze

2 Timoti 1:9

ro sivwi avwanre ro se avwanre rhe use ọfuanfon rọye, ọ dianẹ ki fiki rẹ iruo rẹ avwanre-e ẹkẹvuọvo kirobo rẹ uruemu vẹ ẹserọphẹ rọye epha rọ vwọ kẹ avwanre vwẹ ọma ri Krisfi Jesu rhahae rhe,

Filipae 3:14

me ra pharha kpo obaro fiki rẹ osa rọ hẹ use na vwẹ obenu vwẹ evun ri Kristi Jesu.

Hibru 7:26

Kidie o fori rere avwanre vwo orherẹn rode ọtiọye, fuanfon, ọ reabe-e, o vwo upe-e, rọ hẹriẹ oma nẹ iruimwemwu, ra kpare kpenu pheneke.

Ẹfesọs 4:1

Mẹvwẹ, rọ hẹ uwodi fiki rẹ Ọrovwohwo na, nabọ rẹ ovwan rere ovwan yere eyere ro fori kẹ use nana re se ovwan phihọ na.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Hibru 2:17

Fiki rẹ ọtiọye na kọye a vwọ ma họhọ imoni rọye vwẹ idjerhe kidjerhe, rere ọ vwọ sa dia orherẹn rode ro nẹ aruẹdọn ro vwo esegbuyota vwẹ evun rẹ ẹga rẹ Ọghẹnẹ, rọ vwọ go ese rẹ imwemwu nẹ ihwo oma.

Hibru 10:21

rẹ avwanre re vwo vwo orherẹn rode vwẹ enu rẹ uwevwi rẹ Ọghẹnẹ,

Ẹfesọs 4:4

Oma ọvuọvo rẹ herọ kugbe Erhi ọvuọvo, kirobo re se ovwan rhe iphiẹrohọ ọvuọvo na rọ hẹ evun rẹ use rẹ ovwan na.

1 Tẹsalonaika 2:12

Avwanre rẹre rere eyere rẹ ovwan se vwo she phihọ kerẹ emọ rẹ Ọghẹnẹ re se rhe re uvie robọ rọye kugbe urinrin rọye.

1 Kọrẹnt 9:23

Mi ru ayen ejobi fiki rẹ iyẹnrẹ esiri na, rere mi vwo se vwo ẹkẹn vwẹ ẹrhovwo rọye.

2 Timoti 2:7

Roro obo re me ta na, kidie Ọrovwohwo re sa kẹ wẹ ẹruọ vwi kemu kemu.

1 Timoti 6:12

Họnre omamọ ọhọnre rẹ esegbuyota; gbanọ arhọ ri bẹdẹ na ra vwi fiki rọye se we na homa, ru wọ rhọvwere vwẹ irharo rẹ iseri buebu na.

Ọbe ri Pọl si rhe Ihwo ri Rom 15:8

Kidie me ta kẹ owẹ nẹ Kristi rhi hirhe oma phihọ odibo vwọ kẹ ihwo re yanvwere ro vwo dje uyota rẹ Ọghẹnẹ phia, rere o vwo ru ive ro ve kẹ esẹ ride na gba.

Hibru 2:11

Kidie te ọye ro ru ihwo fon kugbe otu re ru fon na ejobi asan ọvo ayen nurhe. Kọye sorọ rẹ oma vwo jẹvuọ ro de se avwanre imoni,

Iyẹnrẹ Esiri ri Jọn 20:21

Jesu da rhoma ta kẹ ayen, Ufuoma dia kẹ ovwan. Kirobo rẹ Ọsẹ na ji vwe, ọtiọye mi ji ji ovwan rhe.

Hegae 1:5

Asakiephana kenẹ Ọrovwohwo rẹ otuofovwi na tare: Gbe roro obo ri wo yeri te.

Une rẹ Ejiro 110:4

Ọrovwohwo na duvwu iyori nure o gbi che ku unu rọye rhẹriẹ-ẹ, Wẹ orherẹn rhiri bẹdẹ kirobo rẹ urhi ri Melkizedek epha.

