Hibru 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Yẹ Ọghẹnẹ ji se oseri vwẹ eka vẹ igbunu kugbe emuigbunu sansan kugbe okẹ rẹ Erhi Ọfuanfon na ghare kẹ ihwo kirobo rẹ ọhọre robọ rọye epha.

Hibru 2:4 Referans Kwoze

Iruo rẹ Iyinkọn na 14:3

Ọtiọye na ayen da dia etiyin krẹkri ta ota rẹ Ọrovwohwo na vẹ udu, vwo se oseri kpahe ota rẹ ẹserọphẹ rọye, ayen de ru emu rẹ eka kugbe igbunu buebu.

Ẹfesọs 1:5

O de rhi avwanre vwẹ ẹguọnọ nẹ avwanre dia emọ rọye vwẹ oma ri Jesu Kristi, kirobo rẹ ẹguọnọ rẹ ọhọre rọye epha,

Iyẹnrẹ Esiri ri Mak 16:20

Ayen da yanran, re ghwoghwo ota na vwẹ asan ejobi, Ọrovwohwo de nene ayen ru iruo, ọ da vwẹ eka nene ota na re o vwo ruo gan. Isẹ.

Iyẹnrẹ Esiri ri Jọn 4:48

Jesu da ta kẹ, Jokpa nẹ wọ mrẹ oka kugbe igbunu-u wo che segbuyota-a.

Daniẹl 4:35

Ihwo re dia akpọ na ejobi e kere ayen kerẹ emu diodi; obo ri jere ọye o ruẹ vwẹ ohri rẹ otu rẹ obo odjuvwu vẹ ohri rẹ ihwo re dia akpọ na; o vwo ohwo ọvuọvo rọ sa da obọ rọye jẹ-ẹ yẹrẹ ta kẹ nẹ, die wọ ruẹ?

Iyẹnrẹ Esiri ri Jọn 15:26

Ẹkẹvuọvo ọke rẹ Obruche na da rhe, ri mi che ji nẹ obọ rẹ Ọsẹ na rhe, mrẹmrẹ kọye hẹ Erhi rẹ uyota na, ro nẹ obọ rẹ Ọsẹ na rhe, ọye ri che se oseri kẹ vwẹ.

Ẹfesọs 1:9

Kidie ọ nẹrhẹ avwanre riẹn vwẹ evun rẹ aghwanre ejobi kugbe emramrẹ rẹ igbunu rẹ ọhọre rọye, kirobo rẹ ejiroro rọ jẹ kpahe Kristi epha.

Iruo rẹ Iyinkọn na 4:10

ovwan gba riẹn ọnana ihwo rẹ Izrẹl ejobi, nẹ odẹ ri Jesu Kristi ri Nazarẹt, rẹ ovwan kanre mu agbagba, rẹ Ọghẹnẹ rhọvwọ nẹ ughwu na, ọye nẹrhẹ e sivwi ọshare nana ro mudia vwẹ obaro rẹ ovwan na.

Iyẹnrẹ Esiri ri Mak 6:14

Ovie Herọd de nyo; kidie odẹ ri Jesu kperi usi yariẹ. Evo da ta, Jọn ri Baptist vrẹn nẹ ughwu, kọye iruo egangan nana vwọ vwo phia vwẹ oma rọye.

Iruo rẹ Iyinkọn na 5:32

Avwanre kẹ iseri rẹ emu nana ejobi, ọtiọye je hẹ Erhi Ọfuanfon na rẹ Ọghẹnẹ vwọ kẹ ayen otu ri mu ọghọ kẹ.

Ẹfesọs 4:7

Ẹkẹvuọvo a vwẹ ẹserọphẹ kẹ avwanre ọvuọvo kirobo rẹ ovwanvwọn rẹ okẹ ri Kristi epha.

Hibru 6:4

Kidie ọ pha bẹnbẹn re vwo ku ihwo ri rhie ẹro nure rhẹriẹ, re davwe avwerhe rẹ okẹ rẹ obo odjuvwu na, ri de vwo obọ vwẹ ughwẹ rẹ Erhi Ọfuanfon na.