Ọbe ri Jud 1:1

Jud, odibo ri Jesu Kristi, kugbe oniọvo ri Jems ri si ọbe nana rhe ayen otu re seri, re ghare vwẹ obọ Ọghẹnẹ Ọsẹ na ra sẹro hẹrhẹ Jesu Kristi:

Hibru 3:14

Kidie avwanre ji vwo ẹkẹn vwẹ evun ri Kristi, ọ da dianẹ avwanre yọnre ẹroẹvwọsuọ rẹ avwanre rẹsosuọ na rhi te oba.

Aizaya 1:3

Erhuẹn riẹn ọrovworo, ekẹtẹkẹtẹ riẹn utughẹ rẹ onini rọye ihwo mẹ se vughee

1 Timoti 6:2

Ihwo ri vwo inini ri segbuyota wa jẹ ayen fia-a kidie imoni ovwan ruẹ; ẹkẹvuọvo we rhie evun ga ayen fikiridie ihwo re cha re erere rẹ owian rẹ ovwan na je vwẹ ihwo ri segbuyota imoni re ghare. Vwẹ imu nana yono ayen.

2 Tẹsalonaika 2:14

Ọnana kọye o se ovwan rhe vwẹ oma rẹ iyẹnrẹ esiri rẹ avwanre, ọtiọye na rere ovwan vwo se vwo urinrin rẹ Ọrovwohwo Jesu Kristi.

2 Tẹsalonaika 1:11

Fiki rẹ ọnana na avwanre vwọ rẹ kẹ ovwan kọke kọke, rere Ọghẹnẹ rẹ avwanre se ru ovwan fo kẹ use rọye, rere o vwo se ru iroro kiroro esiri rọ jẹ kpahe ovwan gba kugbe iruo rẹ esegbuyota vwẹ ogangan rọye,

1 Tẹsalonaika 5:27

Mi duvwu iyori kẹ ovwan vwẹ odẹ rẹ Ọrovwohwo nẹ e se ọbe nana kẹ imoni na ejobi.

Kolose 3:12

Ovwan gba vwẹ uruemu esiri rhuo oma riariẹ kerẹ ikru rẹ Ọghẹnẹ re fonro re nabọ ghare, vẹ udu ọlọlọhọ rọ vọnre vẹ aruẹdon, oma evwo kpotọ, ufuefu kugbe odiri.

Kolose 1:22

Vwẹ ugboma fiki rẹ ughwu rọye, rere ọ vwọ sa vwẹ ovwan phia kẹ fuanfon, ro jẹ upe vẹ abe evwo vwẹ obaro rọye.

Kolose 1:12

Wa mia vwẹ ekpẹvwẹ kẹ Ọsẹ na, ro ru avwanre fo ihwo re vẹ irherẹn rẹ Urhukpe na gbe koko reuku na.

2 Kọrẹnt 1:7

Iphiẹrohọ re avwanre kpahe ọwe pha gbae; kidie avwanre riẹnre nẹ kirobo rẹ ovwan vwo obọ vwẹ ojẹriọ rẹ avwanre na, ovwan ji vwo obọ vwẹ uchebro rọye.

1 Kọrẹnt 1:2

Vwo rhe ishọshi rẹ Ọghẹnẹ rọ hẹ Kọrẹnt, vwo rhe ihwo re rufon vwẹ evun ri Kristi Jesu, re seri ne rhe dia ihwo efuanfon kugbe ayen ejobi re hẹ kasan kasan ri se odẹ rẹ Ọrovwavwanre Jesu Kristi, ọye hẹ Ọrovwohwo rayen kugbe ọ rẹ avwanre.

Ọbe ri Pọl si rhe Ihwo ri Rom 15:27

O je ayen nẹ ayen ruo, uyota ayen reosa rẹ ayen, ọ da dianẹ otu ri Keferi na rhi vwo ẹkẹn vwẹ ebruphihọ rẹ erhi na, ke je vwẹ abọvo rẹ iruo rẹ ayen rẹ ayen vwọ vwẹ ebruphihọ rẹ ugboma rẹ ayen vwọ ga ayen.

Ọbe ri Pọl si rhe Ihwo ri Rom 11:17

Ọ da dianẹ a nyavwe eghọn rẹ urhe na evo kufia, ra da vwẹ owẹ, oghọn rẹ urhe ọfa vwọ tamuo, rọ da vwẹ ame rẹ urhe rẹ ọliv na vwọ ghẹrẹ oma rọye,

Ọbe ri Pọl si rhe Ihwo ri Rom 9:24

mrẹmrẹ vwọ kẹ avwanre ro seri nẹ ohri ri Ju ọvo rhe-e ẹkẹvuọvo ji nẹ ohri ri Keferi rhe?

Iyẹnrẹ Esiri ri Jọn 20:27

Etiyin ọ da ta kẹ Tọmọs. Vwẹ urhiabọ wẹn te etinẹ, re wọ mrẹ abọ mẹ; gba riẹn obọ wẹn rhe, re wo vwo te ẹfẹn mẹ; wo jẹ esegbuyota evwo-o, ẹkẹvuọvo segbuyota.

Hegae 2:15

Me rẹ wẹ, gbe roro obo re cha phia kẹ inonẹ yanran. Bẹsiẹ re che vwo mu oragha ohwohwo kpahe ohwo vwẹ uwevwi rẹ Ọrovwohwo na.

Izikiẹl 18:28

Fikiridie o niro mu o de kurhẹriẹ nẹ ogbigbiru rọye ejobi rọ ruru, ko rhọ dẹn, ọ gbi rhe ghwu-u.

Izikiẹl 12:3

kidie ayen uwevwi ri muẹkpahe ohwo. Fiki rẹ ọtiọye na, ọmọ rẹ ohwo, gba choma wo kru oghwa rẹ imu kẹ oma wẹn, rere wọ yan kpo imu vwẹ oghẹruvo vwẹ irharo rayen; wọ cha yanran kerẹ ohwo re muru nẹ asan ọvo kpo ọrivẹ vwẹ irharo rayen. Ọkeọvo ayen me riẹn, dede na yẹ ayen uwevwi ro muẹkpahe ohwo.

Aizaya 41:20

rere ihwo vwọ mrẹ vwẹ vughe, re ayen roro re ayen vwọ vughc kugbe, nẹ obọ rẹ Ọrovwohwo ri ru Ọnana, nẹ Ọfuanfon Ọvuọvo rẹ Izrẹl na pẹ marọ.

Aizaya 5:12

Ayen vwo ine vẹ isorogun, urephe vẹ owanre kugbe udi vọn asan orẹ rayen; ẹkẹvuọvo ayen se uruemu rẹ Ọrovwohwo gbe emu-u, eyẹ kẹ iruo rẹ obọ rọye-e.

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!

Ẹvwọphia 17:14

ayen ke cha vwẹ ofovwi so Omogodẹ na, Omogodẹ na ko phi ayen kua, kidie ọye hẹ Ọrovwohwo ro vwo ihwo ejobi kugbe Ovie ro vwo ivie ejobi, ayen otu re vẹ ọye gba herọ ayen o seri rọ jẹreyọ ri segbuyota.

1 Jọn 1:3

rẹ avwanre mrẹre rẹ avwanre nyori kọye avwanre ghwoghwo kẹ ovwan na, rere avwanre vẹ ovwan vẹ ovwan vwo okugbe ọvo; okugbe rẹ avwanre ọ hẹ obọ rẹ Ọsẹ na kugbe Ọmọ rọye Jesu Kristi.

1 Pita 5:10

Ọke rẹ ovwan da reoja nu emerha, Ọghẹnẹ rẹ ẹserọphẹ ejobi, ro se ovwan rhe urinrin rọye ri bẹdẹ na vwi Kristi, okpuyovwi rọye kọ rhoma vọn, kọ vwẹ owọ rẹ ovwan muotọ, kọ kẹ ovwan ogangan.

1 Pita 5:1

Vwẹ ọtiọye na mi bru ekpako re hẹ ohri rẹ ovwan uche, kidie okpuyovwi mẹ je vwẹ okpako kugbe oseri rẹ oja ri Kristi kugbe ohwo ro ji vwo obọ vwẹ urinrin ra cha vwọ phia na.

1 Pita 3:5

Ọtiọye eya efuanfon rẹ awanre re vwẹ ẹro so Ọghẹnẹ ja sẹ osẹnvwe rẹ ayen da vwẹ oma kpotọ kẹ eshare rayen,

Hibru 9:11

Ẹkẹvuọvọ ọke ri Kristi rẹ orherẹn rode rẹ emu esiri rọ rhere na, rọ wan oma rẹ ọ rọ marho ejobi kugbe omamọ rẹ utughẹ rọ ghare rhe (rẹ a vwẹ obọ ru-u, kọye hẹ, ọ dia ọ rẹ emama nana-a)

Hibru 6:20

asan ri Jesu vwi fiki rẹ avwanre ka obaro ra na, rọ rhe vwọ dia orherẹn rode na bẹdẹ vwẹ urhi ri Mẹlkizẹdẹk.

Ẹfesọs 3:6

Kọye hẹ, obo ri Keferi na koko reuku na kugbe, rẹ ayen da dia ekuakua rẹ ugboma ọvuọvo na, kugbe ayen otu ri ji vwo obọ vwẹ ive na vwẹ evun ri Kristi Jesu vwẹ oma rẹ iyẹnrẹ esiri na.

1 Kọrẹnt 10:17

Fikiridie ikara ọvuọvo herọ, yẹ avwanre re epha buebu na ugboma ọvo, kidie ikara ọvo na avwanre ejobi ria.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Iruo rẹ Iyinkọn na 1:15

Vwẹ ẹdẹ yena Pita de mudia uherevie rẹ imoni na unu rẹ ihwo na da dia oma rẹ ujosan, ọ da ta,

2 Kọrẹnt 9:13

Vwẹ oma rẹ ọdavwini rẹ iruo nana, kọye wọ wan vwẹ urinrin kẹ Ọghẹnẹ vwẹ oma rẹ ọghọ ru wọ vwọ reyọ iyẹnre esiri ri Kristi na, kugbe obọ wo rhie vwọ gba arhọghọ kẹ ayen vẹ ihwo efa ejobi;

Hibru 3:12

Wa jomaotọ, imoni, rere udu rẹ idẹbono vwo jẹ ovwan e rhe, udu ro jẹ esegbuyota evwo, ro de si ovwan she nẹ idjerhe rẹ Ọghẹnẹ ro jeghwo na.

Hibru 7:28

Mrẹmrẹ, urhi na vwẹ ihwo ri fori-i vwo muẹ orherẹn rode, ẹkẹvuọvo ive rẹ Ọghẹnẹ rọ rhere vwẹ ukuko na, da vwẹ Ọmọ na vwo mu ọ re ru gba bẹdẹ.

Hibru 9:15

Fiki rẹ ọtiọye na kọye ọ vwọ dia obruche rẹ ọphọ ọkpokpọ na, rere ayen otu re seri se vwo vwo ivẹ rẹ uku ri bẹdẹ na, fikiridie ohwo ọvo ghwuru ra vwọ tan ayen nẹ ogbeku rọ hẹ otọ rẹ ọphọ rẹsosuọ.

Hibru 10:19

Vwẹ ọtiọye na, imoni, fiki rẹ obo rẹ ọbara ri Jesu vwọ kẹ avawnre arueyivwo vwọ ro ẹshẹ na,

Hibru 10:23

E gbe jẹn yọnre esegbuyota rẹ iphiẹrohọ rẹ avwanre na gan e phieghe-e, kidie ohwo ro ve ive kẹ avwanre na ohwo rẹ uyota;

Hibru 13:22

Me rẹ ovwan, imoni, we chirako rẹ uchebro mẹ na, kidie mi siro rhe ovwan krẹn.